Psalm 62

Mapu Ibungoda thajaba

62 Mapu Ibungona eibu kanbinabagidamak akhang kanbaga loinana eina ngaijarammi, Ibungo mahaktabu eina ningjakhi.

2   Ibungo mahaktana eibu kanbi amasung ngakpi.

      Ibungo mahakna eibu ngakpibagi eihak maithiba leiroi.

3   Teklaba cheigumna sollaba nupa amada nakhoina kaya kuina laknakhigadoubage?

4   Nakhoina pamlibadi mahakpu ikaiba pibani nakhoina minamba wa ngangbaduda nungngaijei. Nakhoina ngangthorakpa matamdadi thotna nouna ngangthok-i, adubu nakhoigi thamoidadi sirap touri.

5   Adubu eidi ipuroi khakta thajei, Ibungoda asa pumba leijei.

6   Ibungotana eibu ngakpi aduga kanbi, Ibungodi eibu maithiba piba nagmloi.

7   Aran khubham amadi mingchat Mapuda leibani,

      oibiri Ibungona ngakpiria Mapu, thupchaphamni Ibungoda nanaigi.

8   Marup mapangsing, matam leibada Mapu ibungda thajaba thammu, eikhoigi changjapam Ibungoda oiba maramna awa-ana pumnamak Ibungoda sinnathok-u.

9   Mioiba haibasidi sor amuktang hondokpagumbani, achouapik animak chap mannabani. Makhoibu khalda ollabadi karisu natte.

      Makhoidi nungsittagisu henna yangi.

10 Mihat mipunda thajaba thamganu, huranduna langei thalhange ningganu. Naran yamna leidunasu maduda thajaba touganu.

11 Matam leibada ipurouna panggal thouna pumba mahakkini haibadu eina tare,

12 Ibungona makha tana takpiri adudi Ibungo mahakki lengdraba nungsibadu atatpa leitana heithabiri. Hey Lainingthou Ibungo, mipum khuding mana mana toujaba thabakki matung inna mahei phanghanbiyu.