Ezekiel 45
Lam yenbada Eeshorgi shaaruk
1Nakhoyna chaakthung oinaa lamsi yennaba matamda Eeshorgi oinaa feet 37,500 sangba feet 30,000 paakpa ashengba mapham amaa khakkadabani. Haayribasi thungna ashengba maphamni haayna lougadabani.
2 Haayriba lamsida feet 750 sangba amadi paakpa feet 750 Ningnashanggidamak thamgadabani. Masigi akoybada feet 75 paakpa amaa ekoy koyna thamgadabani.
3 Haayriba ashengba maphamsida feet 37,500 sangba, feet 15,000 paakpa maphamduda ningnashang shaagadabani. Haayribasina Khwaaidagi shenglaba maphamdu oigadouribani.
4 Lamdugi Khwaaidagi shenglaba maphamdu masina oigani, maasida seba chatliba ningnashangda leiriba purohit shinggi oinaa thamgadabani. maasida makhoyna Eeshorda seba tattana tougadabani. maasida makhoygi mayum sagani. Maphamsida ashengba ningnashangdusu shaagadabani.
5 Atoppa feet 37,500 sangba aduga feet 15,000 paakpa mapham amasu khaaydokkadabani. maduda Levishing ningnashangda seba changlibashingdu leinaba mapham oinaa pigadabani.
6 Ashengba mapham oinaa nakhoyna khaaidokliba maphamdugi manaakta feet 7,500 Aduga feet 37,500 sangba amaa mi taanaba mapham oinaa thamgadabani. Haayriba maphamsi Israelgi mishinggi oigani.
Ningthou machaashinggi lam
7 Ashengba maphamsigi akoybada leiriba lamdu ningthou machaashinggi oigani. saaharsigi mi taanaba maphamdugi akoybada lairiba maphamdusu makhoyda pigadabani. ashengba mapham amadi mi taanaba maphamdugi akoybada nongchup amadi nongpokta chingda leiba jaat amagi lamgi maraak mayunga maannana nongchupki ngamkheidagina nongpokki ngamkheidu youba phaaoba makhoyda pigadabani.
8 Ningthou oigadouribaduda haayribasi pigadabani. Eigi ningthou machaashingduna eigi mishingbu otpa yaaroi. Makhoyna Israelgi jaatki matung ennaa lamdu yenbigadabani.
Ningthou machaashinggi lichat
9 Eeshorna asumna taakpiri: okle, he Israelgi ningthou machaashing, tamthiba amadi ot neibadu thaadoklo. ashengba amadi achumbadu touro. Eeshorna taakpiri eigi mishingbu nakhoyna laakchana toubadu thaadoklo.
10 Arum ayaang mannaba khan paigadabani. Louthup loukoi leitraba ephah amadi kanggan paigadabani.
11 Ephah amadi kanggandu chaang amatta oigadabani. Kanggan amadi ephah amam-mamda Homer amagi taraa thokpagi amam-mamga mannagani. Homarsi mayaamna chatnaba chaangda leihangadabani.
12 Shekel amada gerah kun oigani. Shekel 60 na Maneh amaa oigani.
13 Makhoyna katkadaba thougi potshinggi changdi: makhoyna phanglakpa mahei maronggi sharuk taruk thokpagi amaa katkadabani.
14 Kanggan taraa chanba homer amaaga mannaba thaao cor amada kangan taraa thokpagi amaa pigadabani.
15 Yaao 200 leirabadi yaao amam-mam pigadabani. Haayribasi Israelgigi mi khudingna tougadouribani. Haayribashingsi mahei marong, meida thaaduna katkadaba potshinggi chang, lamdaai shumdaai oinaa tougadaba thougi changshingni kattuna Makhoygi damak thou toubigadabani. Masimak Eeshorna taakpiriba waaphamni.
16 Leibaaksida leiriba mishingna haayriba thoushingsi Israelda leiriba ningthou machaashingda kaagadabani.
17 Ningthou machaashinggi mathoudi haayriba mahei maronggi thougi potshing, meida thaaduna katkadaba potshing, thaaknaba pot katlakpashingdu usob thokpa matam thaa pankhatlakpagi, potthabagi usob, amadi Israelgi mishingna khan-gatlaba usobshingda puthokkadabani. Israelda leiriba mishinggi damak shengdoknaba thou touba matamda mahaakna aran thou, mahei maronggi thou, lamda shumdaaigi thounachingba toubada puthokkadabani.
Haraopung kaba
(Khong 12:1-20, Litchat 23:33-43)
18 Eeshorna asumna taakpiri: ahaanba thaagi nongma panbada nahaakna ashoy angaam leitraba san amaa louraga ningnashangdu shengdokkadabani.
19 Purohit shingduna aran thou ee khara louraga ningnashanggi thongjinda teigadabani. Phaankhonggi machingi chidai maridasu teigadabani. Manung thangba kagi sannathonggi yumbishingdudasu teigadabani.
20 Haayribasi thadugi taretni paanba numittasu kanaagumba araanba thabak nattraga khanghoudana araanba thabak toukhibashingdugidamak toubigadabani. Matou asumna nakhoyna ningnashangdu shengdokkadabani.
21 Ahaanba thaagi taraamarini paanba numitta nakhoyna araan-chaakkhanggadabani. Numit taretni chupnaa nakhoyna mayaai kadaba tal chagadabani.
22 Adugumba numittuda ningthou machaaduna mashaagi amadi Israelgi mishinggi oinaa sanlaba amaa aran thou oinaa katnanaba pigadabani.
23 Usobsigi taretni shubaa numitta Eeshorgi khuyaada meida thaaba pujagi potlam oinaa ashoy angaam yaaodraba san-lamcha taret, yaao machaa taret katkadabani. Haayribasi numit taretni chupnaa katkadabani. Aran thou oinaa haameng laaba amaa katkadabani.
24 Mahei maronggi thou oinaa san amagi matung ennaa mahei marong kilo 9, choruphongi thao chaorakna liter 4 Katkadabani ,aduga yaao amadugisu masiga chap mannana pigadabani.
25 Taretshuba thaagi taraamangani paanba numitta laakkadouriba numit taretni tougadouriba usobtudana mathakta haaykhiba gumna mahaakna aran thou, meida thaaduna tounanaba thou, amadi mahei marongnachingba kattuna tougadaba thougi potshingdu pigadabani. Mahaakna thaosu pigadabani.