Deuteronomy 33
Mosesna Israelgi tribeshingbu bor piramba
1 Eeshorgi manaai oijakhiba Mosesna shidringeida Israelgi mishingda pibikhiba bordu makhaada eribasini:
2 Eeshorna lengbirakkhi Sinai kouba chingdagi, Edomgi mathakta numitki matougumna hougatlakkhi, ebungngo mahaakki mishingda Paran kouba chingdagi utpirakhi. Dut lishing tarana ebungngoga loinakhi, Chakliba meirina yet thangba khutta ngaanthoikhi.
3 Eeshorna ebungngogi mishingdu nungshibi, ebungngoda changjabashingdu ngaakthokpi, maramsina eikhoyna ebungngogi khuyaakhaada changjei, aduga ebungngogi yaathangshingdu ngaakna chatchei.
4 Mosesna eikhoyda pibikhiba puyadu ejagani, maasidi eikhoygi jatigi oinaa mamal yaamlaba lanni.
5 Eeshorna ebungngogi mi Israelgi ningthou oibire, Israelgi tribe amadi luchingbashing punba matamda.
6 Mosesna Reuben tribeki maramda asumna haaykhi, "Reuben keidoungeidasu marai chaithaba oidasanu. Yaamdrabasu makhoygi mishing."
7 Judah tribeki maramda mahaakna asumna haay: "he Eeshor, makhoyna tengbangnaba haayjabada tabiyu, atoppa tribeshingga makhoybu punshinnabiyu. He Eeshor, makhoygi damak laan shoknabiyu. Makhoygi yeknabashing thengnaba matamda makhoybu tengbangbiyu."
8 Levi tribeki maramda mahaakna haaykhi: "he Eeshor, ebungngogi aningbashingdu urib amadi thamimgi mapaanna phongdokpiyu, Levishing ebungngogi matik chaaraba nanaaishingda, Massahda Ebungngona makhoybu chaang toubikhre, Meribahgi epaaktu makhoy lengdabani haaybasi khangbikhre. Mapaa mamaa machin manaao amadi machaashingdagi hennasu makhoyna ebungngobu lunaa toujei. Makhoyna ebungngogi yaathangshingdu ngaakna chatli, ebungngogi areppa waashaktu ngaakna makhoyna chatli.
10 Makhoyna ebungngogi nachaashingda ebungngogi puya ennaa chatnaba taakpigani, makhoyna ebungngogi phaankhongda thou katchaagani.
11 He Eeshor, Makhoygi tribesi mapaanggal kaannaba tengbangbiyu. Makhoyna seba toujabasida penbiyu, makhoygi yeknabashingdu tumna manghanbiyu, Makhoy amuk hougatlakpa ngamhanbiganu.
12 Benjamin tribeki maramda mahaakna haaykhi: "tribesidi Eeshorna nungshibi amadi ngaakthokpi, Eeshorna makhoybu numit chuppa shennabi, makhoygi marakta Eeshor leibi."
13 Joseph tribeki maramda mahaakna haaykhi: "makhoyna leiba lamdu Eeshorna nong maraang kaina taahanbisanu, maalemsidagisu maraang kaina eeshing phangjaba oisanu.
14 Makhoyna leiba lamdu nungshaana uhei munba oisanu, Matam matamgi oinaa maraang kaina uhei phangjaba oisanu.
15 Makhoygi chingshingdu makhoyna pamjaba uheina thanna housanu,
16 Makhoyna leiriba lamduda aphabana mangoinasanu. Eeshorgi matiktudana kubiba oisanu, waa ngangbikhiba narak mongsong maraktagi, borshingsi Josephki tribeta thokpa oisanu, machin manaaoshinggi marakta mahaakna luchingba oikhi.
17 Josephti sanlabagi matougumna kalli, Lamlakta leiba sanlabagumna machi palli, mahaakki machishingdu Manassehgi lishinga maannei, Ephraimgina lishing taaraga maannei, machishingduna mahaakna Jaatshingbu khoigaiba ngammi, maalemsigi aroibadu youba phaaoba taanthokpa ngammi."
18 Jebulun amadi Issachar tribeshinggi maramda mahaakna haaykhi: "Zebulungi mishingna koiba chaatpada yaamna pamjaba oisanu, aduga Issachargi mishingna mayumda potthajabana henna paamjaba oisanu.
19 Makhoyna lamlaanbashingbu makhoygi chingda kouraga, Katkadouba thoudu chumna katthokchei. Makhoygi marandi samudra amadi samudra khongbalgi leingoidagi phang-e."
20 Gad tribeki maramda mahaakna haaykhi: "makhoygi lamdu chaaothok-hanbikhiba Eeshorbu thaagatlu, Gadna nongshagi matougumna lumduna lei, shegaaigadoubagi paambom nattraga kokki lukang.
21 Makhoyna Khwaaidagi pharaba lamdu makhoygi oikhi, luchingba amanaa phanggadoubadu makhoyda thungkhi. Makhoyna Eeshorgi puya amadi yaathangshing enkhi. Israelgi luchingbashingna punna tinnariba matamda."
22 Dan tribeki maramda mahaakna haaykhi: "Dandi nongsha machaagumbani, mahaakna Basandagi yeknabashingbu laandanaba chongthokrakkani."
23 Naphtali tribeki maramda mahaakna haaykhi: "Naphtalidi Eeshorna yaamna lunaa toubire, Eeshordagi mapan naaidraba borshing nongchup haram amasung awing haramdagi oisanu."
24 Asher tribeki maramda mahaakna haaykhi: "atei tribeshingdagi Asherna henna bor phanglabani, Machin manaaoshinggi marakta mahaakna touningbata tougani, mahaakki lamdu chorphon paambina thansanu."
25 Yotna shemba thonggalna mahaakki saaharshingdu ngaakthokkani, matam leibada akibaa leitana paan-gani.
26 Israelgi mishing, nakhoygi napuroigumba laai amatta leite, Nongmadon phaona chatpa ngamba, leichinlakta laaktuna nakhoybu tengbangba ngamba ebungngoni.
27 Eeshorna nakhoybu ngaakthokpiba oiraklibani, Ebungngona mahaakki lengdraba paambomduna nakhoybu ngaakpiri, nakhoyna khumang chaaosillakpada Ebungngona nakhoygi yeknabashingdu taanthokkhi. Ebungngona nakhoyda makhoybu tumna manghankhinaba taakpikhi.
28 Maramsina Jacobki chaaron-shurondu nungaaina leiri, mahei marong amadi angur mahina mapaan naaidana phanglaba lamdamsida, maphamdudi nongmadondagi taarakpa liklaana eeshing chaibani.
29 He Israel, nahaak kayaada nungaairabano Eeshorna kanbiraba, Jaati nahaakkumba leite. Eeshorsimak nahaakki chunggoi amadi thaangshaangduni, Ebungngona nahaakpu ngaakpigani aduga maay paak-han-gani. Nahaakki yeknabashingna nahaakki naphamda haayjagani, Nahaakna makhoybu khongna netshingani.