Ephesians 2

Aran khubaamdi Eeshorgi thoujaannani

1 Amasung nakhoygi ayol arangi amasung paapki mapaanna siramba matamda, ebungngo makhakna nakhoybu hinghanbire.

2 Masigi manungda, taaibang-paal asigi lichat matung enna, atiyagi paanggalgi mapu haaybadi, haayba endabagi machaashingda houjik thabak touriba thawaaygi matung enna, nakhoyna mamaangeida chatlammi.

3 Makhoygi marakta eikhoy pumnamaknasu hakchaanggi amasung pukninggi apam apaamba toudana hakchaanggi apaaybada mamaangeida paallammi, aduga ateishingga maannana mahousana ashaaobagi machaashing oirammi. 

4 Touegumsung Eeshornadi mapaan naaidaba nungshi heiba oiduna, ebungngo mahaakna eikhoybu nungshibibagi ebungngo mahaakki athoiba manungsi adugi maramna,

5 Eikhoygi ayol arangi mapaanna siduna leiramba matamda, eikhoybusu Christaga loynanaa hinghanbire (Thoujaanna nakhoybu kanbire),

6 Aduga ebungngo mahaakna Christa Jesusda eikhoyromda chanbibana ebungngo mahaakki thoujaalgi mapaan naaidaba laal adu laakkadaba Jug jugta utpinanaba,

7 Ebungngoga loynanaa eikhoybu hinggatpiraduna, Khrista Jesusda swargagi mapham maphamda eikhoybu ebungngoga phamminnahalle.

8 Maramdi thoujaanna nakhoybu thaajabagi mapaanna kanbire aduga asi nakhoydagi natte, Eeshorgi khudonni;

9 Mi kanaa amatana chaaothoktaananaba, thabaktagi natte.

10 Maramdi Eeshorna haanna laangbikhraba aphaba thabakta eikhoyna chatnanaba, Christa Jesusda shembikhraba eikhoy ebungngo mahaakki khutpham oire.

Aatoppa Jaatshingga Jewish-shingga shinglupta amata oiba

11 Maram adugi damak nakhoyna ningshing-u, haaybadi, mamaangeida hakchaangda atoppa Jaatshing oiduna, hakchaangda khutna shemba un kakpa kouba aduna un kaktaba kouraba nakhoydi,

12 Matam aduda Christadagi tongaanba, Israelgi leibaak machaashingdagi mitop oiba, waa leppa adugi waalepnaba khibiktagi mireibak machaa oiba, tarang tarang khangna ningba leitba amasung taaibang-paanda Eeshor yaaodaba mishing oirammi.

13 Touegumsung houjikti Christa Jesusda, mamaangeida thaapna leiramba makhoybu Christagi eena naknahalle. 

14 Maramdi ebungngodi eikhoygi engthabni, Ebungngona ani adubu amaa oihanduna, khaainabagi mayaaigi phaklang adu thugaayre;

15 Aduga Ebungngona engthaba oihanduna, ebungngo mashaada ani adu anouba mi amaa shemnanaba, amasung crossta yeknaba adu haattuna,

16 Madugi mapaanna Eeshorda animakpu hakchaangda amada tainabinanaba, ebungngogi hakchaangda yeknaba adu; haaybadi, waayel yaathangda leiba yaathang makheigi waayel adu lemhalle.

17 Amasung Ebungngona laaklaga, thaapna leiramba nakhoydasu, nakna leiramba makhoydasu engthaba shaandokle;

18 Maramdi ebungngogi mapaanna epaagi mapham taanna thawaay amada eikhoy animakna changpham phangjei. 

19 Maram aduna nakhoydi amuk haanna mireibak machaashing amasung lamlaanbashing oidre, adubu nakhoydi ashengba shingga loynanaa ereibak machaa amasung Eeshorgi emung oire;

20 Christa Jesusna chithekki athoiba nung oiduna, nakhoydi pakhochatpashinggi amasung Eeshorgi waa taakthokpa shinggi yumpham mathakta shaagatpani;

21 Ebungngoda yum mawong apumbaa chap-chana chanshinminnaduna Christtada Eeshorgi ashengba shang oinanaba shaagatpani;

22 Ebungngoda nakhoybusu thawaaygi mapaanna Eeshorgi leipham oinanaba shaagatminabani.