Psalm 27

Thagat eshei

1 Mangaan amadi aran-khubhamdu Eeshorni, maramsina eina kanaabusu kirude. Eeshorna eigi punsisi ngaakpiri, maramsina eina kanaabu kirude.

2 Phattabashingna chensinlaaktuna eibu haatnaba hotnarakpa matamda, Makhoy khudi thiduna tukhi.

3 Laanmi kaanglup amanaa eibu koisillabasu, eina makhoybu kiroi. Yeknabashingna eibu laaksillaklabasu, epuroibu thaajabadi hallaroi.

4 Eeshorgi eina bor amatang nijari, nijariba bor asita mapamjei eina. madudi Eeshorgi ningnashangda epunsi chuppa leijage, ebungngogi phajaba amadi ningthijabadu ujage, aduga matam leibada ebungngogi lamjing makhaada leijage.

5 Awaaba taaraba matamda Ebungngona eibu thuppigani, ebungngogi ningnashangduda eibu lotpigani, lotpigani Ebungngona awaangba nungjaao amagi mathakta.

6 Akoybada leiriba eigi yeknabashinggi mathakta eihaak erai haigatpa ngamgani. Ebungngogi ningnashanggi manungda haraao tayaambagi khollaaoga loynanaa athenpotshing katchaagani. Eina thaagat-eshei shaktuna Eeshorbu thaagat-chaagani.

7 He Eeshor, nanaaina koujaba matamda tabiyu, nanaaibu thaujanbiyu aduga nanaaina haayjabadu pinabiyu.

8 Ebungngona nanaaida taakpikhi, "changjarak-u amasung nonjou." nanaaina khurumjakhi, "he Eeshor, changjarakli ebungngogi khuyaakhaada."

9 Nanaidagi ebungngo thaapna leibiganu. "Nanaibu shaaobiganu, nanaaibu taanthokpiganu, ebungngotani nanaaigidi, epuroi, laanbiba mapu, nanaaibu hundokpiganu,

10 Ima amadi epaana eibu thaadokpiba yaai, adubu Eeshorna eibu thaadokpiroi.

11 Ebungngona paambadu nanaaida taakpiyu he Eeshor, yeknaba yaamba maramna ashoy angaam leitba lambida nanaaibu tattana chingbiyu.

12 Minamba amadi akibaga loynanaa eibu laakshin-gadoubagi laaknariba yeknabashinggi makhutta nanaaibu taahanbiganu.

13 Handakki mapoksida Eeshorgi matik mayaaidu emitsina ugani.

14 Eeshorbu thaajou, ningba kaiganu, thaada thaajou. Eeshorda thaajou.