2 Kings 22

Judahgi ningthou Josiah 

(2 Miron 34:1-2)

1 Josiahna ningthou oiba matamda chahi nipaan shurammi. Mahaak Jerusalemda chahi kunthraamathoi paankhi. Mahaakki mamadi Bozkathki Adaiahgi machaanupi Jedidiah koubidu oirammi.

2 Mapu Davidna toukhibagumna mahaaksu Eeshorgi mityengda aphaba thabak ngaakta tourammi.

Puya phangba

(2 Miron 34:8-28)

3 Ningthou Josiahna paanba taraanipal shubaa chahida Mesullamgi machaanupa Azaliahna pokpaa Saphan kouba laairik pansinbadubu ningnashangda thaarammi. Ningthouna maangonda haaykhi,

4 "Purohitlen Hilkiahgi manaakta chattuna thouda taariba purohit shingda miyaamna katlakpa peishaashingdu kayaa shurabage hanglaak-u.

 5 Ningnashang shemlibashingduda makhoyna khomgatlakpa peishaashingdu pisanu.

6 Haayriba peishaashingdu ushuba, yumsaba, amadi chekshubashingda pigadabani. Peishaaduna khaaidoklaba u amadi nungnachingba leigadabani. Haayriba asina ningnashangdu shemgadoubani.

7 Thabak shuribashingdu yaamna mapuk shengba mishingni maramsina makhoydagi thoidakpa akuppa hisab puraktrabasu yagani.

8 Purohitlen Hilkiahna laairik pansinba Saphanda haayrammi, "eina Eeshorgi puyadu ningnashangda phangle. "Masi haayraduna Hilkiahna Saphanda puyadu pirammi. Saphanna puyadu parammi.

9 Laairik esinba Saphanna ningthouda haayrammi, "thabak touribashingda nanaaina peishaashingdu shinnajaramle."

10 Laairik esinba Saphanna ningthouda makha taana haayrak-e " purohitlen Hilkiahna eingonda puya amaa pirakle." Saphanna madu ningthougi maangda paathokkhi.

11 Puyada eramlibadu ningthouna taabada mathawaay shokladuna maphi shegaairammi.

12 Ningthouna purohitlen Hilkiah, shaa phang-e machaanupa Ahikam, Micaiahgi machaanupa Akbor, amadi laairik pansinba Saphanda asumna haayrammi,

13 "Eeshordagi laaibao tasi. Judahda leiriba mishingsigi maramdasu laaibao tabana phei. Puyasigi maramdasu laaibao taaba phei. Aduga eribasigi matung ennadi epa epu hantaktagi aphaba amatta touraktrabanina Eeshorna eikhoybu shoydana shaaoramgani."

14 Purohitlen Hilkiah, Ahikam, Akbor, Saphan amadi Asaiahna maaichou oiribi Harhaski machaanupa Tikvahna pokpaa sanlumgi nupi Huldahgi manaakta chatlammi. (Matamsida nouna khundaba Jerusalemgi maphamduda leirammi.) mahaakka loynanaa makhoyna waari sanarammi.

15 Mahaakna makhoyda haayrammi, "Israelgi Eeshorna asumna taakpiri: ningthouda chatlaga asumna tammu madudi

16 Leibaaksida leiriba mishinggi mathakta dandi pigani. Puyada eriba ningthouna takhibadumak thok-han-gani.

17 Makhoyna eibu thaadoktuna atoppa laaishingda erat thouniri. Masigumba thabaksina eibu thoidokna shaaohalli. Maramsina leibaaksigi mathakta eigi ashaaoba meiridu chugani aduga maasi keidoungeidasu mut-laloi.

18 Eeshorgi maphamdagi laaibao hangjaraknaba nakhoybu thaarakpa Judahgi ningthouda asumnasu tammu. madudi ningthouna pakhiba puyadugi maramda,

19 Eina leibaaksida leiba mishing maanghallage haayduna laaibao taaba matamda nakhoyna kiraduna Eeshorgi mamaangda nollukchari. Adubu Eina maphamsi yengbada akibaa phanglaba amaa oihan-gani aduga mishingna maasibu shaapki waahei oinaa shijinnahougani. Adum oinamak nakhoyna haayjabadu eina taabire.

20 Maramsina eina nahaakpu napaa napugi sarip phanghan-gani. Nahaakna shiba matamda nungaaina shigani. Leibaaksida eina thok-hangadouriba awaabashingdu nahaakki namittunadi uraroi. "haayriba laaibaosi ningthouda makhoyna tamkhi.