John 4
Jesusga Samariagi nupi amaga
1 Maram aduna Jesusna sebokshing shemduna buptized toubiduna Johndagi helli, haaybasi pharisi shingna taakhre haayba Eeshorna khanglabada
2 (Asi haayrabasu Jesus mashaamakna buptized toubide, touegumsung ebungngogi sebokshingnani),
3 Ebungngona Judea thaadoktuna, Galileeda amuk chatkhre,
4 Amasung Ebungngona samaria phaaoduna chatpa taare,
5 Asum touna Jamesna machaanupa Josephta pikhiba lam machet adugi manaakta, Sychar kouba Samariagi khunda Ebungngona laak-e.
6 Aduga Jacobki guha maaphamduda leirammi, maram aduna Jesusna lamchatpada waaraduna, guha adugi manaakta asum phamlammi, matamdu pung 6:00 Aduwaaini.
7 Samariagi nupi amanaa eeshing shoknanaba laak-e, Jesusna maangonda haay, eingonda thaknaba eeshing pibiyu.
8 Maramdi ebungngogi sebokshingna khullakta acha athak leiba chatkhi.
9 Maram aduna Samaria nupi aduna ebungngoda haay, nahaakti Jewishki mi oiraga, Samaria nupi oibi eingondagi karamna thaknaba eeshing niribage? (maramdi Jewish-shingna Samariashingga shamnade).
10 Jesusna maangonda khumlak-e, nangna Eeshorgi khudon adu amasung eingonda thaknaba eeshing pibiyu haayna nangonda haayba adu kanaano khanglamlabadi, nangna maangondagi niramgadabani, aduga mahaakna nangonda ahingba eeshing pibiramgadabani.
11 Nupi aduna ebungngoda haay, ebungngo, nahaakki eeshing shoknanaba karisu leite, guhaasu lui, adunadi ahingba eeshing adu nahaakna kadaaydagi phanglabage?
12 Eikhoygi apokpa Jamestagi nahaakna henna chaaobra? Mahaakna guha asi eikhoyda pibiramle, aduga mashaanasu, mahaakki machaashingnasu, mahaakki shaa-sannasu masidagi thaknei.
13 Jesusna maangonda khumlak-e, eeshing asi thakpa mi khudingna amuk khoraanggani.
14 Adubu eina pigadaba eeshing adu athak athakpa makheina khak khouraanglaroi, touegumsung eina pigadaba eeshing adu loyba naaidana hingnabagi damak thoklakpa eeshinggi eephut maangonda oirakkani.
15 Nupi aduna ebungngoda haay, ebungngo, eina khouraangdananaba amasung eeshing shoknaba asi taanna laaktananaba, eingonda eeshing asi pibiyu.
16 Jesusna maangonda haay, chatlu, nanggi napuroyba asida kourak-u.
17 Nupi aduna ebungngoda khumlak-e, eigi epuroiba leite, Jesusna maangonda haay, nahaakna eigi epuroiba leite haayba adu achumbani.
18 Maramdi nanggi napuroyba mangaa leirammi, adubu houjik nangga leiminnariba nupa adu nangi napuroyba natte; houjik nangna haaykhiba adu tashengna achumbani.
19 Nupi aduna Jesusda haaykhi, oja, nahaakti Eeshorgi waa taakthokpa amani haayba eina khaangba ngaammi.
20 Eikhoygi epa epushingna ching asida Eeshorbu khurumjakhi, aduga nakhoy jewish shingnadi haay, eikhoyna khurum-jagadaba mapham adudi Jerusalemdani.
21 Jesusna nupiduda haaykhi, he nupi eibu thaajou, napaa adubu ching asidasu Jerusalemdasu nakhoyna khurumjaroidaba pungpham adu laakli.
22 Nakhoy Samaria shingna khangdaba adu khurummi, adubu eikhoy Jewish shingnadi khangba adu khurummi, maramdi Jewish-shingdagi araan khubam laak-e.
23 Touegumsung achumba khurumbashingna mapaa adubu thawaayda amasung achumbada khurum-jagadaba pungpham adu laaksu laakli, houjiksu oiri, maramdi mapaa aduna ebungngo mahaakpu khurumjabashing asigumbabu thiri.
24 Eeshordi thawaayni, aduga ebungngo mahaakpu khurumjabashing aduna thawaayda amasung achumbada khurumjaba taare.
25 Nupi aduna Jesusda haaykhi, Messiah (Christa haayna kouba adu) laakkani haayba eina khang-e; Christana laakpa matamda eikhoyda pumnamak khanghanbigani.
26 Jesusna nupiduda haaykhi, nangga houjik waari shaanariba eishi mahaaktuni.
27 Matam aduda Jesusgi sebokshing saahardagi hallakrammi, aduga makhoyna Jesusna nupiga waari shaanaba aduda makhoyna ngaklammi, adum oinamakpu Ebungngona kari thiribage, nattraga Ebungngona mahaakka karigi waa ngangnaribage haayna kanaanasu haayde.
28 Maduda nupi aduna maagi eeshing pul thaamlamlaga khullakta chatkhiduna, mishingda haay,
29 Laak-u, eina toukhi toukhiba pumnamak eingonda haayba mi yenglaraao, maasi Christa adu oiramgadra?
30 Makhoyna khundagi thoklaktuna ebungngogi manaakta laakpa houre.
31 Adubu cheirak asida sebokshingna ebungngoda haayjarak-e, Rabbi, luk haabiyu.
32 Adubu Jesusna makhoyda haayrammi, nakhoyna khangdaba chaananaba eigi achaapot lei.
33 Maram aduna sebokshingna amaga-amaga haaynarammi, kanaagumbana ebungngoda karigumba chaananaba pubirakpraa?
34 Jesusna makhoyda haay, eibu thaarakpa ebungngo mahaakki ningba adu touba amasung ebungngo mahaakki thabak changkhonna loiba, asi eigi achaapotni.
35 Houjik thaa mari leiraga lourok thaa laakkani haayna nakhoyna haaynadabra? Yeng-u, eina nakhoyda haayri, houjik lou loknanaba khoingaang saare haayduna, nakok thaanggattuna loubuk yeng-u.
36 Ahunba mahaakka akhaaoba mahaak aduna asumal phang-e, aduga loyba naaidana hingnabagi damak mahei khomjilli.
37 Maramdi maasida, amanaa maru hulli aduga atei amanaa khaaoi, haaybasi achumbani.
38 Nakhoyna nomdaba aduda khaaonanaba eina nakhoybu thaare; ateishingna nomle, aduga nakhoynadi makhoygi nomba aduda changle.
39 Amasung, eina toukhi toukhiba pumnamak mahaakna eingonda haayre, haayduna saakhi pikhiba nupi adugi waadagi khul adudagi Samariagi mi ayaambana ebungngobu thaajare.
40 Asum touna Samaria mishingna ebungngogi manaakta laaklaga, makhoyga leiminnanaba ebungngoda haayjei; aduga Ebungngona mapham aduda numit nini leirammi.
41 Amasung Ebungngona haayba waa adudagi amuk henna ayaambana thaajare;
42 Aduga makhoyna nupi aduda haayrammi, nahaakna tambagi maramna eikhoyna houjik thaajaba natte, maramdi eikhoy eshamakna taare, tashengnamak asi taaibang paanbagi kanbiba mapu aduni haayba khang-e.
Jesusna Galileeda ningthougi phamnaaibagi machaanupabu anaaba phahanbiba
( Matthew 8.5-13; Luke 7.1-10 )
43 Numit nini adugi matungda Ebungngona mapham adudagi Galileeda youkhare.
44 (maramdi Eeshorgi waa taakthokpabu mahaakmakki mareibaakta ekaai-khumnabide haayba Jesus mashaamakna saakhi pire).
45 Asum touna Ebungngona Galileeda laaklabada, chaakkhaangbada Ebungngona toukhiba pumnamak adu Galileegi mishingna Jerusalemda ukhraduna, ebungngobu loushinjare; maramdi makhoysu chaakkhaangba aduda chatlui.
46 Maram aduna Ebungngona eeshingbu angur mahi olhankhiba Galileegi kanaada amuk laakle, aduga Capernaumda machaanupa naariba ningthougi phamnaaiba kanaagumba amaa leirammi.
47 Mahaak asina, Jesusna Judeadagi Galileeda laakle haayba taarabada, mahaakna ebungngogi manaakta chatkhiduna, Ebungngona chatpiraga mahaakki machaanupabu naaba phahanbinaba haayjei, maramdi mahaak shigadourammi.
48 Maram aduna Jesusna maangonda haay, nakhoyna khudamshing amasung angak angakpa udrabadi, nakhoyna suptha thaajaroi.
49 Phamnaaiba aduna ebungngoda haay, ebungngo, echaa shidringeida chatlasi.
50 Jesusna maangonda haay, chatlu, nachaa-nupaa hingli, mi aduna Jesusna maangonda haayba waa adu thaajaduna chatpa houre.
51 Aduga mahaakna asum hallaklingeida, mahaakki machaa hingle haayna tamlaba mahaakki minaaishingga oknare.
52 Maram aduna machana naaba phakhiba pungpham adu mahaakna makhoyda hangle, maduda makhoyna maangonda haay, ngarang nungthin pung 1:00 dagi mahaak ningtham chanba phakhare.
53 Maduda Jesusna maangonda, nachaa-nupaa hingli, haayba pungpham adumakta oirammi haayba mapaa aduna khangle, amasung mahaak mashaasu mahaakki emung apumbasu thaajare.
54 Maasi Judeadagi Galileeda laaklababa matungda Jesusna toukhiba anishuba khudamni.