Mark 4
Maru hunbagi paandam
( Matthew 13.1-9; Luke 8.4-8 )
4 Amukka ebungngona samudra mapaanda tambiba houre. Amasung ebungngo-da miyaam yaamna tillare, aduna ebungngona samudrada hida lengsinduna phamle; adugaa miyaam pumnamak aduna samudra mapaan kangphaanda leirammi. 2 Amasung ebungngona makhoyda paandam piduna waa yaamna tambirammi, amasung ebungngo-gi tambiba aduda haayrak-e; 3 Tao! yeng-u, maru hunba mi aduna hunba thoklakle. 4 adugaa asum thoklare, mahaakna asum hullakpada, maru kharana lambigi mapaanda taaraduna ucheksingna laaklaga maadu chaathokkhi. 5 adugaa kharana leibaak kayaa yaamna leitba nunglakta taay, amasung leibaak lunaa leitbagi maramna thuna hourakle; 6 aduna numit thoklakpa matamda maadu khuithare, amasung mara leitba maramna kangsu kangsille. 7 adugaa kharana tingkhang marakta taay, amasung tingkhang houraktuna maadu namhatle, amasung mahei paande. 8 Ateidi aphaba leibaakta taaduna mahei palle; houraktuna yaamkhatle, adugaa saruk kunthra, humphu, amasung chaamma phaaoba mahei paalli. 9 Amasung ebungngona haay, taananaba naakong paanba mahaak aduna tajaasanu.
10 Amasung ebungngona mathanta leiba matamda ebungngo-gi akoybada leibasingna taraanithoiga loynanaa paandamsing adu ebungngo-da hanglammi. 11 maaduda ebungngona makhoyda haay, Eesor-gi leibaakki athuppa waa nakhoyda pibirabani, adubu mapaanda leibasingda maram pumnamak paandam toubani; 12 aduna makhoyna amuk onsillakpa amasung makhoybu kokpiba yaai haayduna, makhoyna ubadi uraga waakhandi supta tadananabani, adugaa tabadi taaraga supkhang khangdananabani. 13 Amasung ebungngona makhoyda haay, paandam asi nakhoyna khangdraa? adunadi nakhoyna paandam pumnamak karamna kh-nggadage? 14 Maru hunba mi aduna waapaao adu hulli. 15 Amasung lambi mapaanda waapaao hunkhiba maphamda leiba makhoy adu asini; adugaa makhoyna taabada, seitaanna hek laaktuna, makhoyda hunkhiba waapaao adu louthok-e. 16 Adugumduna waapaao taabada haraaona hek lousinba makhoy adu nunglakta hunkhibasing asini; 17 Adumnadi oiraga makhoyda mara leitbana ngaaihaaktang khang-e; matungda waapaao asigidamak awaaba taaba nattraga ot-neiba phanglaba matamda, makhoyna thuna khudi thiduna tui. 18 Amasung ateising tingkhang marakta hunkhibani; makhoy asina waapaao adu taare haayraga, 19 Taaibang paanbagi waakhal, langi lounam amasung atei atei pamnaba changduna waapaao adubu namhatli, adugaa maadu mahei yaandaba oirak-e. 20 adugaa aphaba leibaakta hunkhiba makhoy adudi waapaao adu taabada loui, amasung saruk kunthra, humphu, amasung chaamma phaaoba mahei yalli.
Thaaoumeigi amasung marugi paandam
( Luke 8.16-18; Matthew 13.31,32; Luke 13.18,19 )
21 Amasung ebungngona makhoyda haay, thaaoumei adu makhong mathakta thamnaba nattaduna, thummuk makhaada nattraga kaangkhaada thamnanaba purakpraa? 22 maramdi phongdok-loidaba arotpa karisu leite, adugaa phongdok-loidaba athuppa karisu leite. 23 kanaagumbana taananaba naakong paallabadi tajaasanu. 24 Amasung ebungngona makhoyda haay, nakhoyna taari taariba adu cheksil-lu; nakhoyna olluriba chaang aduna nakhoydasu ollagani, hennasu pibigani. 25 maramdi areiba mahaak aduda pibigani; amasung leitba mahaak adudagi mahaakki leijaba adu phaaoba louthokkani.
26 Amasung ebungngona haayrak-e, Eesor-gi leibaak adu asigumbani, mi amanaa leibaakta maru hulle haayraga, 27 ahing tummi, nungthil hougatli, adugaa maru adu karamna houraktuna chaaorak-e mahaak-makna khangde. 28 leibaak masaana ahaanbada mayol, matungda chaarong, adugi matungda chaarongda heijing phaaba mahei palhalli. 29 touegumsung mahei adu mullabada, lokpa matam oire haayduna mahaakna thaanggol thaay.
30 adugaa ebungngona haayrak-e, Eesor-gi leibaak adu eikhoyna karamna chaangdam-nagadage, nattraga maadu eikhoyna kari paandamna utkadage? 31 hanggaam maru amaa leibaakta hullabada, leibaakta leiba maru pumnamaktagi henna pikpa oirabasu, 32 Hulle haayraga maadu hourak-e; amasung manaa-masing paambi pumnamaktagi henna chaaoraktuna achouba masa longthoklak-e, aduna atiyagi ucheksingna maadugi marumda mahum saarei , masigumbani.
33 Amasung makhoyna taaba ngambagi matung ennaa ebungngona waapaao adu makhoyda ayaamba asigumba paandamna ngaang-e; 34 adugaa paandam nattana ebungngona makhoyda ngaangde, touegumsung ebungngomakki sebok-singdadi lonna ebungngona pumnamak phongdokpire.
Jesus-na nong nungsit khambaa
( Matthew 8.23-27; Luke 8.22-25 )
35 Numit aduda numidaang oiraklabada, ebungngona makhoyda haay, eikhoy waangmada laanthoklasi. 36 Amasung miyaam adubu thanamduna, makhoyna hida asum leiramba ebungngobu makhoyga loynanaa pure, adugaa atei hisingsu ebungngo-ga loynanaa leirammi. 37 Amasung akanba nong-nungsit laaktuna, eethakna hi adu yeire, aduna hi adu than-gadoure 38 adugaa ebungngodi hiruda leiduna monda tumlammi; amasung makhoyna ebungngobu houdoktuna haayjei, oja, eikhoy manglibasi ebungngona thouoi biroidraa? 39 maaduda ebungngona lengkhatlaaktuna, nungsit adubu khamjillaga samudrada haayrak-e, tapthou! tuminna leiyu! adugaa nungsit adu tokkhiduna, yaamna tapthakhre. 40 Amasung ebungngona makhoyda haayrak-e, nakhoyna kiriba karigino? houjik phaaoba,thaajaba leitribra? 41 adugaa makhoyna thoidokna kiraduna, amaaga amaga haaynarak-e, adunadi nungsitnasu samudranasu elliba ebungngo asi kanaano?