Ezekiel 40
Tungda sagadouba ningna sang uhanba
(40:1-48:35)
Jerusalemda Ezekiel puba
40 eikhoyna loi chatpa kunmangasuba chahigi hourakpa matamgi taraani paanba numit saharsibu khudum chansinkhiba taramarisuba chahida Eesor-gi saum eigi ethakta taarammi. 2 Eesor-na eibu Israelda pubagumna tarang tarangna phaaorammi. Awaangba ching amagi matonda eibu thambirammi. Maphamduda eingonlomda onsinladuna achouba sahar amagi manungda leiriba dalaannachingbadu uhallammi. 3 Mahaakna eibu maphamsida puraklaba matamda yeng-u, maphamduda pithraaina saaba mi amaa eina urammi. maadugi makhutta leemon thouri amaaga lamonjei amaaga paayba urammi, haayriba nupaasi sannathongda leptuna leirammi. 4 nupaaduna eingonda haayrammi, "he nupaa, namittuna yeng-u. Nanana taao. Eigina nangonda utkadouriba potsingsida napuk-ning changna yenggadabani. maramdi haayriba-singsi utna-naba eina nahaakpu maphamsida purakpani. Nahaakna ubaa potsingdu Israelgi misingda laaothok-u.
Nongpok thong
5 Yeng-u, maphamduda leiriba ningna sangdugi akoybada chekpan amaa leirammi. nupaadugi makhutta pairiba lamonjeidu lamtaruk sanglammi. Haayriba lamonjeisi thaainagi lam amaaga khubaakki lamonjeiduga mannarammi. Mahaakna chekpandagi apaakpa amadi awaangba onba matamda lamonjei amam-mam oirammi. 6 Mahaakna masigi matungda nongpok lomda mamaay olliba sannathonglomda leiriba siridu kakhatlammi. Mahaakna sannathongda paalliba thongnaaodu onba matamda lamonjei amam-mam paklammi. 7 Nakanda leiriba kadu lamonjei amaa sanglammi. Lamonjei amaa paklammi. Nakanda leiriba kasingdugi marakta leiriba lamduna lam mangaa oirammi. ephao phaonaba yaaba thonggalgi thongnaao manung thangba kaada paallibaduna lam-onjei amaa oirammi. 8 Masigi matungda mahaakna sannathongda paalliba ephao phaonna yaaba kadu onbada, lam nipaan phanglammi. 9 Masida yungliba yumbisingdu lam ani ani waanglammi. Sannathongda paalliba phaonaba yaaba kadu manung thangba kaga phaonaba yaarammi. 10 Nongpok thangba sannathonggi maning mamaangda ka ahum leirammi. Haayriba ka ahumsi maraak mayung chap mannarammi. maaduda yungliba yumbisingdusu waangba amadi chaaoba chap mannarammi. 11 Sannathong hek haangdokpada leiriba maphamdu mahaakna onba matamda maraktana lam taraa phanglammi. Sannathonggi laambeldugi apaakpa lam tarahu-mdoi oirammi. 12 Nakanda paalliba kasingdugi mamaangda lam amam-mam paakpa chekpan amaa khagatlammi. Maning mamaangda leiriba nakangi kasingdu lam taruk taruk oirammi. 13 mamaay amatta phatpa kadudagi mahaakna sannathongdu atoppa kagi thong youba phaaoba onba matamda lam kunmanga oirammi. 14 Phaonaba yaaba kadu onba matamda lam kun phanglammi. Phaonaba yaaba kadugi akoybadana loisang leirammi, 15 Sannathonggi mamaangdagi manungthangba phaonaba yaaba kagi changphamdu phaaobana lam yaangkhei surammi. 16 Sannathongdudasu ekoy koyna thongnaao paallammi. Nakanda leiriba kasinggi yumbi maraak marakta thongnaao khuna paallammi. Matou asigumna phaonaba yaaba kadugisu manungda thongnaao palammi. Yumbisingdudana thangtup paambi yeklammi.
Mapaangi sumang
17 Masigi matungda mahaakna eibu mapaan thangba kaada pura klammi. Yeng-u, matamduda loisangdugi akoybada achouba ka amadi apaakpa laambel leiba urammi. laambelduda pareng oinaa ka kunthra leirammi. 18 Sannathongsingdugi asangba matung ennaa sannathonggi nakan nakanda laambel sangna chatkhri. Haayribasi makhaagi laambelgi maongni. 19 maakha thangba sannathonggi manung thangba kadagina manung thangba kagi mamaangda paalliba thongdu phaaoba onbada lam chaamma phanglammi.
Awaang thong
20 Masigi matungda mahaakna eigi emang tharaduna mapaan-gi kaga samnakhriba awaang haramda chatlammi. mamaay awaang olliba sannathong amagi manaakta purammi. Mahaakna masigi maraak amadi mayung ollammi. 21 Nakan amamamda ka ahum ahum paallammi. ahaanba sannathonggi matougumna masigi yumbi amadi phaonaba yaaba kasingdu chaang amattagi oirammi. Masigi mayungna lam yaangkhei adugaa marakna lam kunmanga oirammi. 22 Masida paalliba thongnaao, phaonaba yaaba ka, thangtup paambinachingbadu nongpok olliba sannathonggi matouduga amatta oirammi. Haayriba maphamsi youbada khongkap taret chatlammi. Masigi phaonaba yaaba kadu manung thangba kaga samnarammi. 23 Nongpok-lomda panbagu-mna awaang thangba thonggalgi mayokta manunggi kaduga samnana sannathong amaa phatlammi. Sannathong amadagi amaa youba phaaoba onbada lam chaamma phanglammi.
Kha thong
28 Mahaakna eibu masigi matungda khaa haaram paangbada purammi. Yeng-u, maphamdudasu sannathong amaa leirammi. Masigi yumbi amadi phaonaba yaaba kadu onbada ateisingduga maraak amadi mayung amatta oirammi. 25 Masigi akoybada thongnaao paallammi. Phaonaba yaaba kadugi manungdasu thongnaao palammi. Ateida paanba thongnaao singduga maong mannarammi. Masigi asangba lam yaangkhei oirammi masigi marakna lam kunmanga oirammi. 26 maasi younaba kabada khongkap taret changlammi. Masigi phaonaba yaaba kadu manungda tham-lammi. Masigi yumbida thangtup paambinachingbagi maong yektuna leirammi. Nakan animakta amam-mam yeklammi. 27 Manung thangba kadugi maakha thangba maaykeida sannathong amaa phatlammi. khaa maaykei paangbada leiriba sannathong amadagi amaa youba phaaoba onba matamda lam chaamma phanglammi.
Manunggi sumang khaa thong
28 khaa thangba sannathonggi manungthangba kaduda manaakna eibu chingduna purammi. Mahaakna khaa thangba sannathongdu ollammi. Haayribasisu ateiga maraak mayung chap mannarammi. 29 Ateigumna masigi nakanda sadokliba kasing, masigi yumbi, amadi phaonaba yaaba kasingdu maraak mayung chap mannarammi. Masigi manungda ekoy koyna thongnaao phatlammi. Manung thangba kadasu thongnaao paallammi. asigi mayung lam yaangkhei oirammi. Masigi marakna lam kunmanga oirammi. 30 Masigi akoybada phaonaba yaaba kadu larammi. Masigi mayungna lam kunmanga adugaa marakna lam mangaa oirammi. 31 Masigi phaonaba yaaba kadu atei atei kaga samnarammi. Yumbida thangtup paambinachingba yeklammi. maasi younaba kakhat-pada khongkap nipaan changlammi.
Manunggi sumang nongpok thong
32 Nongpok maaykeida leiriba manungthangba kaduda mahaakna eibu pura klammi. Mahaakna sannathongdu onbada ateiga chap mannarammi. 33 Masigi nakanda paalliba kasing, masida yungliba yumbising amadi phaonaba yaaba kasingdu atei kasingga chap mannarammi. Masigi manungda ekoy koyna thongnaao paallammi. Phaonaba yaaba kadudasu thongnaao paallammi. Masigi mayung lam yaangkhei adugaa marakna lam kunmanga oirammi. 34 Masigi phaonaba yaaba kadu mapaanlomda mamaay phatkhriba kadugi maaykeiromda mamaay ollammi. Masida yungliba yumbi animakta thangtup paambi amam-mam yeklammi. maasi younaba chatpada khongkap nipaan changlammi.
35 Masigi matungda mahaakna eibu awaang haramda phatliba sannathongduda pura klammi. Mahaakna maadu ollammi. Ateiga masisu chap mannarammi. 36 Ateigumna masida leiriba nakandagi kasing, yumbising amadi phaonaba yaaba kadu maraak mayung chap mannarammi. Masigi akoybada thongnaao phatlammi. Masigi mayungna lam yaangkhei adugaa marakna lam kunmanga oirammi. 37 Masigi phaonaba yaaba kadu mapaanlomda phatliba kadugi maaykeida ollammi. Masida yungliba yumbiduda thangtup paambi yeklammi. Yumbi amam-mamda kona amam-mam yeklammi. maasi youbada khongkap nipaan changlammi.
Awaang thong manaakta sariba yum
38 Sannathongda paalliba phaonaba yaaba kadugi thongduga samnaba achouba ka amaa leirammi. Haayriba maphamsida meida thaaduna tougadaba pujanachingbagi potlamdu eesingda chamthokpham oirammi. 39 Sannathongda leiriba phaonaba yaaba kaduda nakan animakta phan awaangba amam-mam thaarammi. Haayriba awaangba phang-e mathakta meida thaaduna touba thou, aran thou, laikok tinkokki thounachingbagi potsingdu masida sem-lammi. 40 Manungda awaangba phan mari thaarammi. Sannathonggi nakhanda mapaanda phan mari amasu thaarammi. Punna phan nipaanduda thou tounanaba saasingdu saren tupkadabani. 42 Meida thaaduna tougadaba thougidamak akaknana nanna semnaba nungjaaona saaba phan mari thaarammi. maasi lam amaaga makhaay sanglammi. Lam amaa waanglammi. Lam amaaga makhaay paklammi. Haayriba-singsigi mathakta meida thaaduna tougadaba thou amadi atei atei thougi saasing haatna-naba thangnachingba thamlammi. 43 Masigi manungda inches 3 sangba yaan-nanaba akonba khoinachingba leirammi. Haayriba phansingsida thouda katlaba saasinggi sadongdu thamlammi. 44 Haayriba maphamsidagi mahaakna eibu manunggi kaduda pubirammi. Yeingu, manungthangba kaduda achouba ka ani leirammi. Amadi awaang thangba sannathonggi manaakta mamaay maakha onduna sarammi. atoppa amaduna maakha thangba sannathonggi manaakta mamaay awaang olladuna sarammi. 45 Mahaakna eingonda haayrammi, "ningna sang pannariba purohit singna leinanabani maakha olliba achouba kasina. 46 Phan-khong pannariba purohit singgina mamaay awaang olliba achouba kasini. Haayriba purohit singdu Levina pokpaa machaasinggi marakta Zadokki machaa-nupaasingkhaktana Eesor-gi seba changba matamda maphamsida nakna changba yaai. 47 Haayriba kasi mahaakna onbada lam chaamma sanglammi. Lam chaamma paklammi. maaykei marimak maraak mayung chap mannarammi. Phaankhongdu ningna sanggi mamaangda leirammi.
Manunggi sumang amadi ningna sang
48 Masigi matungda mahaakna eibu phaonaba yaaba ningna sangda leiribaduda pura klammi. Mahaakna phaonaba yaaba kaada yungliba yumbisingdu onbada nakan animakta yungliba yumbisingdu lam mangaa oirammi. Sannathongdugi apaakpana lam taramari oirammi. Sannathonggi nakanda hougatliba chekpandu lam ahum ahum oirammi. 49 Phaonaba yaaba kadugi asangba lam kun oirammi. Marakna lam taraanithoi oirammi. maasi youbada khongkap taraa chatlammi. Yumbisingdugi nakanda atei yumbi kayaamarumsu yunglammi.