Psalm 35
Tengbangbinaba haijaba
35 Hey Eshor, eibu thina toubasingdu cheirak pibiyu, eigi ithakta landabasingdugi mathakta Ibungona landabiyu.
2 Chunggoi paiduna nanaigi iteng oibinaba lengthokpirak-u,
3 Nanaibu tannaribasingdugi mayokta ta paiduna leppiyu. Ibungona nanaibu kanbigani asengba takpiyu.
4 Nanaibu hatke thousillibasingdu namthabiyu amadi mamai thihanbiyu. Nanaigi mayokta aronba thousin touribasingdu mamai leihanbiyu aduga chamamnahanbiyu.
5 Makhoidu nungsitna humduna puriba charugumhanbiyu, Eshorgi dutsingna tannaba matamda paiduna chathanbiyu.
6 Eshorgi dutsingna tannaba matamda makhoigi lambeldu ananba oihanbiyu.
7 Maram leitana makhoina eihak thunnaba lang thak-i, masin leitana makhoina eibu hatnanaba kom ama touthok-i.
8 Makhoigi mathakta khanghoudana mang takpa thok-hanbiyu, makhoina lotna thakliba langduda makhoibu thuhanbiyu.
9 Eidi Eshorbu yengduna haraona leigani, Ibungona nanaibu kanbiba matamda nungngaijagani.
10 Thawai hakchang amatta oina haijagani, "Eshorgumba kadaida leibage? Akanbasinggi khuttagi Ibungona asonbasingbu ngakthokpi, lairabasingbu otpiribasinggi khuttagi kanbiri."
11 Namthakna thallaba sakhi kaya thorakli, eina khangdaba wahang kaya makhoina hangli.
12 Aphabagi mahutta phattaba touri, maramsina eihak ingthaba leite.
13 Adubu makhoina awaba taba matamda phi segaiba setli, chara henduna Makhoigidamak eina awaba phongdokli. Eina kok nonthaduna Makhoigidamak haijarammi.
14 Eihak makhoiga pokminnaba machin manao nattraga marupsinggumna thawai warammi. Mama kainaraba kanagumba amagi matougumna kok nonthaduna kaptuna koina chatlammi.
15 Adubu eina khudongthiba tarabada, pullap tasinduna eigi mayokta leirammi. Eibu khangdaba mishingna phaoba ningaidana no klammi.
16 Makhoina maya krak krak chiktuna nungsi khangdabaga loinana eibu thoina henna noknarammi.
17 Hey Eshor, matam kaya kuina matousi yengduna tuminna leibigadage? Makhoina tamthina otpasidagi nanaibu kanbiyu, Ngakpiyu nanaibu nongshasingsidagi.
18 Adu oirabadi nanaina Ibungobu miyam marakta thagatchagani, mashing naidana tilliba miyam marakta nanaina thouganjagani.
19 Oidaba wa ngangliba eigi yeknabasingsina nanaigi ithakta tanja louhanbiganu, maram leitana eibu tukkachaba singdunasu eigi awabadu yengduna haraohabiganu.
20 Maramdi makhoina aphanungngai wa amattasu ngangde, malemsida ingna panjaribasingduda makhoina minamba wa ngangi.
21 Makhoina maya laona kaothoktuna hairi: Nungngaire, eikhoigi imitmakna thoudoksi ure."
22 Hey Eshor, Ibungona pumnamaksi ubire, Maramsina tuminna leithokpiganu. He Eshor, nanaibu thapna thambiganu,
23 Ipuroi, Eshor nanaibu yengduna Ibungona tuminna leithokpiba toubiraganu,
24 Ipuroi, Eshor, Ibungogi matik mayaidugi mapandutana nanaibu chang toubiyu. Makhoina nanaibu yenglaga harao mathoi kahanbiganu.
25 Nungngaire, ningba thungle haibasi makhoigi machindagi thok-hanbiganu, mahak maroi maran takle haibasisu makhoigi machindagi nganghanbiganu.
26 Nanaina awaba taraba matamda nungngairiba mishinggi mathakta ikaiba nanghanbiyu aduga wakhal phumbangnahanbiyu. Eikhoina mahelle haiduna nanaigi mangda chaothoklibasingdu ikaihanduna mamai phiruk khumhanbiyu.
27 Nanaina nungngaibada haraojaribasingduna khonjel houna haraobaga loinana "Eshordi matik chaoi" haina laojasanu. Ibungodi manaigi yaiphabaduda nungngairibani.
28 Masigi matungda Ibungogi natik nayaidu numit khuding sak sonduna thagatchagani.