Ezekiel 3
3 Mahakna eingonda hairammi, "nupa, nangonda piriba potsi charo. Akonba che mapunsi chasillu. Adudagi chatlaga Israelgi mishingda wa haiba houro." 2 Maramsina eina iya katho klammi. Matamaduda mahakna akonba che mapundu chananaba eingonda pibirammi. 3 Mahakna eingonda hairak-i, "nupa,eina nangonda piba akonba che mapundu chasinduna nabuk thalhallu. " Masigi matungda eina madu charammi. Yengu, madu khoihidagi henna thumlammi. 4 Mahakna eingonda hairammi, nupa, houjikti chatlo. Israelgi mishinggi manakta chattuna nangonda haikhiba wasingdu hairuro. 5 Mahakpu eina nareipakta amadi maron khangdaba lam amada thaba natte. Asengba Israelgi mishinggi maphamdani. 6 Maron khangdaba nahakna khangba ngamdaba atoppa jatsingda nahakpu thaba natte. Tasengna hairabada eina nahakpu adugumba mishingdugi maphamda tharamlabadi makhoina chingnaba leitana nahakna haiba wadu tabigani. 7 Adubu Israelgi mishingna nahakna ngangbadu taroi. Maramdi Israelgi mishingdi eina haiba wasingdubu thaoina tade. Adugisu mathakta makhoi thamoi kanba mangak haigatpa jat amani. 8 Yengu, eina makhoigi mayok yaba ngamnanaba haiduna nahakki namaidusu kalhallabani. Makhoigi thamoidugumna eina nahakkisu oihallabani. 9 Nahakki pisumdu brajagi matougumhangani. Masi mei houba nungdagi henna kalhangani. 10 Asigisu mathakta mahakna eingonda hairammi, "nupa, eina nangonda hairiba wasingsi thamoida mayek lana thamjillu. Aduga nanana sengna tasillu. 11 Houjikti chatlo loi oina pukhibasingdugi marakta amadi mishinggi maphamda haiyu, "Mapu Ibungo Ishor-na asumna takpiri. Makhoina tarabasu tadrabasu nahakna makhoida wa haigadabani.
12 Masigi mathangda eibu thawaiduna humduna purammi. Aduga Ishor-gi matik mayaidu Ibungona potthabiriba maphamdudagi nganthoklaklammi. Matamdumaktada eigi tunglomda malemsi thak thak nikpagi makhon ama tarammi. 13 Thorakliba makhondu asingba jibasingdugi amana amada soknaba masasingdugi makhonni. Makhoigi nakanda leiriba kangkhongsingdugi makhondu malemsi thak thak nikpagi makhonduga mannarammi. 14 Thawaina eibu khonduna pukhirammi. Matamduda eihak khangba ngamdaba ithin amaga loinana chatlammi. Ishor-na eigi ithakta thabiriba khuttu yamna kallammi. 15 Maramsina eina Chebar turel khongbalda tariba loi oina chatkhiba Telabibta leiriba mishingdugi manakta laklammi, pukningsi ithak amadi irangna thalladuna makhoigi marakta numit taretni eina phamlammi.
Ishor-na Ezekielbu thongsangba oinanaba
(Ezek 33:1-9)
16 Numit taretni loiraklabada Ishor-na eingonda wa haibirammi. 17 Nupa, nahakpu Israelgi mishinggi mathakta thongngakpa ama oina khallabani. Nahakna eigi iphamdagi wa amatang tabada wadu makhoigi maphamda sugaina haidokkadabani. 18 Karigumba phattabasingda nakhoi soidana siragani hairabadi, nahakna makhoida hairibasi takpiba tabani. Phattabasingdu phattaba lambel thadoktuna aphaba oiraklaba wa hairiba tabani. Maramdi phattaba mi haibasidi mahakna toujaba phattabaduna mahei oiraduna taibang khudung ingadabani. Nahakki nakhutmakna mahakki ee tahanbaduni eina pamlibasu. 19 Adubu karigumba nahakna phattabasingdubu wa haiba matamda mahakna mahakki phattaba thabaksingdu thadoktraba, mahakna chatliba phattaba lambeldu hongdrabadi mahakna toujaba paptuda mahakki aroiba oigadabani. Adubu nahak nasana nasabu kanjanaba hotnagadabani. 20 Aduga kanagumba achumba touba nupa amana mahakki Asengbadu thadoktuna aranba tourabadi, eina mahakki mamangda khudi thinaba pot ama thambigani aduga mahak soidana aroiba sor hongani. Nahakna mangonda mangjounana takpiraroi. Maramsina mahakna touba paptuda mahakki aroiba oigani. Mahakna toukhiba aphaba thabaksingdu ningsingnaroi. Nahakki nakhutta mahakki ee tahanbadusu eigidamak apamba amani. 21 Adubu achumba touba kanagumbada nahakna pap touganu haiba matamda mahakna pap toudrabadi mahak sinaidaba punsidu masak khanggani. Maramdi mahakna nahakna haiba louwi aduga nahak nasamak kanjanaba hotnajou.
Ezekielna wa ngangba ngamdaba
22 Ishor-gi makhuttu eigi ithakta thabirammi. Aduga mahakna eingonda hairammi, "hougatlo, tampaklomda chatlo. Maphamduda eina nahakka loinana wa ngangnagani." 23 Asumna eina hougatladuna tampaklomda chatlammi. Yengu, maphamdudasu Lainingthou Ibungogi matik mayaidu kayada changkonna leiramba ukhi. Matik mayaidu eina Chebar turelgi khongbalda ukhibaduga pankhakni. Maramsina eina imaisi leida lu klammi. 24 Adubu matangdudasu thawaina eingonda ithin ama pibirammi maramsina eihak lepkhatlammi. Mahakna eingonda wa haiba houra klammi. "chatlo. Nayumda thong lonsinduna leiruro." 25 Nupa, yengu, nahakki nathakta thouri lisang thadarakkani. Masina nahakpu pun-gani. Maramsina nahak mishinggi marakta koichat chatpa ngamloi 26 Nahakki nareidu nangouda napsinhan-gani. Maramsina nahak maron thoktaba nupa amagumna leigani aduga makhoibu nahakna warak watem touba ngamhalloi. Maramdi makhoi haiba indaba mangak kanba jatni. 27 Adubu eina nangonda wa haiba matamda nahakki nachindu hangdokpigani. Matamduda nahakna makhoida haigani, Mapu Ibungo Ishor-na asumna takpiri: Kanagumba taningbasingduna hairiba wasi tajasanu. Kanagumba taningdabasingduna hairiba wasi tadasanu.Maramdi makhoisi haiba indaba mangak kanba jatni.