Joshua 8
I kouba lamdu laksinba
8 Eesor-na Joshuada haayrammi, "kiganu. ningba kaibasu touganu. Laanmisingdu nahaakakna chingduna chatlu. Makhoysi puraga Ai-da laandarunaba sem saaro. Nahaakki nakhutta Ai-gi ningthou, mahaakki leibaak, mising, adugaa saharnachingba loina pibirabani. 2 Jericho amadi masigi ningthouda nakhoyna toukhibagumna Ai amadi masigi ningthouda tougadabani. laangi manaa mathum oinaa purakpa yaaba potsingdi masigi manungda leiriba lal-thum amadi saa-san nachingbadani. Haayriba saharsida laandaba matamda maningdagi changu.
3 Joshuana mahaakki laanmisingga loynanaa Ai-da laandarunaba sem-sarammi. Joshuana mathouna leiba laanmi lishing 30,000 khandoklaga numidaangda thaarammi. 4 Mahaakna makhoyda haaykhi, "saharsigi maningthangba maaykeidagi taksingadabani 5 eigaa loynariba misingsina saharduda changgadabani. makhoyna eikhoyga mayo-knage haayduna laakpa matamda eikhoy tunglomda haanba taay. 6 Makhoy sahargi mapaanda loina thok-hanba loidriba phaaoba eikhoy tunglomda han-gadabani. makhoyna haaygani, "hannagumna makhoysi chelle." eikhoy makhoygi mamaang thaaduna chen-gadabani. 7 Matamsida nakhoyna lottuna leiriba maphamdudagi saharsibu laksin-lakkadabani. nakhoygi napuroi Eesor-na saharsi nakhoygi nakhutta taahanbigani. 8 nakhoyna saharsibu laaksillaba matungda saharsi tumna mei thaadok-kadabani. Yeng-u, Eesor-na tou haayba thabaktu eina nakhoyda yaathang oinaa piribasini." 9 asumna paaoutaak piraba matungda Joshuana makhoybu thaakhi. makhoyna lonna leigadouba maphamduda chatkhirammi. Ai-gi nongchup Bethelga lonnaba maphamduda thuptuna matam ngaaiduna leikhi. Joshuana ahing amadi laanmisingduga leiminnakhi.
10 Joshuana ayuk nganna houtatlaga mising thikhi. Israelgi ahansingga loynanaa mahaakna Ai-da laandarunaba khongsan-lammi. 11 Mahaakna loynariba laanmisingdu puduna sahardugi mamaanglomdagi changba houkhi. Ai-gi awaanglomda lokchap amaa yengduna laanban saakhi. 12 laanmi 5,000-na nongchuplomda Bethelgi manaakta matai nakna lumduna leihankhi. 13 Matou asumna makhoyna laanmising peiduna sem saakhi. ayaamba laanmi singna sahargi awaangda adugaa ateina nongchuplomda leihankhi. Joshua ahingduma tampaakta lenkhi. 14 Ai-gi ningthou amadi mahaakki misingduna Joshuagi laanmising ubada khonglei thuna Jordan-gi tampaaklomda haithaaraktuna laan thengnnaba thoklakkhi. Nongchupta maninglomdagi laandarakkadouriba laanmising lei haaybasidi Ai-gi ningthouna khnglamde. 15 Joshua amadi Israelgi misingna kiba saaduna chensinanarammi, 16 maramsina saharduda leiriba misingdu makhoyna chensinnaduna kouthoklammi. asum tannarakpana mameithangdadi sahardagi yaamna thaplammi. 17 Ai-da leiba nupaa loina thoktuna Israelgi laanmisingdubu tannakhi. adugaa saharduda nupaa amaa phaaoba leihoude. Laandarakpada ngaaknaba kanaasu leiramde.
18 Eesor-na Joshuada haayrammi, "nahaakki nakhutta pairiba tadu Ai-gi misingda langsillu. saharsibu nahaakki nakhutta taahanbigani. asumna Joshuana makhutna pairiba tadu sahardu tamna langsillammi. 19 Joshuana makhut hek thaanggatpada lumduna leiramba misingduna sahardubu laksinkhi. makhoyna thinthaba toudana sahardu mei thaakhi. 20 Matamduda Ai-gi misingna haanna yengba matamda makhoygi sahardugi manungda meikhu kakhatlakpa ukhi. Makhoy chen-pham khangkhide maramdi Israelgi misingna makhoybu amuk haanna tannara klammi. 21 Lamduda leiriba laanmisingduna sahardu khudum chn-khre adugaa ngamnamak mei thaare haaybasi khangkhi. Joshua amadi laanmi singna Ai-gi misingdubu haatpa houra klammi. 22 saharduda kanaagumba leihouba misingdu mapaan lomda chenthokrammi. Ai-gi misingdu Israelgi misinggi marakta choijaainana leirammi. maramsina Israelgi misingna makhoybu yaamna laaina haatkhi Makhoygi marakta kanaasu hingkhide. 23 Ai-gi ningthoudu hingna phaaraga Joshuagi manaakta purakkhi.
24 Ai-gi misingna Israelgi misingbu ahaanbada tannakhiba maphamduda handakti Israelgi misingna thanggi athouba mayada Ai-gi misingbu loina haatkhi adugaa Ai-da Israelgi mising laakkhi. Lemhouba mising phaaoba makhoyna loina haatkhi. 25 Numittuda makhoyna haatkhiba Ai-gi mising punna 12,000 surammi. 26 Ai-gi mising loina hattriba phaaoba Joshuana makhutna tadu Ai-lomda onsinhanduna leirammi. 27 Eesor-gi yaathang matung ennaa Ai-da leiba saa-san amadi lan thum-khata laan-gi manaa mathum oinaa khomlammi. 28 asumna Joshuana Ai-bu mei thaaduna utki mapei oihankhi. Ngasi phaaoba haayriba saharsi saagatpa ngamdri. 29 Joshuana Ai-gi ningthoudu Numidaang-waairam youdriba phaaoba u amada punduna thouri yaankhi. Numit taarakpa matamda Joshuagi yaathang matung ennaa udagi louthakhi. ningthougi asibaa masaadu makhoyna sahardugi thong changphamda hundokkhi. Masigi mathakta nung yaamna peiduna thamlammi. Haayriba nungsingsi ngasi phaaoba leiri.
30 Haayriba thoudoksigi matungda Joshuana Israelgi mapu ebungngo Eesor-da thounachingba katchanabagidamak Ebal chingda phaankhong amaa saakhi. 31 maasi Eesor-gi manaai Moses-na Israelgi misingda yaathang tourambadugi matung ennaa paangthok-khibani. Moses-na eramba puyada asumna eduna lei, "khutlai thaadaba phaankhong amaa sagadabani." makhoyna asigumba phan-khongda thou toukhi. Lamdaai sumdaaigi thounachingbasu haayribasida toukhi. 32 Israelgi misinggi maphamda Moses-na piramba puyadu makhutmakna erambani. 33 Eesor-gi areppa waasakki uronggi nakanda pareng ani thokna urongdubu pukhriba purohit singduda onsinduna Israelgi mising, luchingba-sing, phamnaaiba-sing, waayelba-sing, amadi saaidaangbasingna lepammi. Eesor-gi manaai Moses-na ehaan haanna Israelgi misingbu bor pigadabani haayrambadugi matung ennaa tangkhay amanaa Gerizim kouba chinggi mamaangda adugaa atoppa tangkhay amanaa Ebal kouba chinggi mamaangda leptuna leirammi. 34 Mathangda bor amadi saapki maramda eramba puyagi matang yaaonaJoshuana miyaamda paathokkhi. 35 Israelgi tilliba misinggi mamaangda Moses-na haayramba matung ennaa Joshuana paangthokkhidaba amatta leiramde. Haayriba mitinsida nupi, angaang amadi saidangba phaaoba amatta chittharamde.