2 Thessalonians 3
Aroiba ensinbiba amasung aroiba wa
3 Akonbada, echin-enaaosa, Eesor-gi waa adu nakhoygi naraktasu oikhibagumna, thuna sindoknanaba amasung matik mangaan chaaonanaba eikhoygidamak haayjabiyu, 2 adugaa eikhoybu waaiong chadaba amasung phattaba misingdagi kanbinanaba haayjabiyu, maramdi pumnamakta thaajaba adu leiba natte. 3 touegumsung Eesordi thaajaba yabani, ebungngona nakhoybu paanggal kalhanbigani, amasung phattaba adudagi nakhoybu ngaksenbigani. 4 Amasung eikhoyna piriba yaathangsing adu nakhoyna tousu touwi, tousu tougani haayduna nakhoygi maramda Eesor-da eikhoygi thaajaba lei. 5 adugaa Eesor-na nakhoygi pukning Eesor-gi nungsibada amasung Christagi khangheibada lamjingbisanu.
6 Amasung, echin-enaaosa, eikhoyna nakhoybu ebungngo Jesus Christagi mingda yaathang piri. haaybadi, atanba amasung nakhoyna eikhoydagi phangkhiba chatna-rakliba adugi matung endaba nachin nanaao khuding dagi nakhoy nasaana khaaidokchou. 7 maramdi nakhoyna eikhoygi etou karamna lougadaba nakhoy nasa khangjei maramdi eikhoyna nakhoygi narakta atanba oiyaade, 8 adugaa eikhoyna kanaagumbadagi lemna chajaramde, adubu eikhoyna nakhoy kanaagumbabu arumba puhandananaba, nombaga amasung awa khangbaga loynanaa ahing nungthil thabak subani,
9 maramdi eikhoygi etik leitba natte, adubunakhoyna eikhoygi etou lounanaba, eikhoy isabu paandam oinaa nakhoyda pinnabani. 10 maramdi eikhoyna nakhoyga leiminnaringeida, eikhoyna nakhoyda yaathang asi pirammi, haaybadi, kanaagumbana thabak asi pirammi, haaybadi, kanaagumbana thabak suningdraba, mahaakna chasu chadasanu. 11 maramdi nakhoygi narakta kana kanaagumbana taanna lenduna, thabak esu sudana, choirangnana chatli haayba eikhoyna taay. 12 asigumba misingna engna thabak, suduna marannaigi chajananaba, eikhoyna makhoybu ebungngo Jesus Christagi mingda yaathang piduna thoujinjari. 13 adubu, echin-enaaosa, nakhoydi aphaha toubada waabiganu.
14 adugaa kanaagumba mina eikhoygi laairik asigi waa endrabadi, mi adubu khanghou, mahaakna ekaaijananaba nakhoyna mahaakka tinnaganu, 15 Adumakpu mahaakpu yeknaba oinaa loubiganu adubu nachin nanaao oinaa mahaakpu waarakpiyu.
16 houjikti engthabagi Eesor ebungngo makna nakhoyda matam pumnamakta maram pumnamakta engthaba pibisanu. Eesor-na nakhoy pumnamakka loinabi pibisanu.
17 Paul eina khurumjaba asi ekhutmakna ejabani. eigi laairik khudingda masina khudamni.
18 eikhoygi ebungngo Jesus Christagi thoujaal nakhoy pumnamakka loinabisanu.