Revelation 11
Saakhi Ani
1 Amasung cheishu maanba shingnaang amaa eingonda piraga haay, hougat-lu Eeshorgi sang, laatnapung, amasung maduda khurumbashingbu chaang ollu.
2 Aduga Eeshorgi shang adugi mapaanda leiriba sumang adu thaadok-u, amasung madu onganu; maramdi madu atoppa Jaatshingda pikhrabani, aduga makhoyna thaa 42 Makhongna ashengba saahar adubu netkani.
3 Amasung eina eigi saakhi anida matik pibigani, aduga makhoyna thouri phi settuna numit 1,260 Eeshorgi waa takthokkani.
4 Makhoy asi Prithibigi Eeshorgi maangda lepliba chorphol paambi ani amasung thaaoumei makhong ani aduni.
5 Amasung kanaagumba mina makhoybu shaathina touninglabadi, makhoygi macindagi mei thoklaktuna makhoygi yeknabashingbu chaathok-e; aduga kanaagumba mina makhoybu shaathina touninglagadi, matou asumna maabu haatkadabani.
6 Makhoy asina Eeshorgi waa taakthokpagi matamda nongchudananaba, atiyabu thingnaba makhoygi matik lei; amasung makhoyna paamba paambada eeshinggi mathakta eeshingbu ee olhannaba, aduga cheinakhon khibikna prithibibu yeinaba, makhoygi matik lei.
7 Amasung makhoyna makhoygi saakhi piba adu loirabada, makha naaidaba komdagi thoklakpa shaa aduna makhoyga laan shoknaduna makhoybu ngamlaga haatkani.
8 Aduga thawaaygi oinaa Sodom amasung Egypt kouba, mapham adudasu makhoygi Eeshorbu crossta haatkhiba, achouba saahar adugi lambi aduda makhoygi ashibaa hakchaang adu lei.
9 Amasung mishing, shalaaishinggi, lol lon gi, aduga Jaatshinggi maraktagi miyaamna makhoygi ashibaa hakchaang aduda numit humniga tangkhay yengduna lei, amasung makhoygi ashibaa hakchaang adu mongphamda phumba yabide,
10 Aduga prithibida paallibashingna makhoygi maramda haraaosu haraaowi, kumeisu touwi; amasung makhoy amanaa amada khudon thonnagani, maramdi Eeshorgi waa taakthokpa ani asina prithibida paallibashingbu waahalle.
11 Aduga numit humniga tangkhay adugi matungda Eeshordagi hingbagi swar makhoygi nungda changkhiduna, makhoyna makhongna leple, amasung makhoybu ubashing adugi mathakta akibaa thokle;
12 Aduga, asi taanna kakhatlak-u, haayba makhoyda haayba swargadagi awaangba khonjen amaa makhoyna taare. Amasung makhoy anina leichinda swarga taanna kakhatkhre; aduga makhoygi yeknabashingna makhoybu uhoure.
13 Amasung pungja aduda akanba yuharaba amaa thokladuna, saahar adugi sharuk taraagi sharuk amaa kinthare; amasung yuharaba aduda mi 7,000 shire, aduga lemhoubashing aduna yaamna kiraduna swargagi Eeshorbu thaagatle.
14 Anishuba awaaba adu laanthokkhre; yeng-u, ahumshuba awaaba adu thuna laakli.
Taretshuba pereshingga.
15 Amasung taretshuba swargadut aduna khongle; aduga swargada awaang awaangba khonjen thoklaktuna haay, taaibang-paangi ningthou-leibak adu eikhoygi Eeshorgi amasung ebungngo mahaakki Christagini, aduga ebungngo mahaakna loyba naaidana paan-gani.
16 Amasung Eeshorgi maangda makhoy makhoygi phambaalda phamliba ahallaman kunmari aduna uprakna tuthajaraga,Eeshorbu khurumjaduna haay,
17 He Eeshor, engam ngamba, oiriba amasung oiramba, ebungngo nahaakpu eikhoyna thaagatchari, maramdi ebungngo nahaakna nahaakki matik achouba louduna pallakle.
18 Amasung Jaatshingna shaaorakle aduga ebungngo nahaakki ashaaoba laakle, amasung ashibashingbu waayennaba matam aduga ebungngo nahaakki mini waa taakthokpa shingda, ashengbashingda amasung ebungngo nahaakki mingbu kiba apik achoubashingda makhoy makhoygi manaa pibinaba, amasung prithibibu maanghanbashingbu manghannaba matam laakle.
19 Amasung swargada leiriba Eeshorgi shang adu haangdokle, aduga ebungngo mahaakki waalepnabagi upu adu ebungngo mahaakki shang manungda ure; amasung nongthaang, makhol nongkhongba ayaamba, yuharaba aduga lel achouba tholdakle.