Nahum 1

1 Elkoshtagi hourakpa Nahumna Ninevehgi maramda shangshangna ukhiba saktamdu asini:

Ninevehgi mathakta Lainingthouna saoba

2   Ipuroi Lainingthouna singnabadu ubada tuminna leithoklo-i. Ibungogi mayokta leibasingdu awapham tahanbi. Ibungona saobadagi makhoi awapham taribani.

3   Lainingthoudi khangsao saogande, adubu panggal leiba Ibungo oiba maramna maral leirabasingdu lemna thadokte. Lainingthouna khongsanba matamda nonglei lak-i, Ibungona khongnetpham oiba maramna leichinna leiphun oiribani.

4   Ibungogi yathangdana ipak kanglibani, changjou turel phaoba kanghanbi. Bashan-gi loubuksing patthare, Carmelgi chingsu ikang kangle, Lebanan-gi leirangsingsu sikangnakhre.

5   Lainingthougi mangdadi ching phaoba makhol thok-i, chingdumsing phaoba soudokhalli. Lainingthouna taibang phaorakpada malemsi nikpani, taibang amadi masida leiribasing niktaba leite.

6   Ibungona saorakpa matamda kana hingani? Ibungogi changdamningngai leitraba asaobadu kanana meimutkani? Ibungona saobagi meiridu thok-hanbi, Ibungogi mangda chingdum soudok-i.

7   Lainingthoudi pukchel tappi, awaba taraba matamda Ibungona manaisingbu ngakthokpi, Ibungoda changjabasingdu Ibungona kanbi.

8   Ichaogi ichel akanbana humdokpagumna Ibungona yeknabasingbu manghanbi, Ibungogi mayokta leppasingdu asithenda tahanbi.

9   Lainingthougi mayokta nakhoina kari lalong sillibage? Ibungona nakhoibu manghallagani. Ibungogi mayota kanagumbana anirak leppa ngamde.

10 Sikanglaba tinkhang amadi akangba charugumna nakhoibu meida thadokkani.

11 Hey Nineveh, nangondagi thorakli Ibungogi mayokta leppa phatraba nupa ama. 12 Lainingthouna manai Israel singda asumna takpiri: Assyriansing mapanggal leirabasu amadi mashing yamlabasu makhoibu manghan-gani aduga masak uhallaroi. Eigi mishingsi eina wahallure adu-bu amuk hanna eina makhoibu wahallaroi.

13 Assyriadagi eina louthokkani aduga nakhoibu pulliba thouridu kakthatkani."

14 Lainingthouna Assyriagi matangda asumna takpiri: "nakhoigi naming ningsingnaba charon suron leiraroi. Nakhoigi laisinggi laishang manungda leiriba shaomsingdu tumna manghan-gani. Assyriasinggi mongpham ama eina semgadoure maram-di makhoi hingbada matik chadraba jatni."

15 Yengu, laibao puba nupa ama aphaba paojel puraduna loibi chingsangda lakle. Lan-ngamgani haina paojelsi pinaba laklibani. Hey Judahgi mishing, harao kumhei toujaro aduga nakhoina napukchel sengna katchagani lepkhiba athenpottu Mapugi khuyada katcharo. Phattabasingna nakhoigi leibakta landararoi. Makhoibu maru phangna manghallabani.