Leviticus 4
Touge khanduna toukhiba ayon araan koknaba thou
1 Eeshorna Mosesda haayrammi,
2 "Israelgi mishingda khanghallu: Kanaagumba mina Eeshorna shokpa paanba yaade haayna khanghanbikhiba waashingdu soikhiduna yonkhrabadi,
3 Praman oinaa haayrabada thaao noikhraba Purohitna araanba touduna miyaamgi mathakta tinkok laikokki awaaba taarabadi, adugumba purohittuna Eeshorgi khuyaakhaada ayon-araangi thou oinaa shoinaidaba san-lamcha amaa katkadabani
4 Mitinshanggi thongjinda Eeshorgi mamaangda mahaakna sandubu pusillakkadabani. Mahaakna sandugi makokta makhut thamgani. Eeshorgi mamaangda sandubu haatkadabani.
5 Thaao noiraba purohittuna sandugi ee khara louraga mitinshaangda puraktunna,
6 Purohittuna eeduda makhut luplaga eedugi sharuk khara ningnashanggi mamaangda khalliba phijangdugi manaakta Eeshorgi mamaangda taretlak khiktokkadabani.
7 Mitinshanggi manungda Eeshorgi mamaangda thaariba manam nungshiba katnaba phaankhongdugi thingatliba machishingduda purohittuna eedu teigadabani. Aremba eeduna mitinshanggi thong changphamda leiriba meida thaaduna thou tounaba phambaktugi mathakta heigadabani.
8 Ayon araan koknaba katliba sandugi makhoy marin yomliba mahaao, makhoy marinda pakliba mahaao,
9 Pei aniduga amadi mayaanglenda pakliba mahaao, amadi phirak yomliba mahaaodu louthokkadabani.
10 Maasi lamdaai shumdaaigi thou tounaba sandudagi louthokpagumna louthoklaga meida thaaduna thou tounaba phaankhongduda Purohitna thagadabani.
11 Adubu sanlabadugi maun, shadong, makok, makhoy marinnachingbashingdu
12 Mitinshanggi mapaanda ut heidokpham oiriba maphamduda ashengba mapham yengduna puraga chatkadabani. Ut heidokpham oinaa shijinnariba maphamduda shing peiraga mahaakna haayribashingsi meida thaadokkadabani.
13 Israelgi kanaagumba shalaai amanaa ayon araan touraba matungda miyaamnadi khangdaba adubu makhoyna touriba araanba thabaktu Eeshorna touganu haayna yaathang pibikhraba, maraal leiraba,
14 Aduga makhoyna toukhiba araanba thabaktu miyaamna matamgi matung ennaa khangnaraklabadi, adugumba shalaai duna ayon-araangi thou oinaa sanlaba amaa puraklaga mitinshangdugi mamaangda thamgadoubani.
15 Eeshorgi mamaangda miyaamdugi ahan oiribashingduna sandugi makokta makhutshingdu thamgadoubani.
16 Sandu Eeshorgi maangda haatkadabani.
17 Purohittuna eeduda makhut luplaga Eeshorgi mamaangda phijang youdringeida taretlak khiktokkadabani.
18 Mitinshang manungda Eeshorgi mamaangda leiriba phaankhonggi machida mahaakna ee khara teigani. Lemhouba eeduna mahaakna mitinshanggi thongjinda leiriba meida thaaduna thou katnabagi phaankhongdugi phambakta heijingadabani.
19 Sandugi mahaao pumnamak louraga phaankhongduda meida tougadabani.
20 Ayon-araan-gidamak sanlaba haatpa nattraga katpada touba mawongduga mananna haayriba thousigi sanlabasidasu tougadabani. Purohitna Makhoygi damak ayon araan koknaba thou toubigani. Masidata makhoyna touruba ayon araandu kokle haaynasu ninggani.
21 Ahaanba sanlabadu mitinshanggi mapaanda puthoktuna meida thaadokpagi matougumna haayriba sansisu mapaanda puthoklaga meida thaagani. Maramdi maasi miyaamna touba ayon-araangi mahei koknaba thou amani.
22 Eeshorna toupharoi haayna yaathang pibikhraba araanba lamchat kanaagumba leibaak ngaakpashingna touduna maraal leiraba,
23 Mahaakna toukhiba araanba thabaktu mashaada khanghanbiraba, adu oirabadi mahaakna toukhiba araanba thabaktugi mahei oinaa haameng laaba shoinaidaba amaa katkadabani.
24 Mahaakna haamengdugi makokta makhut thamgadabani. Aduga Eeshorgi mamaangda makhoyna mahousana meida thaaduna katnaba thougi potlam amadi shaa nachingba hatphamduda maasibu haatkadabani. Maramdi maasi ayon-araangi thouni.
25 Ayon-araangi thougi purohittuna ee khara makhutna louraga meida thaaduna tounaba phaankhongdugi machida tougadabani. Lemhouba eeduna meida thaaduna thou tounaba phaankhongdugi phambakki akoybada chaaithokkadabani.
26 Lamdaai shumdaaigi thougi shaagi mahaaoshingdu meida thabagumna ayon-araangi thou asigi shaagi mashaadusu meida thagadabani. Purohit nasu mashaana toukhiba ayon araandugi maramda thou touthokkadabani. Maasi tourabadi marandu koklabani.
27 Eeshorna toupharoi haayna yaathang pibikhiba thabakshingdugi marakta kanaagumba amanaa touningna echam chaamba mi amanaa touruba taarabadi,
28 Adugumba nupaaduda mahaakna touruba araanbadu khanghallaga ayon-araangi thou oinaa katthoknaba haameng amom ashoy angaam leitba amaa purakkadabani.
29 Mahaakna ayon-araangi oinaa katliba haamengdugi makokta makhut thambigani. Ayon-araan-gidamak katliba shaadu meida thaaduna katnaba thougi shaa hatphamduda haatkadabani.
30 Purohitna eedu khara louraga meida thaaduna katnaba thougi phaankhongdugi machiduda teigadabani. Aremba eeduna phambakki akoybada chaaithokkadabani.
31 Lamdaai shumdaaigi shaadugi mahaao louthokpagumna thousida katliba shaasigi mashaadagisu mahaao louthokkadabani. Eeshorgi khuyaakhaada manam nungshiba youkhinaba Purohitna maasibu meida thagadabani. Purohit nasu mashaagi oinaa thousi paangthokkadabani. Adu oirabadi mahaakki maraal ngaakpigani.
32 Karigumba nupaaduna ayon-araangi oinaa yaao amaa katchanaba puraklabadi, shoinaidaba amom amaa purakkadabani.
33 Mahaakna masigi makokta makhut thamgadabani. Ayon-araangi thou oinaa meida thaaduna thou tounaba maphamduda shaadubu haatkadabani.
34 Purohitna ayon-araangi oinaa katliba yaaodugi ee khara makhutna louraga meida thaaduna thou tounaba phaankhonggi machiduda teigadabani. Aremba eeduna phaankhonggi phambakki akoybada chaaithokkadabani.
35 Lamdaai shumdaaigi thouda katpa yaaogi mahaao louthokpagumna masigi mahaaodusu louthokkadabani. Eeshorgi khuyaakhaada meida thaaduna purohittuna mahaaodubu katkadabani. Purohittunasu mashaana toukhiba ayon-araangi thou oinaa haayriba thousi katthokkadabani. Adu oirabadi mahaakna toukhiba marandu kokpigani.