1 Samuel 2

Hannahna haayjaba

2 Hannahna asumna khuraumjarammi, " Eesor-na eigi thamoisi mapaan naaidana nungaaihanbire, ebungngo mahaakna eingonda kubikhibadugi matung ennaa eihaak kayaada nungaairaba.

    Eigi yeknaba-singbu eina noknaba ngammi, maramdi Eesor-na eibu kayagi matik tengbangbiraba.

2 "Eesor-gumna sengba kanaasu leite, ebungngo-ga mannaba kanaasu leite, eikhoygi Eesor-gumna ngaakpiba ngamba kanaasu leite.

3 napangi waangaang thaadoku, napan touna ngaanglibadu ngaangganu, maramdi Eesordi ekhang khangbiba mapuni, ebungngodi misingna touriba khudingbu chaang toubiba ngamba mapuni.

4 Paanggal leibasinggi lirung thudekpa ngambani, asonbasingbu mapaanggal happibasu ebungngona ngammi.

5 Waatta paadabasingdu matam amada chara amaa phangnaba minaai oire, adubu Aaram khouraanglambasingdu thoidokna thal-hanbi. Machapoktabi kanaagumbi nupi-singdu machaa phanghanbire, adugaa machaa-nupaa taret pokpasingduna machaa amatta leihande.

6 Eesor-na kharagi punsi lousinbi adugaa kharagina sangdokpi, ebungngona  taaibang misingbu asiba-singna leiba maphamduda thabi adubu makhoybu ebungngona amuk hannah pubirakpa ngammi.

7 Eesor mahaakna sinbiba matung ennaa kanaagumbana lairei adugaa kanaagumba mina enaak khulli. ebungngo mahaakna mi kharabu nollukpa mi oihanbi adugaa kharabuna mithoi mihenba oihanbi.

8 Khuya uphunlaktagi kharabuna ebungngo mahaakna chingkhatpi, Laairaba-singbu waatta paadahande. ebungngo mahaakna adugumba mi singdubu ningthou machaasinggi marup oihanbi, adugaa konungsingda makhoybu leihanbi. maalemsibu puriba chingaktu Eesor-na sembani, maadugi mapaanna ebungngona maalemsibu thambiribani.

9 ebungngobu thaajaba misingdu ngamnamak ngaakpi senbi, adubu phattaba-singdudi amaambada manghanbikhi. mioiba haaybasi mapaanggaltana hingba yaade.

10           Eesor-na yeknaba-singdu tumna maanghan-gani, nongmadondagi makhoygi mathakta ebungngo khek laorakkani. maalemsi thungna Eesor-na waayelbigani, ebungngo-gi mingda ningthou oiribasingda mapaanggal haappigani, ebungngona  khandoklaba ningthoudu maay paak-han-gani.

11           Masigi matungda Elkanah Ramah taanna hankhi adubu angaang oiriba Samueldi Silohda leiriba Eesor-gi ningna sangda leiduna ebungngo-gi seba tounanaba Eliga leihouwi.

Eligi machaa-nupaasing

         12 Eligi machaa-nupaasingdu thoidokna matik chadabasing oirammi. makhoyna Eesor-bu kina chatlamde. 13 makhoyna purohit singgi chatnabidusu ngaakna chatlamde. Chatnabigi mayokta makhoyna touribadi kanaagumba mina thou kat chaaraba matamda purohitki manaaiduna machin ahum phangba chegap amaa pairaga 14 saa thongliba patraduda lupsinkhiba matamda yaorakpa saasingdu purohitki oihallammi. Israelgi mising Silohda thou paangthoknaba laakpasingduda haayribasi tourammi. 15 Masigisu mathakta matong oiba saadu louraga meida thaaduna kattho-kpa puja toudringeida purohitki manaai singduna laaklaga thou katchariba nupaaduda asumna haayrammi, "purohitkidamak taaoduna pijanaba saa khara piyu. Purohitna thonglaba saadu louningde. mahaakti thongdriba sadukhakta louwi."

         16 Karigumba nupaaduna asumna haayraklabadi: niyamgi matung ennaa meida thaaduna haanna puja toukhisi adugaa nahaakna apaamba saa makhei louba yaai. Masida purohitki minaaiduna haaygani: maadu yaade. houjikmak pigadabani. Karigumba nahaakna eina phajanaa haairingeisida pidrabadi, namduna lougani.

         17 Eligi machaa-nupaasingna asumna laanna touribasi Eesor-gi mityengda thoidokna achouba ngaakpiba yaadaba maraal amaa oirammi. makhoyna Eesor-gi maphamda katliba thoudu thoidokna ekaai khumlamde.

Samuelna Silohda toukhiba

         18 Cheiraksida angaang oiriba Samuelna amonba achonba phi amaa setlaga Eesor-gi seba tourammi. 19 mahaakki mamaana mapuroibaga loynanaa chahigi oinaa thou touba chatpa matamda phurit machaa amaa tubiduna chahi khudinggi pubirammi. 20 Matamsida Elina Elkanah amadi mahaakki nupibu bor piraduna haayrak-e, "nakhoyna Eesor-gi maphamda katliba angaangsigi mahut sinnaba Eesor-na nakhoygi naphamda atei angaang-sing pok-hanbiba oisanu."

 Masigi matungda makhoy mayumda hankhi.

         21 Eesor-na Hannahbu kubirammi maramsina mahaakna machaa-nupaa ahumga nupi aniga pokkhi. angaang oiriba Samuel Eesor-gi seba touna touna chaaora klammi.

Eli amadi mahaakki machaa-nupaasing

         22 Matamduda Eli yaamna ahan oira klammi. Israelgi misinggi maphamda machaa-nupaasingna touribadu mahaakna taarammi. makhoyna mitin-sanggi changphamda seba touduna leiribi nupi-singga phidinnabanachingba pumnamak tourammi. 23 maramsina mahaakna makhoyda haayrammi, "nakhoyna asigumba thabaksi karigi touribano? nakhoyna touba phattaba thabaksinggi maramda misingna haaynabadagi eina taare. 24 Natte, echaa-sa, Eesor-gi misingna nakhoygi maramda ngangnaribasi taabada eihaak thoidokna nungaaite. 25 mi amanaa mi amagi maphamda araanba tourabadi Eesor-na ngaakpiba ngambani. adubu kanaagumba mi amanaa khngna khngna Eesor-gi mathakta araanba tourabadi kanaana waakheigani. makhoyna mapaana haayriba waadu manaada hapkhide. Eesor-na makhoybu sihallage ningkhi.

 26 angaang oiriba Samuel chaaoraklam-mi. Eesor amadi misingna mahaakpu thoidokna nungsibirammi.

Eligi emunggi mathakta laakpa laaibao

         27 Maichou amaa laaklaga Eesor-gi laaibaodu Elida haayrammi, " Eesor-na asumna taakpiri: Pharaohgi makhaada Egyptta leiringeida Ei Isamakna nakhoygi napaa napusingda sak khanghanbikhi. 28 Israelgi Jaatsinggi maraktagi nahaakpu eigi purohit oinaba haayduna Eina nahaakpu khandokkhi. eigi phan-khongduda changduna dhup thaaduna seba tounanaba adugaa eigi emangda changduna achonba phijet settuna seba tounanaba nahaakpu khandokkhi. Eina thoududa purakpa potsinggi saruk nakhoyda khaaibikhi. 29 adu oirabadi eingonda katlaba thousingduda nahaakna karigidamak namit karamlibano? eigi mi oiriba Israel-singna katlariba pujagi Khwaaidagi machang oiba saruktu namduna louraga nasadu thakle. adugaa nachaasingbu eingondagi henna waangna thaanggatli. 30 maramsina Israelgi Eesor-na asumna taakpiri: Duttuna waasaktuna haaykhi nahaak amadi nahaakki emunggi misingna matam leibada eigi purohit oiduna Eibu seba touhn-gani houjikti eina nahaakki naphamda haaykhiba waadu ngaklaroi. Eibu kina lunaa toujabasingdu thoujanbigani adugaa Eibu thaoidabasingdu Eina thoujanbiroi. 31 Taro, houjikti, nahaakki emung manung amadi nahaakki saageigi manungda leiriba nahasingbu haatkadaba matamdu laakle. Makhoy ahan matam phana leihalloi. 32 Israelgi atei misingda bor chaaona eina piba matamda nahaakna sor phuina honduna mihou chaaona yengduna leigani. adubu nahaakki emunggi misingdi ahan matam mapung phaana leihalloi. 33 adubu nahaakki saagei-dagi thorakpa kanaagumba amabudi eigi seba tounanaba khakkani. adubu haayriba nupaadusu mamit tanghan-gani adugaa asa leihalloi. Nahaakki saageigi mising loina nungaai yaaiphaba maongda sihalloi. 34 Nahaakki nachaa-nupaa Hopni amadi Pinehasna nongmatada punna siba numitta eina haayriba-singsi soidrabani haaybadu nahaak khanggani. 35 eigi seba ningthijana tougadouba purohit amaa khn-gani. Khn-gani eigi ningba pumnamak paangthokkadouba purohit amaa Eina adugumba nupaadugi maroi manaao tahan-gani maramdi eina khandoklba ningthoudugi mapaanna mahaakna eigi seba tougani. 36 Nahaakki nachaasingduna adugumba nupaadugi manaakta chatlaga peisa nattraga chaanaba talnachingba niba laakkani. makhoyna haaygani: "chak chara amatta oirabasu phangjanabagidamak seba changba yaohanbiyu."