Genesis 29

Jacobna Rachel amadi Leahgidamak Laban-gi thabak shuba

1 Jacobna asum chatthaakhiduna nongpok lamda taariba mishinggi marakta thunglammi.

2 Mahaakna yengkhibada loubukta guha amaa leiba urammi. Yeng-u, matamduda guhadugi nakanda yaao shanggu ahumkhak kunduna leirammi, haayriba guhasigi eeshingdu yaaoshingduda pithaklammi guhasigi eeshing thokphamda thamliba nungdu thoidokna chaaorammi.

3 Yaaoshingdu loina punshinba loiraga yaaoshenba shingduna guhadugi machinda leiriba nungdu enthoklammi, aduga yaaoshingdu eeshing pithaklammi, eeshing pithakpa loiraga guhadugi machindu menshinnaba nungdu amuk enshinllammi.

4 Jacobna yaaoshenba shingduda haayrammi, "echin-enaaosha, kari lamdagi laakpiba oirabano?" makhoyna khumlammi, "eikhoi Haran kouba lamdudagini."

5 Mahaakna makha taana hangkhi, "adu oirabadi Nahorgi machaanupa Labanbu khangbibra?" makhoyna khumlammi, "mahaakpu eikhoy khang-e."

6 Makha taana mahaakna hanglammi, "mahaak karam karam paallibage?" makhoyna khumkhi, "mahaak awaat-apa amadi awaa-ana thoidokpa leite. Yeng-u, mahaakki machaanupi Rachel yaaoshing hoiraduna ada laakle."

7 Mahaakna haayrak-e, " numit yaamna ngaalli, yaaoshingdu pullap punshinba matam youdri. Yaaoshingdu eeshing pithaklaga shajik pijarukho."

8 Makhoyna khumlammi, "shanggushingdu punna tasindribamakhei eeshing pithakpa yaade. Guhasida leiriba nungshi enthoklaga yaaoshingdubu eeshing pithakkadabani."

9 Mahaakna makhoyga waari sannaringeidumaktada Rachelna selluba mapaagi yaaoshingdu hoiraduna laaklammi,

10 Mamaagi mabung Laban-gi machaanupi Rachel amadi mamaagi mabung Laban-gi yaaoshingdu ubada Jacobna changshinkhiduna guhadugi machinda leiriba nungdu onthoktuna mamaagi mabung Laban-gi yaao shanggudu eeshing pithakkhi.

11 Masigi matungda Jacobna Rachelbu chuplammi. Aduga khonjen waangna kaplammi.

12 Jacobna Rachelda mahaak mapaagi mari matani haayrammi. Mahaak Rebekahna pokpani haaybasisu khanghankhi. Matamsida Rachelna chenkhraga paaosi mapaada tamkhi.

13 Labanna machan-gi machaanupa Jacobki paaosi taabada chellaaktuna unakhi. Labanna mahaakpu konshinladuna chupirammi. Jacobpu mahaakki mayumda pubirakkhi. Jacobna waari pumnamak lirammi aduga madu taabada

14 Labanna maangonda haayrammi, "taashengbamak nahaaksi eigi eeni." Jacob mahaakka loynanaa thaa amaa leikhi.

15 Masigi matungda Labanna Jacobta haayrammi, “nahaak eigi shaagei-naatei oiba maramna mamal thidana eigi thabak touba ngamgadra? Nahaakna louningba peishaadu eingonda haayyu."

16 Matamduda Laban-gi machaanupi ani leirammi. Ahandugi mamingna Leah aduga atonbidugi mamingna Rachel kourammi.

17 Leahgi mamit kayaa pharamde. Adubu Racheldi thoidokna mashak matou phajabi nupi machaa amaa oirammi.

18 Jacobna Rachelbu nungshirammi, maramsina mahaakna haayrammi, "nahaakki nachaNupi atonbi Rachel-gidamak eina chahi taret thabak shugani."

19 Labanna haayrammi, "aatoppa mida mahaakpu pirugadoubagi shaarukpudi nangonda pibana henna phei haayna khalli. Maramsina phaare nahaak eigaa leiro.'

20 Matou asumna Jacobna Rachelgidamak chahi taret thabak shukhi. Adubu chahi tarettu mahaakpu nungshibagi mayaaina numit kharanigumna mahaakna khankhi.

21 Matam surabada Jacobna Labanda haayrammi, "eigi matam surakle. Nupi pibiba yaare maramsina eigi nupi piro."

22 Adudagi Labanna maphamdugi mishingdu khomjinladuna chaakkhangkhi.

23 Numidaang-waaida Labanna Machaanupi Leahbu Jacobki manaakta thillakkhi amasung Jacobna mahaakka tuminnakhi.

24 (Labanna minaai nupi Zilpahbu machaanupi Leahgi minaai nupi oinaa pikhi.)

25 Ayukki matamda Leahni haaybasi khanglakkhi. Maramsina Jacobna Labanda haayrammi, "nahaakna eingonda touribasi kari matou koubage? Rachelgidamak eina nahaakki thabak toujakhiba nattra? Karigidamak nahaakna eingonda minamlibano?"

26 Labanna haayrammi, "machena mayum pandringeida manaao nupina mayum palhanbasi eikhoygi lamsida chatnade.

27 Nangonda pikhraba nupisigi hounabi matung ennaa chayolgi kummei loiraba matungda nahaakna chahi taret amaaga eigi thabak tourabadi eina Rachelbusu nangonda pibigani."

28 Jacobna haayribasi enduna nupidugi matamdu loithoklaga Labanna machaanupi Rachelbu nupi oinaa oina pikhi.

29 (Labanna manaai nupi Bilhahbu rachelgi manaai nupi oinaa pikhi.

30 Asumna Jacobna Rachelga phidinnakhi. Mahaakna Rachelbu Leahdagi henna nungshirammi. Masina maram oiduna mahaakna chahi taret amasu Laban-gi makhaada thabak touduna leirammi.

Jacobna pokkhiba machaashing

31 Eeshorna Leahbu hangoi tukkachana toubire haaybasi khanglabada, machaa-masu pok-hanbikhi. Aduga Racheldi machaa pok-hankhide.

32 Leah mironduna machaanupa amaa pokkhi. Mahaakna angaangdubu Ruben koukhi maramdi mahaakna haayjakhi, "Eeshorna eigi awaabasi ubire maramsina eigi epuroibana eibu lunaa toubiragani."

33 Mahaak Amukka haanna mironduna machaanupa amasu poklammi. Masigi hantakta mahaakna haayrammi, "eibu tukucchana toubi haaybasi Eeshorna ubire maramsina Eeshorna echaa simasu pinabire." Mahaakna angaangdugi maming Simeon thonkhi.

34 Amuksu mironduna machaanupa amaa poklammi aduga masidasu mahaakna asumna haayrammi, "houjikti eigi epuroibana eigaa leiminnaragani maramdi mahaakkidamak eina echaa-nupaa ahum pokle." maramsina mahaakna angaangdugi maming Levi koukhi.

35 Amuksu mironduna machaanupa amaa pokkhi aduga mahaakna haaykhi, "handakti Eeshorbu eina thaagatkani. Maramsina angaangdugi maming Judah kourammi. Masigi mathangda angaang pokpaa lepkhi.