Obadiah
WAAHOUDOK
Obadiah kouba laairik machasi Jerusalemna mikhutta taakhraba matung Christa poktringei chahi 586 Aduwaaigi matamda erambani. Jerusalem tubasida Judahgi matam shaangna yeknaba oiraklaba Edomna yaamna haraaokhi. Haraaobada nattana Judahda haijillaktuna makhoyna mapot machei munbikhi aduga yeknabashingbu tengbangkhi. Matamsida maaichou Obadiahna Edom amadi Israelgi yeknaba oiriba leibaakshingdu awaapham taagani haayna laaibao pirammi.
Hiram takpa
Edombu awaapham taahanba 1-14
Eeshorgi numit 15-21
1 Obadiahna shang-shangna uba. Eeshorna Edomgi maramda asumna taakpiri. Eeshorgi makadagi taajare waapaao eikhoyna maramduna jaatishinggi marakta paao chatpa amaa thaakhre. "Hougat-lu" eikhoy maagi mayokta laan tounanabagidamak hougatsi."
Eeshorna Edombu awaaba taahangani
2 Yeng-u, eina nakhoybu jaatishinggi marakta pik-han-gani,
nakhoybu shaathina khongaohanbigani.
3 Nakhoygi thamoida leijaba napalduna nakhoybu minamle, chinggi lokchapta leijaribasa,
awaangbada leipham oijaribasa, haayriba nakhoygi thamoida, ”kanaana eibu tampaakta puthabirakkadage?"
4 Nakhoy egal kouba uchekki matougu-mna waangna pairabasu, nakhoygi nahum thawaan-michakshinggi marakta sajarabasu eina, nakhoybu putharakkani haayri Eeshor.
5 Huraanbashingna nakhoyda laaklabasu, yum namthekpashingna ahingda changlaklabasu, nakhoybu kayaa thina makhoyna maanghallabage.
Makhoygi oknabadudagi henna makhoy huranloidaba nattra? angur mahei khobashing laaktunasu nakhoygi naphamda thamlamloidra makhoyna heiron kharata oirabasu?
6 Esau matou karamna shaathina toubikhiba, maagi lan thum pumbaa pithokkhiba.
7 Nakhoyna mari leinajaruba kaanglup pumbana nakhoybu minamle, makhoyna nakhoybu pantheng aroibada taanthokpire. Nakhoygi phamnaaibashingna nakhoygi mayokta leire. Nakhoygi thajaraba marupshingna nakhoybu phanaba lang thakli. Maasibu kanaanasu khangde.
8 Eeshorna taakpiri, adugumba numittuda eina Edomdagi ashingba mishingbu manghan taahalloidra?
Aduga Esau kouba loibi chingda leijariba ashingbadusu manghalloidra?
9 He, Teman nakhoygi akanbaashingdu toupham khangloi, Esau kouba chingdagi mi khudingmak mi haatpashinggi makhutta sihan-gani.
Edomna awaaba taabagi maram
10 Nakhoygi nachin nanaao Jacobta toukhiba tamthiba thabaktugidamak nakhoy ekaai sanggoi hanglagani. Nakhoy amuk hougatpa ngadana kakthatkani
11 Nakhoyna natheiduna lenjaba numittuda, lamlaanbashingna maagi lan thum puduna chatkhiba numittuda, miramgi mishingna maagi kharai laaksanba numit aduga Jerusalemgi maramda laaibak chaang yengnaba numittuda nakhoysu makhoygumlammi.
12 Touegumsung nakhoygi nachin nanaao marai chaithaarakpa matamda nakhoyna makhoygi mathak kabiroidabani. Judahgi mishinggi ningkhaairaba numittuda makhoy haraaopham thokte, awaaba taaraba numittuda yengduna nakhoy napan kabasu chumde.
13 Eigi mishinggi mang takpa matada nakhoy makhoygi thonggal changpham thokte, maagi awaapham taaba matamda nakhoy maagi mapot machei huranloidabani.
14 Magi michelshingbu haatnabagidamak laambel khaaynaphamda nakhoy leploidabani. Awaaba taaraba numittuda maagi eremkhakshingbu mikhutta laanthokloidabani.
Eeshorna Jaatshingbu awaaba taahanba
15 Yeng-u, jaat pumnamakki mathakta Eeshorgi numittu naksillakli. Nakhoyna toujakhibagumna masinasu nakhoyda tourakkani, nakhoyna toujakhiba thabakki mahei nakhoygi nathakta taagani.
16 Nakhoyna eigi ashengba chinggi mathakta yu ngaaokhibagumna, akoybada taariba jaat pumbaa yu thakkani. Makhoy yu thakkani aduga ngaochatnagani, adubu makhoy yu thaktabagumna tougani.
17 Zionda naanthokkhibashingdu leigani. Maramsina Zion ashengba ching oigani. Aduga Jacobki emung manungna makhoygi phangpham thokpa shaaruktu phangjagani.
18 Jacobki mayum meigum oigani, Jacobki yumsu meiri oigani, mahaakki yumdu meijaobi oigani makhoyna haayribashingsi mei thaagani aduga tumna maanghan-gani, Esaugi dhaaraada hinghouba kanaasu leiraroi, maramdi Eeshorna asumna taakpikhre.
19 Negevta taaba mishingna Esau kouba chingshaang phangjagani, Sephelda tabashingna Philistishinggi lam phangjagani.
Makhoyna Euphrate amadi Samariagi lamshing phanggani. Aduga Benjaminana Gileadki lam phangjagani.
20 Halda loi chatkhiba Israelgi mishingdunaPhoeniciadagi Zarephath phaaobagi lamdu phangjagani. Jerusalemgi mi loi chatkhiba Sepharadta leiribashingna Negevki saaharshing phangjagani.
21 Hinghoubashingduna Zion chingda kakhatuna Esau kouba chingbu waayen-gani, aduga haayriba lamdu Eeshorgi oigani.