Revelation 4

Swarga leibaakki maramda uhanbiba

4 waaramsing asigi matungda eina ure, adugaa yeng-u, thong amaa swargada haangdoktuna lei; amasung eina taaraba ahaanba khonjen aduna peresinggagigumna eigaa ngangnaduna haay, asida kakhatlak-u, adugaa asigi matungda thokkadaba makhei adu eina nangonda uhange. 2 Khudak adumaktada eidi thawaayda leirammi, amasung yeng-u, swargada phambaal amaa khillammi, adugaa phambaal adugi mathakta amanaa phamlammi; 3 Amasung phamliba ebungngo mahaak adubu yengbada Jaspi amasung sardi nung mallammi, adugaa yengbada emerald maanba chumthaangna phambaal adu koisillammi. 

4 adugaa phambaal adugi akoybada phambaal kunmari leirammi, amasung phambaalsing asigi mathakta phingou thonba, adugaa makhoygi makokta sanaagi luhup uppa ahal-laman kunmari phamba eina ure. 5 Amasung phambaal adudagi nongthaang, makhol amasung nongkhongba yaamna thoklak-e; adugaa phambaal adugi mamaangda Eesor-gi thawaay taret oiriba mei chakliba meira taret leirammi; 6 Amasung phambaal adugi mamaangda liklaai maanba elang langba samudragumba leirammi; adugaa phambaal adugi mamaangda amasung akoybada mamitna maning mamaang ethan thanba Mathawaai paanba mari leirammi. 7 Amasung Mathawaai paanba ahaanba adu nongsa maanba, anisuba aduna sannaao maanba, ahumsuba aduna migigumba mamaay panba, amasung marisuba aduna pairiba egal uchek maanba oirammi. 

8 adugaa Mathawaai paanba mari adu, amam-mamgi masa taruk taruk palli amasung ekoy koibadasu, manungthangbadasu mamitna ethan thanna lei; amasung makhoy aduna ahing nungthil potthaaba leitaana haay,

         Aasengba, asengba, asengba, oiramba, oiriba amasung laakkadouriba,                

       engam ngamba Eesorni.

9 Amasung Mathawaai panbasing aduna phambaal adugi mathakta phamliba, lomba naaidana hingliba ebungngo maangonda matik mangaan, ekaai-khumnaba amasung thaagatpa piba matamda, 10 Ahal-laman kunmari aduna phambaal adugi mathakta phamliba ebungngo mahaakki maangda tuthaajaduna, lomba naaidana hingliba ebungngo mahaakpu khurumjagani, amasung makhoygi luhup adu phambaal adugi maangda huntharaga, haayjagani,

11 eikhoygi Eesor, eikhoygi Eesor, ebungngo nahaakti matik mangaan,                  

 ekaai-khumnaba amasung paanggal phangba matik chaabani,                                  

maramdi ebungngo nahaakna pumnamakpu sembire, amasung ebungngo nahaakki ningbadagi pumnamak oire, adugaa pumnamakpu sembire.