Ecclesiastes 9
9 Pumnamaksi eina pukning changna yenglabani. Achumba amadi asingbasingna touba thabak pumnamak mapugi makhutta loina lei. adubu nungsibara nattraga tukatchabara haaybadudi kanaasu khangde.
2 Achumba chumdaba, aphaba phattaba, asengba sengdaba, akatpa kattaba pumnamakta phaldi chap mannabanina mioibagi maangda leiba pot pumnamak arembani. aphaba miga paap touba miga karisu khetnaba leite. Waasakpa amadi waasaktaba animaksu chap maannei. 3 maalemsida asoyba amaa haayrabadi waaphamsimakni maramdi mi khudingmak aphaabasu phattabasu chap maannei. mioibagi thamoidi phattabana helli. Punsi chuppa aangaaobagi ethilna chingduna chatli. Mameithangda aroiba yahip tankhi. 4 adubu ahingba-singgi marakta masing thanaraba nipadugidi asa leiri. yeng-u. ahingba huina asibaa nongsadagi henna phei. 5 asengbamak hinglibasingna sigani haaybasi khang-e. asibana maadu khangde. Makhoydi thoidokpa manaa phanglaroi. Mayaamna makhoybu kaonakhragani. 6 Makhoygi damakti nungsi tukkatchaba, adugaa asa touba pumnamaksi houkhrabani. Taaibang-paansida touba thabak khudingmakta makhoygi saruk yaoraroi.
7 Chatlo, haraao tayaamna chara chajaruro. Thamoi penna angur mahi thakluro maramdi Eesor-na nangna toujaba thabak pumbaa yaabire. 8 Matam leibaakhibikta asengba phi setlu adugaa nakokta thaao namna teiyu. 9 maalemsida nangonda pibiraba punsisina Mapungphana nungaainabagidamak nangna nungsijaraba nupidu louduna nungaaina pallu. maramdi nupi haaybasi punsigi saruk amani. Haayriba-singsisu kannadabani adubu taaibang-paansida asumna tamlaklabani. 10 Nakhutna touba ngamba thabak pumbaa napaanggal thokna hotnou. maramdi nangna chatkadouriba asithenda thabak nattraga waakhan nattraga pukning lousing amatta leite.
11 maalemsida eina karigumba waakhal amaaga ure: Lamjen yaangba ngaktana lamjen thoide, paanggal kanba ngaktana laan ngamde, lousing singba ngaktana tal phangba natte. Heisingba ngaktana lan thum peisinba natte, kanna nomba ngaktana maay paakpa natte. pumnamaksi matam amadi khudongchabagi maakha polli. 12 Asigisu mathakta kanaanasu matambu masak khangde. Langda
thuraba nga amadi uchekkumna taaibang mi haaybasimaktabu khudong chadabada khanghoudana tagalli.
Lousing amadi apangba chaangdamnaba
13 maalemsida singthaanaba yaaba lousing thibagi praman oinaa louba yaaba amasu eina urammi. 14 mi pangyaam yaamna tadaba apikpa sahar machaa amaa leirammi. achouba ningthou amanaa laandaraktuna saharsibu lousinkhirammi. 15 saharduda laairaba asingba nupaa amaa leirammi. Mahaaktana sahardu lousinggi mapaanna kanba yabagi tanja leirammi. adubu kanaanasu laairaba asingba nupaadubu ningsinglamde. 16 maaduda eina etomta khallammi. "Aasengbamak, lousingna paanggaldagi henna chaaoi" 17 adubu asingba migi lousingdu tuminna tabana laaoduna yaathang touriba apangba laanmigi luchingba amadagi henna phaabani. 18 laangi khutlaidagi lousing singbana henna kaannei. Nattrabadi cheng chagring amanaa chengkok amaa mangthokpa ngammi.