Proverbs 27
27 Hayenggidamak napan touruganu maramdi ngasi kari thokkani haiba nahak khangde.
2 Nasana nasabu thagatkadabagi sarukpudi mi ateina nahakpu thagathallu.
3 Apangbana thok-hanba yaba khu-dongthibadu yenglurabadi nung nattraga leingoina lumbadu karisu natte.
4 Saoba haibasidi hingcha yaitamba amadi mangnaba saruk oibani. Adubu masi karam chaobaga changdamnarurabadi karisu natte.
5 Kanagumba amagi marandu iphong phongna haibibana thousadaba maongda tuminna leithokpadagi henna phei.
6 Marup haibasidi mahakna nahakpu pukning sokpa wa haikhraba phaobada kokpiba ngambaduni adubu yeknaba amana mapambom thanggattuna konbirabadi cheksanba phei.
7 Puk thanba matamdadi khoihi phaoba pamde. Adubu charamnaraba matamdadi khwaidagi kharaba chinjaktu phaoba thumbani.
8 Mayum thadoklaba nupadu makon thadoklaba uchekkumbani.
9 Manam nungsiba thaogi manam tabada nungngaiba pok-i adubu awaba matamda ingthaba leite.
10 Narup napang amadi napanna tinnaramba marupsingdu laina kaothokkanu. Karigumba nahak awabada taraba matamda nachin nanaosing tengbangbinaba haijaruganu. Thapna leikhraba nachin nanao amadagidi nakna yumlonnaduna leiriba amana henna phabani.
11 Ichasa, lousing singu. Adu oirabadi eihak nungngaigani. Eigi iramda wa nganglibasingdugi mathakta eina chao-thokna paokhum piba ngamgani.
12 Lousing leiba mishingna awaba tagadoure haiba khangba ngammi aduga madu thapna thamba ngammi. Adubu wakhal leitaba miduna madudagi thapna chatthokloi.
13 Lamlanba kanagumba amagidamak sendon singge haina yaruriba apangba nupadu marou mashing loina chatkhibana matik ok-i.
14 Haraona khonjel wangna narup amabu ayukta houdokpibagum, sapsu touba yai.
15 Nong chuba matamda ishing marik marik tabadu khatnaganbi yumgi nupi amaga changdamnaba yai.
16 Mahakpu karamna tuminna leihan-gadouribano? Nungsitpu lephannaba nattraga thaobu khubakta heiraga tahandanaba hotnakhrabra?
17 Yotna yot phengbagum midi midagi tambani.
18 Theibong pambi amagi seba touba matamda theibong chaba phanggani. Mapubu masak khangna chatpa manaidu ikai khumnagani.
19 ishingda yengba matamda uriba namidu nahakkini aduga madugumna thammoinungda yengba matamda uribaduna nathawaini.
20 Mioibagi apambadi asingbagi taibanggumbani. Aroiba naide.
21 Meina sana nattraga lupabu chang toui adugumna nupa amagi mingchattu chang touba yai.
22 Apangba nupa amabu sigadouba makhei phurabasu mahakki apangbadudi tanthokpa ngamde.
23 Nakhoina hek ngamlibamakhei yaosing amadi shasingdu luna toubiyu. 24 Maramdi lan haibasi lengdaba natte. Jatsingdusu lengdaba natte. 25 Nakhoina charu khaoraba matungda chingda houriba napi khaoba houwi. Matamduda mathangda khaonaba phou amuk thaba houwi. 26 Nakhoina loiriba yaosingdugi matu louduna setnaba phi semba yai aduga hamengsing yonduna lam leisinba yai. 27 Lemhouba hamengsingduna nahak amadi nahakki imunggi mishing amadi minai nupisinggi phaoba yaona sanggom pigani.