2 Corinthians 3

Paulgi mapaanna thajakhrabashing; aphaba waapaaogi matik mangaanga waayel yaathanggi matik mangaan-gagi khennaba

1 Eikhoyna esha ethantabu amuk thaagatchaba houribra? nattraga, nakhoyda oirabasu, nakhoydagi oirabasu, thaagatpagi laairik kanaa kanaagumbana toubagumna, eikhoygi kanabra? 

2 Eikhoygi thamoi nungda ekhraba, mi pumnamakna khangliba amasung pariba eikhoygi laairik nakhoy oiri;

3 Eikhoybu ehanba, mukna nattana hingliba Eeshorgi thawaayna, nunggi korbakta nattana hakchaanggi thamoi korbakta ekhraba, Christagi laairik nakhoy oiri haayduna nakhoybu phongbani. 

4 Aduga Eeshorlomda Christagi mapaanna asigumba chetna thaajaba eikhoygi lei.

5 Eikhoy esha ethantagi karigumba shingthaananaaba, eikhoy esha ethanta matik chaaba natte, adubu eikhoygi matik chaaba adu Eeshordagini.

6 Ebungngo mahaakna eikhoybu anouba waalepnabagi thougan toubashing oinabasu matik chaaba shembire; maasi laairikki natte, adubu thawaaygini; maramdi laairikna sihalli, adubu thawaayna hinghalli. 

7 Adubu shibagi khanjaba, nungda yektuna ekhraba adu matik mingan-ga loynanaa laakle. Aduna Israelgi machaashingna. Mosesgi maaythonggi manggadouriba matik mangaan adugi maramna mahaakki maaythong shangtrikna yengba ngamde;

8 Asi asum oirabadi, thawaaygi khanjaba aduna adudagi kayaa henba matik mangaanga loynarakloidra?

9 Maramdi ayol-araan taahanbagi khanjaba adugi matik mangaan leirabadi, dharma chenbagi khanjaba adugi matik mangaan amuk kayaa yaamna helli.

10 Maramdi thoihellaba matik mangaan adugi maramna, matik mangaan chaaoramba adu asiromda chaaohankhidre.

11 Maramdi manggadouriba adu matik mangaanga loynanaa leiramlabadi, etat-tattana leiriba adugi matik mangaan kayaa thoidok hendok-e.

12 Maram aduna asigumba tarang tarang khangna ningba leibagi maramna, eikhoyna waa ngaangbagi thouna sijinnei;

13 Aduga Israelgi machaashingna manggadouriba adugi poloida shangtrikna yengdananaba, mamaida maikhum haappa Mosesgumba eikhoy natte. 

14 Touegumsung makhoygi pukning kallammi; maramdi numit asi phaaoba ariba waalepnaba adu pabada maikhum adu mareihoui, maramdi madu Christagi mapaanna louthokpi haayba makhoyda phongdokpidri. 

15 Touegumsung ngasi phaaoba Mosesbu paaba matam khudingda, maikhum makhoygi thamoida khumli.

16 Adubu makhoyna Eeshorda ollakpa matam aduda, maikhum adu louthokpi.

17 Eeshor adudi thawaayni, aduga Eeshorgi thawaay leiba mapham aduda matung tamba lei.

18 Touegumsung eikhoy pumnamakna maay khumdana Eeshorgi matik mangaan adu mingsenda yengbagumna yengduna, mannaba shakong aduda thawaay adu, haaybadi, Eeshor adugi mapaanna matik mangaandagi matik mangaanda hongdokli.