Hebrew 1

Hebrewshingda eba laairik

Waahoudok Eeshorgi machaanupadi swargadut shingdagi, Thoihenbani

1 Adungeida Eeshorna epa epushingda waa taakthokpa shinggi mapaanna machet machet oinaa amasung tongaan-tongaanba mawong oinaa haaykhiduna,

2 Numit shing asigi aroibada eikhoyda machaanupagi mapaanna haaybire; ebungngobu pot pumnamakki yumlepchara oihanbire, ebungngogi mapaannasu taaibang paanba makhei shembire;

3 Ebungngona ebungngo mahaakki matik mangaangi arangba matou amasung ebungngo mahaakki maru oibagi mashakmak oiduna, aduga ebungngogi paanggalgi waaheina pot pumnamakpu ngaakpiduna, Ebungngona paap makhei shengdokpinaba toubiraga, waangthoiraba maphamda matik mangaan chaaoba adugi yet-thangbada phamle;

4 Ebungngona swargadut shingdagi thoihenna phaba ming phanglaba adugumna makhoy adudagi adup henna phaba oirakle.

5 Maramdi ebungngo mahaakna karigumba matamda swargadut shinggi maraktagi kanaada haaykhibano, haaybadi nahaakti eigi echaa-nupaani, ngasi eina nahaakpu pokpire? aduga amukka, eidi maangonda mapaa oigani, amasung mahaakti eingonda echaa-nupaa oigani?

6 Amasung haanna pokpaa adubu ebungngo mahaakna Amukka taaibang-paal manungda pusinbirakpa matamda, ebungngo mahaakna haay, amasung Eeshorgi dutshing pumnamakna ebungngobu khurumsanu.

7 Aduga swargadut shinggi maramda ebungngo mahaakna haay, ebungngo mahaakna mahaakki dutshingbu nungshit, aduga ebungngo mahaakki thougan touribshingbu meigi meiri oihalli.

8 Touegumsung machaanupagi maramda haay, ebungngogi phambaaldi, he Eeshor, loyba naide, aduga achumbagi sanaacheidi Ebungngona paanba leibaakki sanaacheini.

9 Ebungngona dharma chenba nungshire, amasung waayel chattaba tukkachaare; matam aduna Eeshorna, ebungngogi Eeshor adu, ebungngogi mapaangshingdagi hendokna, ebungngoda haraaobagi thaao heibire.

10 Aduga, he Eeshor, Ebungngona ahaanbada Prithibigi makhong houbire, amasung atiyadi ebungngogi khutki thabakni;

11 Atiya mangkhigani, adubu ebungngodi lengdana leibani; amasung madu pumnamak phijetna manbagumna maanggani,

12 Amasung ennaphi gumna Ebungngona madubu thupchin-gani, phijetkumna madubu sinsu sin-gani. Adubu ebungngodi adum lei, aduga ebungngogi chahidi loiroi.

13 Toigumbasung swargadut shinggi maraktagi kanaada ebungngo mahaakna karigumba matamda haaykhibano, haaybadi,

Eina nanggi yeknabashingbu nakhonggi khutnet oihandriba phaaoba eigi yetta phammu?

14 Makhoy pumnamakti araan khubam phanggadouribashinggi maramgi damak thougan tounanaba thaariba, thougan touriba thawaay shing nattra?