2 Chronicles 36
Judah-gi ningthou Joahazna paanba
(2 Ning 23.30-35)
36 Lamduda leiriba misingduna Josiahgi machaa-nupaa Joahazbu mapaagi mahut sinduna Jerusalemda ningthou oihankhi. 2 Joahazna ningthou oiba matamda chahi kunhumdoi surammi. Mahaakna Jerusalemda thaa ahum pankhi. Egyptki ningthouna mahaakpu Jerusalemgi phambaaldagi louthokkhi. Egyptta loipot oinaa sanaa kilo 34.5, amasung silver kilo 3450 piba taarammi. Egyptki ningthouna mahaakki manaao-nupa Eliakimbu Judah amadi Jerusalemgi ningthou oinaa khallammi adugaa mahaakki maming Jehoiakim haayna thonkhi. Necona mahaakki mayaamba Jeho-ahazbu Egypt taanna bandi oinaa puduna chatkhi.
Judah-gi ningthou Jehoiakim
(2 Ning 23.36-24.7)
5 Jehoiakimna ningthou oiba matamda chahi kunmanga surammi. mahaak Jeru-salemda chahi kunmanga pankhi. mahaakki Mapuroi Eesor-gi mityengda aphaba thabaksingdu mahaakna toukhi. 6 mahaakki mathakta Babylon ningthou Nebuchadnezzarna laandarakkhi. adugaa mahaakpu Babylonda bandi oinaa yotling chanduna pukhi. 7 Nebuchadnezzarna Eesor-gi ningna sangda leiriba patrasingdugi maraktagi khara Babylon taanna pukhi. adugaa haayriba-singsi Babylon-gi konungda thamkhi. 8 Jehoiachinna toukhiba thabaksing, aphaba amadi phattaba Israel amadi Judah-gi ningthourongi laairikta eduna lei. mahaakki mahutta manaao-nupa Jehoiachinna ningthou oiduna pankhi.
ningthou Jehoiachin
(2 Ning 24.8–17)
9 Jehoiachinna ningthou oiba matamda chahi nipaan surammi. mahaak Jerusalemda thaa ahumga numit taraani pankhi. Mahaaksu Eesor-gi mityengda phattaba thabaksingdu toukhi. 10 Chahigi basanta hougatlakpada Nebuchadnezzarna mi thaaduna mahaakpu Babylonda puhallakkhi. Masida mamal yaamlaba Eesor-gi ningna sangda leiriba patrasingdu yaaonapukhi. mahaakki mayaamba Zedekiahbu Judah amadi Jerusalemgi ningthou oinaa hapkhi.
Judah-gi ningthou Zedekiah
(2 Ning 24.18–20, Jer 52.1–3)
11 Zedekiahna ningthou oiba matamda chahi kunmathoi surammi. mahaak Jerusalemda chahi taraamaathoy paallammi. 12 mahaakki Mapuroi Eesor-gi mityengda phattaba thabaksingdu mahaakna toukhi. Eesor-gi laaibao piriba maichou Jeremiahgi mamaangda mahaak kok nonkhide.
Jerusalem tuba
(2 Ning 25.1–21, Jer 52.1–3)
13 Zedekiahna ningthou Nebuchadnezzargi mathakta laan houkhi. Mahaakpu Nebuchadnezzarna Eesor panduna waasakhankhi. Israelgi mapu ebungngo, Eesor-gi makada mangak chaaoba, lousing phattaba maramna changjakhide. 14 singthaanaba yaraba purohit amadi miyaam pumnamak phattaba lamchat chatlammi. atoppa jaatki lamchat enduna makhoyna ebungngo masakmakna sengdokkhraba Eesor-gi ningna sangdu mangthokkhi. 15 Makhoygi mapaa mapugi Eesor-na makhoyda atatpa leitaana dutsing thaarakkhi. maramdi ebungngo-gi mising amadi ebungngo-gi asengba ningna sangbu nungsirammi.
16 Eesor-na thaarakpa misingdubu makhoyna noknakhi. mahaakki waasingdubu tabikhide. adugaa mahaakki maichousingdubu makhoyna thina toubikhi.
Mameithangda mangtaklaba phaaoba makhoyna Eesor-gi asaaobadu laaknanaba kaihoukhi.
17 maramsina mahaakna makhoygi mayokta Chaldenisinggi ningthou thaaraktuna makhoygi nupi angaang loina ningna sangda thangna kaktuna haatkhi. nupi angaang amadi ahan khaktana minungsi utkhide. Makhoy pumnamak ningthoudugi makhutta taakhi. Babylon-gi ningthouna ningna sangdubu lut toukhi. Masiga loynanaa ningthougi langei, phamnaaiba-sing amadi misingnachingbagi lan thumsing munduna pukhi. 19 Mahaakna laandarakpasida ningna sang mei thakki adugaa masida sahardusu yaaonameina chakkhi. sahargi akoybada sariba chekpandusu thugaaykhi. 20 Hinghouriba mi pumnamak mahaakna Babylonda bandi oinaa pukhi adugaa makhoygi machaasingdu mahaakki minaai oinakhi. maasi Persia-gi ningthouna laandaraktriba matam phaaoba leikhi.
21 Maichou Jeremiahna haaykhiba "chahi 70 chupnaa leibaaksi leikanglagum leigani, leibaak miyaamna endraba Araan-chaak-khangbadu masida saklagani haaybadu thoudoksini haaynakhi.
Cyrusna Jewsingbu hallaknaba yaathang pikhiba
(Ezra 1:1-4)
22 Persia-gi ningthou Cyrusna paanba ahaanba chahida Eesor-na maichou Jeremiahda haayhankhibadu chumna thokle. ebungngona Cyrusta ensinduna mahaakki leibaak thungna makhaagi yaathangsi touhankhi: 23 "Persia-gi ningthouren Cyruski yaathang: Koirouthakta ngaanthoiriba mapu ebungngo Eesor-duna Eibu taaibang maalemsigi ningthouren oihanbire adugaa Judahda leiribasingda Jerusalemda ebungngo mahaakki minglengidamak ningna sang amaa sananaba thoudang pinabire. maramsina houjikti Eesor-gi misingni haayna khangnaraba nakhoy pumnamak maphamduda hallo adugaa napuroi Eesor-na nakhoybu matam leibada loinabiba oisanu."