2 Samuel 14

Joabna Absalom hallaknaba thouraang touba

1 Ningthouna Absalombu nungshirakle haaybasi Zeruiahgi machaanupa Joabna khanglammi.

2 Maramsina Joabna Tekoadagi heishingbi nupi amaa purakrammi. Joabna maangonda haayrammi, "tengtha naoibi nupi amaa oinaa sajinnaduna tengthaabada shetpa phi settuna nasham nana epha phana matam kuina ashibaa amagidamak kaptuna laaklabi nupi amaa malhangadoubani.

3 Nahaakna ningthougi manaakta changduna eina nangonda takliba waashingsi haaygadoubani." Masigi matungda Joabna waashingdu taakpirammi.

4 Nupiduna ningthougi manaakta changkhiduna leimaayda nollukpaga loynanaa khurumjaraduna haayrak-e, “Eningthou, nanaaibu tengbangbiyu."

5 Ningthouna nupiduda hanglammi, "kari paammi?" nupiduna ningthouda haayrammi, “Eningthou, nanaaidi yaamna laairabi lukhraabi amani. Epuroiba leitre.

6 Eigi echaa-nupaa anikhak leijarammi. Nongmagi numitta kanaasu khamdokpinaba leitraba matamda loubukta makhoy ani khatnarammi. Amanaa amabu haatlammi.

7 Houjikti shaageigi mishingna nanaaigi mayokta leiduna haayri: manaaonupa haatpa nupaadu eikhoygi khutta sinnou. Mahaakna manaao haatkhibadugi lamandu eikhoyna mahaakpu haattuna shingani asumna makhoyna nanaaigi dhaara pumnamak muthatpa paammi. Maasi haayduna nanaaigi eremkhak leijaribasi manghanbinaba thouraang amaa sille. Makhoyna eigi epuroiba leikhidabadugi maming taaibangsida leihallaroi thouraangle."

8 Ningthouna nupiduda haayrammi, nayumda hallo. Nangna katlariba wasigi matangda eina waayel tourakkani."

9 Nupiduna makaa tana haayrak-e, “Eningthou, eningthouna toubiba waayendugi maheidu eigi emung manungda taaba oisanu. Eningthougi emungdadi tadaba oisanu."

10 Ningthouna haayrammi, "kanaagumba mina nahaakpu kihallabadi, mahaakpu eigi enaakta purak-u. Nangbu mahaakna amuk haanna otpidanaba eina thabak tougani."

11 Nupiduna haayrammi, “Eningthou, napuroi Eeshorgi khuyaakhaada nanaaigidamak haayjabiyu. Haayjabadugi mapaanna eegi laman eena shingdaduna nanaaigi echaa-nupaasi hinghanbiyu."

 shinaaidba Eeshorgi minglen panduna ngasi eina waashaklibasini, nahaakki nachaa-nupaadu matu amaa kenba yaaroi. Ningthouna maasi nupiduna haaykhi.

12 Khudaksida nupiduna haayrak-e, “Eningthou nanaainubina karigumaba waapham amattaga ningsinjage."

ningthouna haayrammi haayjou."

13 Nupiduna ningthouda haayrammi, "Eeshorgi mini haayna leiriba mishingsigi maphamda eningthouna karigidamak asigumba araanba thabaksi toubiribano? eningthouna naja Ebungngona miramda tangduna leiribasi pusinbidabanina houjikmak eningthouna shaakkhiba waashaktuna eningthougi thakta waayel kati oiragani.

14 Eikhoy pumnamak ashibaa machangaktani. Leimaayda heidoklaba eeshing amuk khomjinba yaadabagumbani. Eeshorna kanaagumba sikhraba amabu amuk haanna hinggathanbide adubu eningthounadi miramda chenduna leiriba nupaa amabu pusinbiraknaba pambei shembibadi ngammi.

15 Houjik nanaaina haayjaribasigi thoidokpa machangdi asini, mishingna nanaaibu laakchei maramsina nanaaina haayjaribasi toubirabadi nanaaina ningba thungjare.

16 Eeshorna pinabiraba leibaaksida leihannidaba, eihaak amadi eigi echaa-nupaa animakpu hatkadoubagi tannaribasi kanbigani ningjei.

17 Nanaaina khanjabadi Ebungngona shakpikhiba waashaktuna nanaaibu kanbigani maramdi ningthou haaybasidi Eeshorgi ngamthangda leiba duttuga mannabani. Aphaba amadi phattaba anigi khennaba khangbiba ngambani. Napuroi Eeshorna eningthoubu loinabiba oisanu."

18 Ningthouna hanglammi, "eina nahaakki naphamda waahang amaa hanggani aduga nahaakna madugi paaoukhum chumna pigadoubani." nupiduna khumlammi, “Eningthou, nanaaida hangbiba pumnamak shengna khumjagani."

19 Ningthouna hanglammi, "masi pumnamaksi haayrunabagidamak Joabna nahaakpu thaarakpa natra?"

Nupiduna khumlammi, "shengthoiba mapuna saakhini, eningthougi waahangdugi paaoukhumbu karamna laanna pijaba ngamgani. Eningthougi nanaai Joabna haayriba waashingsi eingonda enshinbikhibani.

20 Thokliba thoudoksigi achumbadu puraknaba nanaai Joabna shinkhibani. Eningthoudi Eeshorgi dutkumna shinglibani aduga thokkhiba thoudoktugi maramda thoina henna khangbiribani."

21 Mameithangda ningthouna Joabta haayrammi, "nahaakna pamjaribadu thunghanbirabani. Chattuna paakhang oiriba Absalombu purak-u."

22 Ekaai-khumnaba utladauna Joabna leimaayda Davidki mamaangda khurumjarammi aduga haayrak-e, " eningthou ebungngo, Eeshorna eningthoubu kubiba oisanu. Nanaaina hanggatchariba waaphamsi eningthouna yaabirabanina Ebungngona nanaaibu nungshibire haaybasi ngasidi khangjare."

23 Maasi haayramlaga Gesurda chatkhiduna Absalombu Jerusalemda purakkhi. Ningthouna Absalombu konungda leiba yaaroi haayna yaathang pikhi. Ningthouna haayrammi, "eina mahaakpu yengningde." Matou asumna Absalom mashaagi yumda leirammi aduga ningthougi maangda changhallamde.

David amadi Absalom taishinnaba

25 Khongdagi ton phaaoba ashoyba amatta yaaodana phajaba haaybasi Israelgi manungda Absalom matomtani.

26 Mahaakna masham kakpa matamda (chahi amagi manungda amukkhakta masham kak-e) onduna yengbada konunggi khan-gimatung ennaa kilo anidagi henna lumlammi.

27 Absalom machaanupa ahum poklammi. Mahaakki machaanupi amasu leirammi. Mahaakki mamimg Tamar kou-e. Mahaak mashak matou yaamna phajarammi.

28 Konung chaangdana Absalom Jerusalemda chahi chuppa lenkhi.

29 Absalomna Joabpu ningthouda waa haaybinabagidamak mi thaaduna kouhallammi. Adubu Joab mahaakki manaakta laaklamde. Mahaakna Joabpu mi thaaduna anirak kouhankhi.

30 Masigi matungda manaaishingda haayrammi, "Joabki louga eigi louga louronnabani. Mahaakki loudu mei thaadok-u."

31 Thoudoksigi matungda Joabna Absalomgi yumda laaklammi aduga haayrammi, "nahaakki nanaaishing thaaduna karigi eigi lou mei thaaribano?”

32 Absalomna Joabta paaoukhum pirammi, "eina nahaakpu kounaba mi thaarammi, nahaak eigida amukta laaknaba eina koubani. Eihaakpu Gesurdagi maphamsida karigidamak puraklibano haayna ningthouda haayhange ningbadagi koubani. Ningthougi maangda changba matam oira haayna ning-e. Maramsina houjikti eihaak ningthougi maangda changlagaani aduga karigumba eihaak eran leiba mi amaa oirabadi mahaakna eibu haatkhisanu."

33 Haayriba numitsigi matungda Joabna ningthougi manaakta chatlammi aduga waaphamsi shugaaina ningthouda hanggatlammi. Ningthouna masigi matungda Absalombu koukhatlammi. Mahaakna ningthougi maangda changlakpa matamda mamaay leida luktuna ekaai-khumnaba uttuna ningthoubu khurumjarammi. Amasung ningthouna mahaakpu chupirammi.