Psalm 81

Kummei amaaga mari leinaba Laison

1 Eikhoibu ngaakpiriba Eeshorgi khuyaakhaada haraao eshei sakchou, Jacobki Eeshordugi maphamda thaagat eshei sakchou.

2 Jantra khonglo, pung yeiro, khonggatlo pena amadi pena.

3 Kummei toubada pung yeiro, thanil laakpa matamda paangthoklo kummeidu.

4 Israelgi manungda chatnagadouba niyamdu asini. Jacobki Eeshorgi yaathangni.

5 Egyptpu Ebungngona maaythiba piba matamda, yaathangsimak Israelgi mishingda Ebungngona pibikhibani. Mashak khangdaba khonjen amanaa haayri,

6 "Narengbanda puramba potlumdu eina louthokpikhi, chek puduna awaaba khanglambadu thangdabikhi.

7 Nakhoyna awaaba taaraba matamda eingonda haayjarakpadagi nakhoybu kanbikhi, nonglei nungshit marakta leirambadagi nakhoyda paaoukhum pibikhi, meribahgi eephut leiribaduda nakhoybu eina chaang toukhi.

8 Eigi mini haayna leiribashing, eina haayribasi taro, he Israel, eina haayribasi taro.

9 Nakhoyna laimang khurumloidoubani.

10 Egypttagi nakhoybu puthorakkhiba napuroi Eeshordu Eini. Naya kathok-u amasung eina chaanaba enbigani.

11 "Adubu eigi mishingsina eina haaybadu tade, Israelna eina haaybadu elloi,

12 Maramsina makhoygi phattaba lamchattu thaadokhan-de, makhoyna touningbata touhalli.

13 Eigi mishingsina eina haaybadu taramlabadi, makhoyna eina haayba khuding paangthoklamlabadi,

14 Eina makhoygi yeknabashingdu maanghallamgani, makhoygi yeknaba pumbaa maaythiba piramgani.

15 Eibu tukkachaba mishingdu kiraduna eigi maangda makok nongani, makhoygi mathakta pigadouriba awaaphamdu amuk louthokloi.

16 Adubu nakhoybudi eina aphaba gehu pibigani, masiga loynanaa lamlaktagi phangba khoihisu pigani.