Esther 9
Jewishshingna makhoygi yeknabashingbu laakshinba
1 Adar thaagi tarahumdoini panba, konungdagi thokkhiba yaathangdu pangthokkadouba numittu youra klammi aduga Jewishshinggi yeknabashingna makhoybu laakshinnaba shem shaarammi. Makhoybu laakshinbadi laairaduna Jewishshingna makhoygi yeknabashinggi mathakta laandaduna maay paakhi.
2 Jewishshingna leiriba lam lamdugi mapham khudingda yeknabashingbu laakshinnaba hotnarammi. Mapham khudingda leiriba mishingna makhoybu kirammi. Aduga makhoyga maayoknaba ngamlamde.
3 Achumbamak lam lamda leiriba leibaak ngaakpashingna amadi konunggi phamnaaibashingna Jewishshingbu mateng pangkhi. Maramdi makhoyna Mordecaibu kirammi.
4 Persia shinba thungna Mordecai mapaanggal leiraba phamnaaiba amani haaybasi khangnakhi. Aduga mahaakki matik nongma nongmagi hen-gatlakkhi haaybasisu khangkhi.
5 Asumna Jewishhingna makhoygi yeknabashingbu yaamna komna laakshinba ngamkhi. Makhoyna thang paayduna yeknabashingbu laaksillaga haatkhi.
6 Konung Susada Jewishshingna mi 500 rom haatkhi.
7-10 Makhoygi marakta Jewishshinggi yeknaba oiramba Hammedathana pokpaa Haman-gi machaanupa taraa yaaokhi. Makhoygi mamingdi: Parsandatha, Dalphon, Aspatha, Poratha, Adalia, Aridatha, Parmasta, Arisai, Aridai, amadi Vaizathanachingba oirammi. Adum oinamak lan, thum munbadi toukhide.
11 Haayriba numitsida Susada haatkhiba mishingdu ningthouda khanghankhi.
12 Ningthouna maharani Estherda haayrammi, "Susada Jewishshingna Haman-gi machaashing yaaona mi 500 Haatle. Makhoyna lam ateida kari kari touramgani.? aduga masigi marida nahaakna apaamba kari leiri? Nahaakna apaambadu eingonda haayyu madu eina shoydana thunghan-gani."
13 Estherna haayrammi, "karigumba eningthouna penbirabadi, Jewishshingda ngasi kouba nongsida paangthok-hankhiba thabaksi hayengsu chatthahanbiyu. Haman-gi machaanupa taradu mihatpungda yaanduna thamnaba yaathangsu pinabiyu."
14 Masimak ningthouna tounanaba yaathang pikhi. Aduga masiga mari leinanaba yaathang amasu Susada thokkhi. Haman-gi machaanupa taraagi ashibaa mashaadu miyaam mamaangda yaanduna thamkhi.
15 Adar thaagi 14 ni paanba numitta Jewishshingna Susada Amukka haanna tinnarammi. saaharduda makhoyna mi 300 ga haatlammi adubu maral mathum munbadi toukhide.
16 Lam lamda leikhiba Jewishshingna punshinnaduna ngaakthoknaba hotnakhi. Makhoyna punna mi 75,000 Haattuna makhoybu tukkachaba shingdu loisinkhi.
17 Haayribasi adar thaagi tarahumdoini paanba numitta thokkhibani. Taraamarinishuba numitta thoidokpa mihatpa thokkhide aduga haayriba numitsida makhoyna haraaona chaakkhangkhi.
18 Susada leiriba Jewishshingduna taraamangani shubaa numittu potthaaba numit oikhi. Maasi makhoyna makhoygi yeknababu tarahumdoi amadi taraamarini panbada haatlaga taraamangani shubaa numitta lepkhibadagini.
19 Maramsidagi apikpa lamshingda leiriba Jewishshingna Adar thaagi taraamarinishuba numitsibu haraao tayaamna chaa-thaktuna nungaaina leinanaba numit oinaa houjik phaaoba chatthari. Numitsida makhoy masen amaga-amaga khudonpot laannabanachingba paangthokkhi.
Purim kouba kummei
20 Mordecaina haayriba thoudoksi eduna thamkhi aduga Persiagi mapham khudingda taariba Jewishshingda paaosi khanghankhi.
21 Mahaakna makhoyda Adar thaagi taraamarini amadi taraamangani paanba numit anisi chahi khudinggi haraaoba numit oinaa paangthoknaba khanghankhi.
22 Haayriba numit shingsida Judahshingna makhoygi yeknabashinggi makhuttagi naanthokkhi. Haayriba thaasi awaaba thaa oiramgadoubadagi haraao tayaamba thaa oikhi. Haayriba numit shingsi haraaoba, nungaaiba amadi laairabashing aduga makhoy masen pot laannaduna leigadabani haaybasisu khanghankhi.
23 Asumna Mordecaina haaykhibashingdu Jewishshingna enkhi aduga litchatlongi manungda haraaobasi chankhi.
24 Jewishshinggi yeknaba oiriba Agagki chaaron Hammedathagi machaanupa Hamanna Jewishshingbu tumna maangnanaba laaibak chaang yengba purim koubadu paangthokkhi.
25 Estherna ningthouda changjaduna ningthouna aiba yaathang toukhi aduga hamam amadi mahaakki machaashingdu Jewishshingbu maangnanaba sillambagi mihatpungda thouri yaanduna haatkhi.
26 Maramsina haraaoba numitsibu purim kouribani. Mordecaigi chithi amadi makhoyda thokkhiba thoudoktu ningshingba oinaa
27 Jewishshingna chaaron-shuron phaaoba Mordecaina haayramba matung ennaa chahi khudinggi matam kaidana purim paangthokli. Maasi kanaagumba Jewish ollaba mishingsu enba taarammi.
28 Masina maram oiduna tungda laakpa Jewdagi emung khuding atoppa lam amadi saaharda leibashingna purim paangthoknakhi.
29 Masigi matungda Abihailgi machaanupi maharani Estherna Mordecaiga loynanaa haanna ekhiba chithidu mapaanggal kankhathanba oinaa chajum namkhi.
30 Haayriba chithisi Jewish khudingda ekhibani aduga Persiagi manungda leiriba leibaak 127 shinba thungna thaakhi, maasida Jewishshing engna pannaba yaaori aduga
31 Chara henba amadi tengthaa-naaoibagi matam amadi chithisida matam chaana purim paangthoknaba haaykhi. Haayribasi Mordecai amadi maharani Estherna pikhiba yaathangni.
32 Esthergi purim paangthokkadabani haayba yaathangsi laairikta eduna thamkhi.