2 Chronicles 29

Judahgi ningthou Hezekiah 

(2 Ning 18:1-3)

29 Hezekiahna chahi kunmanga suba matamda ningthou oirammi. Mahak Jerusalemgi ningthou oina chahi kunmapan pankhi. Mahakki mamadi Zechariahgi machanupi Abijah koubiduni. 2 Mahakna mapa Davidna toukhibagumna Ishor-gi mityengda aphaba thabak tourammi.

Ningnashang sengdokpa

 3 Mahakna panba ahanba chahigi ahanba thada Ishor-gi ningnashanggi thongdu hangdoktuna sengdokkhi. 4 Mahakna purohit amadi Levisingbu puraktuna nongpok maikeida leiriba sumangduda tilhankhi. 5 Matangsida mahakna haikhi: Levising eina haijaribasi tabiyu. Houjikti nakhoi nasabu sengdoktuna napa napugi Mapu Ibungo, Ishor-gi ningnashang sengdokchou. Asengba maphamsida leiriba amotpa pumnamak sengdok-u. Eikhoigi ipa ipusingna thajadaba lamchat chatlammi. Aduga eikhoigi Ipuroi Ishor-gi mityengda phattaba thabaksingdu toukhi. Makhoina Ibungobu thadokkhi. Maramsina makhoina Ibungogi ningnashangsida mai onsinkhide. Thoina hennadum makhoina masibu mangthokkhi. Makhoina iphao phaonaba kadu thingjin-khi. Masida thallamba thaomeidusu muthatkhi. Israelgi Mapu Ibungogi makada makhoina dhup thakhide. Aduga meida thaba thounachingba amatta toukhide. Maramsina Ishor-gi asaobadu Judah amadi Israelgi mathakta takhribani. Makhoibu akibagi masak phanglaba pot, Angakpana thallaba jiba, aduga makhoibu ubada imaipemma haina sonnaba mishing oina nakhoigi namitna ukhibadu achumbani. 9 Yengu, eikhoigi ipa ipusing thangna kaktuna sikhi. Aduga ichanupa amadi nupising, talloisingsu bandi oina pukhi. 10 Houjik Israelgi Ishor-ga areppa wasak ama thamge haina pukningda leple. Adu oirabadi Ibungo mahakki asaobadu eikhoida taroi. 11 Eigi ichasa, houjik ningaidana leithokpa matam natre maramdi Ishor-na nakhoibu khando-kkhre. Ibungo mahakpu seba tounanaba aduga mahakki minglenda seba changjaribasing oinanaba mahakki makada dhup katchanaba semsaro.

 12 Levisinggi miron: Kohathki machasing: Amasagi machanupa Mahath, Azariahgi machanupa Joel, Merarigi machasinggi maraktagi Abdigi machanupa Kish, Jehallelelgi machanupa Azariah, Gershonigi Zimmahgi machanupa Joah, Joahgi Eden, 13 Elizaphan-gi Shimeiri amadi Jeiel, Asaphki Zechariah amadi Mattaniah, 14 Heman-gi Jehiel amadi Shimei, Jeduthun-gi Semaiah amadi Uzziel. 15 Makhoina machin manao pumnamak khomjinduna masa sengdokhi. Ningthougi yathang matung inna Ishor-gi ningnashangdu sengdokhi. 16 Purohitsingna manungthangba Ishor ningnashanggi kaduda changduna sengdo klammi. Makhoina ningnashanggi manungda amotpa leiriba singdubu sumangda puthoktuna thamlammi. Levisingna madu puduna Kidron-gi iphutta thadakhi. 17 Makhoina ahanba numitta sengdokpa hourammi. Mathangda makhoina numit nipalni chupna Ishor-gi ningnashangdubu sengdo klammi. Ahanba thagi taruknisuba numitta makhoina ningnashang sengba houkhi.

Ningnashangdu amuk hanna hongba

 18 Mathangda makhoina ningthou Hezekiahda chatlammi aduga makhoina haikhi: eikhoina Ishor-gi ningnashang pumnamak sengdokpa loire. Maduda leiramba meida thaduna thou tounaba phan-khong, patrasing, asengba tal thamnaba phan awangba aduga maduda sijinnaba patra pumnamak sengdokpa loire. 19 Ningthou Ahazgi matamda mahakna thajadaduna hundokkhiba patra pumnamak eikhoina sengdokle. Aduga hairibasingsi Ishor-gi phankhonggi mamangda thamjaramle.

 20 Madudagi Hezekiahna ayuk nganna hougattuna sahargi phamnaibasing kouraga Ishor-gi ningnashangda chatlammi. 21 Makhoina shallaba taret, yao macha taret, yao mapi taret, hameng laba taret puraktuna leibak pumnamakki sonnapunggi amadi Judahgi oina pap koknaba thou toukhi. 22 Makhoina shallabasingdu hatlammi aduga purohitsingna eedu louraga phankhongduda heirammi. Aduga makhoina yao machasingdusu hatlaga eedu phankhongda tahankhi. Yao mapisingdusu hatlaga eedu phankhongda heirammi. 23 Madu loiraba matungda aran thou oina hameng labasingdu pusallakkhi. Ningthou amadi miyam tillibadugi mangda pusallaklaga hatlammi. 24 Purohitsingna hamengsingdu hatlaga eeduna aran thou tounarammi. Madu phankhongda heithaduna Israel pumnamakki aran thou tourammi. Maramdi ningthouna meida thaba thou amadi aran thou tougadabani haina yathang toukhi. 25 Davidki yathang, ningthougi maichou Gadki amadi maichou Nathanggi yathang matung inna mahakna Levisingbu Ishor-gi ningnashangda jhal, sarn-gi, bina paiduna khongkhi. Ishor-na waphamsi maichousingda takpikhi. 26 Davidna saramba jantrasingdu paiduna Levisingna ngaiduna leikhi aduga purohitsingdu pere singa khongduna lepkhi. 27 Hezekiahna meida thaduna touba thoudu phankhong mathakta katnanaba yathang ama toukhi. Meida thaduna touba thou houraklabada Ishor-gi maphamda ishei sakpa houkhi aduga isheiga loinana pere singa amadi Israelgi ningthouna saramba jantrasingdusu khongba hourammi. 28 Miyamduna khurumjakhi aduga ishei sakpasingna ishei sakkhi. Pere singa khongbasingna pere khongkhi. Masi meida thaduna touriba thoudu loidriba phaoba chatthakhi. Thoudu loiraba matungda ningthou amadi mahakka loinana tillamliba mishingduna makok nonthaduna khurumjarammi. 30 David amadi maichou Asaphna iramba isheigi matung inna Ishor-bu thagatlu haina ningthou Hezekiah amadi ningthou machasingna yathang tourammi. Miyamna haraona ishei sakkhi. Aduga makok nonthaduna khurumjarammi.

31 Hezekiahna haikhi: Houjikti Ishor-gi khuyada nakhoi nasamak katthokchare. Maramsina nakna changsillak-u. Katnanaba pot, thagatpagi athen-pot pura klammi. Aduga thamoida lepkhiba kanana meida thaduna katnanaba potsing pura klammi. 32 Miyamna katkhiba meida thaduna touba thou pangthoknabagidamak shallaba humphutara, yao macha chamma, yao mapi chani Ishor-gi khuyakhada katkhi. 33 Katthokpagi athenpot oina shallaba chatruk aduga yao lishing ahum surammi. 34 Purohitki mashing yamdaba maramna meida thaduna touba thougi shadu loina meida thaba ngamkhide. Atoppa purohitsingna sengdoktringeida makhoigi machin manao Levisingna makhoibu mateng pangkhi. Thabaktu loidriba phaoba Levisingna mateng pangkhi. Maramdi sengdokliba purohitsingdudagi Levisingna thamoi sengba hellammi. 35 Masigisu mathakta meida thaduna katliba thoudu ayambana lamdai sumdaigi katpa matong ngaktani. Meida thaduna touba thouduga loinana ishing heibagi matangsu yaorammi. Asumna Ishor-gi ningnashanggi seba changbagi thabak phajana loisinkhi. 36 Ishor-na mishinggidamak toubikhibadu uraga Hezekiah amadi mi pumnamakna haraokhi. Maramdi khanghoudana pumnamaksi thorakkhi.