2 Samuel 1

Shaul nongare haaybagi paao Davidna taba

1 Saul shiraba matungda Davidna Amalekshingbu maaythiba piraga hallakkhi amasung Ziklagta numit nini leikhi.

2 Humnishuba numitta Saulgi laanbandagi nupaa amaa maphi shegaairaduna makokta uphun hapkatladuna Davidki manaakta laaklammi. Nupaaduna Davidki manaak hek yourakpa matamda leimaayda tutharaduna Davidpu khurumjarammi.

3 Davidna maangonda haayrammi, “nahaak kadaaydagi laakpano?"

4 Nupaaduna haayrammi, "eikhoigi laanmishingdu laanphamdagi chellammi aduga ayaamba laanmi pumbaa sirammi. Saul amadi machaanupa Jonathan anisu ngamnamak shire."

5 Davidna nupaaduda hanglammi, "Shaul amadi Jonathan shire haaybasi nahaakna matou karamna khangbage?"

6 Nupaaduna khumlak-e, "eihak Gilboa kouba chingduda chatlammi. Maphamduda Saul tagi machinda yeisinduna leiba eina thengnakhi. Dolai amadi shagol laanmi shingna mahaakpu yaamna kanna tannarammi.

7 Mahaakna yengthorakpa matamda eibu ukhi. Mahaakna koirakpagi matung ennaa manaakta changshinkhi.

8 Mahaakna matamduda eingonda hanglammi, “nahaak kanaano"? Eina maangonda khumkhi. "eihak Amalek amani."

 9 Mahaakna eingonda haayrammi, “eigi nakanda leppu aduga eibu haatlu. Eihaak thawaaydi leirabasu meichaaksi khaangbada yaamna waare."

10 Maramsina eina mahaakpu haatkhi. Maramdi mahaakna tuduna leiramliba phibhamduda amuk mapaanggal kallakani haaybasi eihaak thajaramde. Mahaakki makokta thollamba luhup aduga paambomda pharamba paambom phabidu louraga ebungngogi manaakta puduna laaklibasini."

11 Maasi taabada Davidna maphi shegaairaduna nungaaitaba phongdokkhi. Maphamduda tillamba mishingdunasu mahaakna toubagumna toukhi.

12 Makhoyna Saul, machaanupa Jonathan amadi Eeshorgi mi oiriba Israelgi maramgidamak tengthaarammi maramdi laanphamduda shikhiba mishing thoidokna yaamlammi. Numidaang-waairam phaaoba makhoy chara henkhi.

13 Paao puduna laakkhiba nupaaduda Davidna hangkhi, “nahaak kadaaydagi laakpano?"

nupaduna khumlammi, "eihak Amalekki mini adubu ebungngogi mishinggi marakta matam kuina leijarakrabani."

14 Davidna makha taana hanglammi, "nahaakna matou karamna Eeshorna thaao noiraba amagi mathakta nakhut thaariba?

15 Maasi haayraba matungda Davidna mahaakki mi amaa kouraga haayrak-e, “nupaasi haatlu." Yaathang phanglaba nupaaduna chongsinkhiduna Amalektubu haatkhi.

16 Davidna Amalektuda haayrammi, "thoklibasi nashaana sinjabanido." Eeshorna ningthou oinaba haayduna khandoklaba amabu nahaakna haatpani haayna nashaana jaban pibadagi ngasi nathawaay manglibani."

Shaul amadi Jonathan-gidamak Davidna tengthaaba

17 Saul amadi Jonathan shikhibadugi matangda Davidna tengthaaronsi saakhi amasung

18 Judahda leiba mishingda tengthaaronsi tambigadabani haayna yaathang toukhi. (Haayriba tengthaaronsi Jasarna eba laairikta yaaori)

19 “Israelgi chingshinggi matonda eikhoygi luchingbashing shire. Eikhoygi laanmishinggi mathouna leitre.

20 Waaphamsi Gathta haayrunu, Askelongi lambi lamkhangdasu laaothokkanu, maasi taaba matamda Philistishingna nungaaigani, un kaktabashinggi mamomloishingnasu haraaogani.

21 “He Gilboagi chingshaang, nahaakki nathakta liklaa nattraga nong marik amaa phaaoba tadaba oisanu. maasida leiriba loubukshingdu leikangla oikhisanu, maramdi athoubaashinggi chunggoidu maphamduda kemkhi. Saulgi chunggoidu maphamduda thaao noikhide.

22 Jonathanna paikhiba lirungdu kandaba natte, Saulgi thaangduna kanaagi maphamda thoujaan utkhide, akanbaashingbu yeikhaaikhi, yeknabashingbu loisinkhi.

23 “Shaul amadi Jonathan kayagi matik nungshinaba, shiba changba animakta thaadoknaba leikhide, achouba uchekna paaybadagi makhoyna yaangba helli, makhoydi nongshadagi henna kalli.

24 “Israelda leiribi nupishing, Saulgidamak tengthaajou, nakhoybu mahaakna memanaba phina leitengbikhi, nakhoybu mahaakna sanaa amadi mani muktana leitengbikhi.

25 “Thouna leiraba laanmishing laanphamda loina ture, laanphamda makhoybu haatkhi. Jonathansu loibi chingshaangda tuduna leiri.

26 He Jonathan, nahaakkidamak khanbada eihaak thamoisi kaire, nahaak epa amattana pokpaa echin-enaaogumbani, nahaakpu eina kayagi matik nungshikhiba, nahaakpu eina nungshibadu thaaduna loiba naairoi, kanaagumba nupi amabu nungshibadu nahaakpu nungshibaduga paandam oiba yaade.

27 “Thouna leiraba laanmishingdu loina ture, makhoyna pairamba khutlaishingdu mangkhre amadi kannaadre."