1 Samuel 30
Amalekshingga laanthengnaba
1 Humnishuba numitta David amadi mahaakka loynariba mishingna Ziklagta thungba matamda Amalekshingna Negev amadi Ziklagta laandarammi. Makhoyna Ziklag loushinkhi. Lousillaba matungda saaharsibu makhoyna mei thaakhi.
2 Achouba machaa amatta khaktana nupaa amadi nupishing loina bandi oinaa puduna chatkhi.
3 David amadi mahaakka loynariba mishingduna saaharduda laaklaga matamda mei chaktuna leirambadu ukhi. Makhoygi matu machaa pumnamak bandi oinaa pukhibadusu khangkhi.
4 David amadi mahaakka loynariba mishingdu khongjen waangna laaona kapkhi.
5 Davidki nupishing Jezreelgi Ahinoam amadi Carmelgi Laban-gi nupi oirambi Abigail anidubu bandi oinaa pukhi.
6 David mathawaay yaamna waarammi maramdi mishingna mahaakpu nungna thaaduna haatkani haaybadu mahaakna taarammi. Mi pumnamak matu machaa kainabagi meichaakna mathawaay yaamna nungaairamde. Adubu Davidki Mapuroi Eeshorna mahaakpu mapaanggal happirammi.
7 Ahimelekki machaanupa purohit oiriba Abiatharna Davidki manaakta ephodtu puraduna laakkhi.
8 Davidna Eeshorda hangjarammi, "nanaina laanhouba kaangbudugi tung enjaba matamda makhoybu laakshinba ngamgadra?"
Eeshorna khumlaaklammi, "makhoybu tannou aduga bandi oinaa pukhrabishingdubu nahaakna kanba ngamgani."
9 Davidna mahaakka loynariba mi 600 tuga loynanaa khongshaankhi. Makhoyna Besorgi eephuttu youraba matamda kharadi maphamduda leihouwi aduga
10 Davidti mi 400 puduna makha taana chatthakhi. Atoppa mi chaini adumadi eephuttu laanduna chatpa ngamlamde maramdi makhoy masha shollammi.
11 Davidka loynariba mishingduna Egypttagi laakpa nupaa machaa amaa thengnakhi amasung makhoyna Davidki manaakta mahaakpu pusillakkhi. Makhoyna nupaa machaaduna chanathaaknaba pirammi.
12 Makhoyna pikhiba potshingdi: akangba theibong khara, amadi kismis mayom anigani nupaamachadu madu chaaraba matungda masha khara kankhi. Maramdi nupaa machadu numit humni chupnaa karigumba amatta chaaba phanglamde.
13 Davidna nupaaduda hangkhi. "nahaakki nabungngodu kanano? aduga nahaak mapham kadaaydagi laakpano?" nupaaduna khumkhi, "eihak Egyptki mini. Aduga Amalek amagi minaai oiduna leijabani." eihaak naaba maramna eigi ebungngoduna eibu numit humnigi mamaangda maphamsida hundoktuna thamlabani.
14 Kerethishinggi lamda eikhoy laandaba chatlui aduga Judahgi lam amadi Calebki Negevsu laandarui eikhoyna Ziklag kouba
lamdu mei thaakhi."
15 Davidna nupaa machaduda haayrammi, "lanhouba mishingdugi manaakta eibu puduna chatpa ngamgadra?
Mahaakna khumlammi. "Karigumba nahaakna eibu hatraba aduga eibu loiramba nupaaduda eibu pithokloi haayna Eeshorgi mingda nahaakna waashakpa ngamlabdi eina makhoygi manaakta nahaakpu chingduna puba ngamgani."
16 Matou asumna nupaa machaaduna Davidpu lanhouba kaangbudugi manaakta puduna chatkhi.
Matamduda makhoy echaai chaikhaayduna haraaona chaa-thaktuna leirammi. Makhoyna Philistishing amadi Judahgi lamdagi khomlakpa lanshingdu mamaangda thamduna nungaaina jaagoi shaaduna leirammi.
17 Davidna mamli mamli toubadagina nonganba phaaoba makhoybu haatkhi. Ut tongduna chenkhiba nahaa 400 Nattana ateidi naanthokpa ngamkhide.
18 Davidna Amalekshingna loukhiba potshing aduga mahaakki nupishingnachingbashingdu amuk haanna purakkhi.
19 Angaang, nupi amadi shaa-sanshing amatta chitthadana kankhi.
20 shaa-sannachingbadu mahaakka loynariba mishingdu makhoygi mamaang thaaduna hoiduna purakkhi amasung makhoyna haaykhi, "pumnamaksi Davidkini".
21 Davidki tung enbada waaraduna leihouba mi 200 dugi manaakta makhoy laakkhi. Makhoysindu Bosorgi eephuttuda leihoubashingduni. Makhoyna Davidpu okpa thokra klammi. Makhoyna mahaakka loynarakliba mishingdu urammi. Davidna makhoygi manaakta laaklaga haraao tayaamna kourammi.
22 Adubu mapukchel pikpa Davidka chatminnaruba mi kharana haayrammi, "makhoyna eikhoyga laandaba chatkhidaba maramna eikhoyna phanglakpa potshingsi makhoyda khaairoi. Makhoyna makhoygi matu amadi machaashing puraga maphamsidagi chatkhiba yaai."
23 Adubu Davidna haayrammi, "echin-enaaosha, Eeshorna eikhoygini haayna pikhraba potshinggi maramda nakhoyna asumna toupharoi. Eikhoybu ashoy angaam yaaohandana Ebungngona mishingdubu eikhoygi ekhutta taahanbikhi.
24 Nakhoyna haayriba waadu kanaanasu yaaningloi. Pumnamak chap maannana chaaminnagadabani. Chinjaak puthok pusin touduna leibashingduna laan changba mishingna phangbagumna phangpham thoik-e. "
25 Numittudagi houraduna mahaakna Israelgi manungda niyamsi shemdokhi.
26 Davidna Ziklagta laakpa matamda phanglakpa Lan-thumdagi sharuk khara Judahgi ahanshinggi maphamda thungkhi. Mahaakna haaykhi, Eeshorgi yeknaba oiribashinggi maphamdagi phanglakpa pot khara pijakhibani."
27 Haayribashingsi mahaakna Bethelda leiba, Negevki Ramoth, Jattir,
28 Aroer, Siphmoth, Estemoa,
29 Amadi Rakal, Jerahmil
30 Hormah, Bor Asan, Athak
31 Amadi Hebronda leibashingdani, David amadi mahaakki mishingna koyna chatlingeida youramba maphamshingduda thaakhi.