Proverbs 3
Nahasingda piba paotak
3 Ichasa, eina nakhoida tambiribasi kaoganu. Masi tougadabani haina eina nakhoida takpikhibadu pangthokkadabani. 2 Eina takpibasidagi punsi nungsangba amadi chaokhatpa phanggani. 3 Haiba indaba touganu aduga masiga loinana mina thajadaba thabak touganu. Masi iraga nangaksamda siduna chatlu aduga yarabadi nakhoigi thamoigi lakanungda isinduna thammu. 4 Masi tourabadi mi amadi lai animakna nakhoibu pen-gani.
5 Lainingthoubu thamoi amadi hakchang animak mannana thajou. Nahakna khangba pottuna aroibani ningganu.
6 Nahakna touruba hiram khudingda Lainingthoubu ningsingu, aduga Ibungona nakhoida lambi achumbadu takpigani.
7 Nakhoi yamna singba mini haina khanganu, icham chamna Lainingthougi yathang illu aduga aranba thabak touruganu. 8 Karigumba nakhoina masibu inba ngamlabadi, hidak aphaba chabaga pankhak oigani. Asokpa amadi achikpa phahanbagumgani. 9 Nakhoigi landagi phangba mahei marongdagi khwaidagi aphaba marik chumba khanduna Lainingthougi khuyakhada katchaduna ikai khumnaba utlu. 10 Karigumba nakhoina masi pangthoklabadi, pukkeida mahei maronggi aroiba leiroi, aduga thaknaba yusu awatpa leiroi.
11 Ichasa, Lainingthouna nakhoibu chumthokpiba matamda napukning changna lousillu aduga madubu cheksin wani khanduna kaothokkanu. 12 Mapana chao-thokchapham oiriba machanupadubu chu-mthokpibagumna Lainingthouna nungsibadubu chumthokpibani. 13 Lousing leiba nupa, laisu khangbadu nungngaibani. 14 Lousing leirabadi lupadagi henna phabani, sanadagisu masina mamal henbani. 15 Likkondagi lousingna maru oiba helli, nakhoina masina maroire haiba pottuga masiga changdamnaba yaroi. 16 Lou-singna napunsi sanghalli aduga masiga loinana Lan-thum amadi ikai khumnabasu phanghanbani. 17 Lousingna nakhoigi napunsidu nungngaihalli aduga asoi angam yaodana masina lamjingbi. 18 Lousing leiba mishingdu nungngaibani aduga lousingna makhoida sinaidaba punsi pibani.
19 Lainingthouna malemsibu lousingtagi mapanna sembikhi, Ibungogi khangbibaduna nongmadonbu lenghanbide.
20 Ibungogi lousingdutana turelda ishing chelhanbi, malemsida nong taraknabagidamak leichin sembikhi.
21 Ichasa, lousing meira thadokkanu aduga nakhoida leiriba laisudu hunjekkanu. Masi pumnamaksina nakhoibu thadok-han-ganu. 22 Makhoisingsina nakhoida nungngairaba asoi angam yaodraba punsi ama pibigani. 23 Punsigi lambiduda khudi thidana makhoigi matengna chatpa ngam-gani. 24 Yatanaba phamungduda changba matamda akiba leiroi aduga ahing chuppa leitana nungngaina tumba ngamgani. 25 Phattabasinggi mathakta khanghoudana lakpa nonglei nungsitkumba mangnatakpadu lakkani haibagi chingnaningai leite. 26 Lainingthouna nakhoibu sennabigani. Ibungona nakhoibu langda thuhanbiroi.
27 Nakhoinabu angamba oirabadi, awat-apa leiraba miduda tengbangbiyu. 28 Karigumba nakhoina pangba ngamba thabak oirabadi yumlonnabasingda hayeng pangge haiganu. 29 Yumlonnaba mina mathawai nungngairoidouba thabak amatta touganu. Mahak nakhoibu thajaduna leiribani.
30 Kanagumba nakhoibu mangnaba thabak toukhidaba mishingga marei sangdanaganu. 31 Tamthiba mishingdu uraga kallakuganu nattraga makhoina toubagu-mna nakhoisu touge ningganu. 32 Maramdi Lainingthouna phattaba thabak toubasingdubu yengningde aduga achumba mishingbudi Ibungogi nakta punsinbi. 33 Phattabasingsi imung manungda Lainingthouna awaba tahanbini aduga achumba toubasinggi imungdubu kubibani. 34 Marin chumdaba mishingdu Ibungona pamde. Aduga nollukpasingbudi thoujanbibani. 35 Asingba mishingna ikaikhumnabagi mingthon phangbani, adubu apangba mishingdi touru touru khudingda ikaibata nangbani.