Leviticus 16
Ayon-araangi thou tounabagi numit
1 Aron-gi machaanupa aniduda shengdaba meigi thoudu Eeshorda katlubadagi nonggaakhi. Makhoy anina shiraba matungda Eeshorna Mosesda haayrammi,
2 "phijang khanduna leiriba ashengba mapham phambaaldugi mathakta leiriba khubhamdugi manaakna naksinlaktanaba nahaakki nayaamba aronda haaybiyu. Karigumba changsillaklabadi mahaak shoydana shigani. Maramdi khubhamduda eihaak leichin mapei oinaa phaorakkadouri.
3 Aronna karigumba ashengba maphamsida change haayrabadi ayon-araangi thou oinaa sanlaba amaa, meida thaaduna katnaba thou oinaa yaao amaa puduna laakkadabani.
4 Mahaakna ashengba maphamda changlakpa matamda kabrangna shaaba ashengba phi achonba, kabrangna shaaba khonggrao, kabranggi khwangli, kabranggi kokyetnachingba laaklaga changlakkadabani. Eeshingda erujathoklaba matungda haayriba phishingsi setkadabani.
5 Israelgi mishinggi damak ayon-araangi thou oinaa katthoknaba mahaakna haameng laaba aniga meida thaaduna thou oinaa katnaba yaao laaba amaaga purakkadabani.
6 Aronna sanlabadu kattuna mashaagi oinaa ayon-araangi thou oinaa amadi emung manunggi awaa-anaa koknaba thaadokkadabani
7 Masigi matungda mahaakna haameng laaba anidu pairaga mitinshanggi thongda Eeshorgi mamaangda thamduna,
8 Aronna haameng laaba anidugi marakta karambana Eeshorda katkadouribano aduga karambana ajajelgino haaybadu yenggadabani.
9 Chaang yengbada Eeshorgi oinaa maraibakta taaba haamengdu Eeshorgi oinaa maraibakta taaba haamengdu Eeshorda katkadabani. Madumak Eeshorgi maphamda ayon-araangi thou oinaa katkadabani.
10 Ajajelgi oinaa takhiba haamengdu Eeshorgi maangda punshinduna ayon-araangi thouram paangthoklaga ajajelgi oinaa lamhaangda thaadokkhigadabani.
11 Aronna sanlabadu mashaagi amadi emung manunggi oinaa ayon-araangi thou oinaa paangthokkadabani. Sanlabadu mashaagi oinaa ayon-araangi thou oinaa katthokkadabani.
12 Aronna Eeshorgi maangda leiriba phaankhongdudagi mei kambi amaa louraga mekrup kupna thugaayraga khubaam ani louraga phijang khalliba maphamduda purakkadabani.
13 Eeshorgi maangda mekruktu kambida haplaga kaarakpa meikhuduna matik mayaai leiraba phambaalda leiriba khubhamdu kupsilhangadabani. Nattrabadi mahaak shoydana shigani.
14 Sanlabadugi eedu mahaakna khara louraga khubhamgi mamaangda chaaithokkadabani. Khubhamgi mamaangda sanlabadugi eedu mahaakna taretlak chaaithokkadabani.
15 Masigi matungda mahaakna mishinggi damak thamliba haamengdu ayon-araangi thou oinaa haatlaga masidagi taarakpa eedu phijang khalliba maphamduda puraklaga sanlabagi eeduda mahaakna toukhibagumna chaaithokkadabani. Masidagi thokrakpa eedu khubhamgi mathak amadi mamaangda chaaithokkdabani.
16 Isrelgi mishinggi marakta maraal leitba mi leitba maramna matou asumna ashengba maphamsibu shengdokpagi thoudu paangthokkadabani. Makhoyna touba ayon-araangi marakta leiraba mitinshangsibu shengdokpa oinaa thousi tougadabani.
17 Mahaakna mitinshaangda changduna ashengba maphamda thou touba matamda kanaagumba amatta changba yaade. Mahaakna mapaan thoraktriba phaaoba kanaagumba amatta changba yaade. Mahaakna mashaagi mahaakki emung manunggi amadi Israelgi mishinggi oinaa ayon-araangi thousi touba matamda kanaagumba amatta changba yaaroi.
18 Masigi matungda Eeshorgi maangda thaariba phaankhongduda changduna phaankhongdu shengdokpagi thoudu tougadabani. Sanlaba amdi haamengdugi eedu khara louraga phaankhonggi akoybada leiriba machiduda teigadabani.
19 Masigi mathakta eedu khara louraga makhutmakna taretlak haanna chaaithokkdabani. Isrealgi mishingna araanba touduna maasibu mangthokkhibadugi koknaba masigi mathakta eedu tahangadabani.
Ushingi yaao
20 Aronna ashengba mapham, mitinshang amadi phaankhongdu shengdokpagi thoudu touba matamda ahingba haamengdu pusinduna katkadabani.
21 Aronna hingliba haameng anidugi makokta makhut animak thamduna Israelgi mishingna toukhiba araanbashingdu haaydoktuna haamengdugi makokta araanbashingdu happigadabani. Haayriba thabaksigidamak shem shaaduna ngaaiduna leiriba nupaa amanaa haamengdubu lamjaao lamhaangda thaadokkadabani.
22 Mishinggi marandu haamengduna achikpa mi leitba mapham amada puduna chathalkhigadabani. Mahaakna haamengdubu lamhaangda thaadokkadabani.
23 Masigi matungda mitinshaangda changduna mahaakna setlamba phishingdu ashengba maphamduda louthoklaga thamlamgadabani.
24 Ashengba maphamda mahaakna eeshingda erujathokkadabani. Masigi matungda maphi setlaga changsillaaktuna mahaakki amadi mishinggi damak meida thaaduna katnaba thoudu paangthokkadabani. Mashaagi amadi mishinggi damak mahaakna thousi tougadabani.
25 Ayon-araangi thougi shaadugi shadongdu phaankhongda haplaga meida thagadabani.
26 Ajajelgi maphamda haameng thaadokluba nupaadusu maphi sudokkani aduga eeshingda erujathokkadabani. Haayribasi touraba matungda mahaak miyaam leiphamda changba yagani.
27 Ashengba maphamda ee katthoknaba purakkhiba sanlabadu ayon-araangi thoudu touraba matungda hamendugi shaaduga konnana puthokkhigadabani. Haayriba shaashinggi maun, mathi amadi mashaadu meida thaadokkadabni.
28 Haayribashingsibu meida tharuba midu maphi sudokkani aduga erujathokkadabani. Masigi matungda mahaak miyaam marakta changlakpa yaai.
Aran koknaba thou toubagi numit ngaakna chatpa
29 Nakhoygi narakta ngasigi thoudoksi matam leibada ngaakna chatnagadouba pathap amani. Taretshuba thaagi taraani panbada nashaana nashaada anaaba cheinakhon piduna thabak enkhang thaadoktuna lamlaanba oirabasu nattrabasu,
30 Haayriba numitsida nakhoygi narakta haayriba thousi tougadabani. Nakhoyna toukhiba araanbashingdu kokthoklaga Eeshorgi maangda shengna leigadabani.
31 Haayriba numitsida nakhoy potthagadabani. Maramsina numitsida nakhoyna chara henduna thabak shuroidoubani. Haayribasi nakhoygi matam leibada tougadouba pathap amaa oinaa leihouragadabani.
32 Purohit oinaba thaao noikhrabashingduna mashaagi mahut shinduna ashengba kabrangna shaaba phidu setlaga haayriba thousi paangthokkani.
33 Adugumba purohittuna ningnashang, mitinshang amadi phaankhongdu shengdoknaba ayon-araangi thousi tougadabani. Mahaakna mashaagi amadi mishinggi oinaa thousi tougadabani.
34 Israelgi mishingna ayon araan touba maramna chahi amagi manungda amuktang ayon-araangi thou touba haaybasi nakhoygi narakta lengdana leihouragadouba pathap amani haaybasi khangu. Eeshorna yaathang pibikhiba matung ennaa Mosesna haayribashingsi paangthokkhi.