Psalm 68
Maipakpagi ishei
68 Ipuroina yeknabasingbu chaikhaibi, Ibungobu tukkachana toubasingdu maithiduna chenkhi.
2 Nungsitna maikhu humduna pukhibagum,
Ibungona makhoibu tanthokpi, meida khoiru soudokpabum Mapu Ibungogi mangda phattabasingdu tumna mangi.
3 Adubu achumba toubasingduna Ibungogi nakta leijaduna harao tayamba phongdok-i, makhoina nungngaina ishei sak-i.
4 Mapu Ibungogi maphamda athoiba minglendu thagattuna ishei sak-u, leichinda tongduna chatliba Ibungogidamak lambel ama semjaro. Ibungo mahaki minglendi Ishor koubani maramsina Ibungogi nakta leijaduna harao tayamna lenjou.
5 Senglaba ningnashangda nganthoibiriba Mapu Ibungona mama mapa leitraba amadi lukhrabisingbu ngakpi senbi.
6 Kana leijadrabasingbu Ibungona leinanaba yum pinabi, phadoksingbu Keisumshangdagi thadokpiduna nungngaihanbi. Adubu lanhoubasingdu narak mongsong marakta leigani.
7 He ipuroi, Ibungona Ibungogi mishing chingbiba matamda, Ibungona chingduna leikang oiraba lamdamda chatpa matamda,
8 Malemsi nikkhi aduga nongmadondagi nong tarakhi, maramdi Sinaidagi ipuroi lengthourakkhi, matamduda Israelgi Mapu Ibungo, khong sandorakhi.
9 Nong marang kaina tahanbiduna, leikang oiraba lamsingdu leihao leihanbikhi.
10 Ibungogi mi oiribasingduna maphamduda yum sajakhi, Ibungogi natik nagundutana lairabasingbu chinjak pibikhi.
11 Ishor-na yathang pibatada, ima ibelsingna paodu sandokkhi.
12 "Ningthousing amadi makhoiga loinariba lanmishing choijainaduna chenkhre."
Yumda leiriba nupisingna landa purakpa potsingdu yennari.
13 Lupana saba khunu, masada sana hajang yeiba purakkhi, (Lan thengnaringeida nakhoi kharana yaogilakta lottuna leiriba karigino?)
14 Panggallaba Mapu Ibungona ningthousingbu Zalmon chingda chaikhaibikhi, maphamduda Ibungona un tahanbikhi.
15 Bashan kayada chaoraba chingno, masigi masa mareng kaya yamliba.
16 Mapu Ibungona nganthoibigani haiduna khandokkhraba chingsida, karigidamak nahakki natik nayai panggal leiraba awangba chingdondudagi namit khana yenglibano?
Lainingthou Ibungona maphamsida lengba leitana nganthoibigani.
17 Kallaba dolai lishing tongduna Sinaidagi Ishor-na asengba maphamduda khongdabirakkhi.
18 Lanpha kayabu puduna Ibungona awangba matonda lengkhatpiri, lan houbasing phaobana Ibungoda khudon katli.
Mapu Ibungo Ishor-na maphamduda lengdana leibigani.
19 Numit khudinggi awa-ana pubiriba Ishor-bu thagatlasi.
Eikhoibu kanbiriba Mapu Ibungodu mahakni.
20 Eikhoigi ipuroidi kanbiba Mapuduni, mahakni eikhoigi Ishor-du, Ibungona eikhoibu asibagi khayattagi kanbi
21 Yeknabasinggi makoktu Mapu Ibungona thugaigani. Aranba thabak touduna lelliba mishingbusu manghanbigani.
22 Ishor-na takpiri. Bashan-gi nakhoigi yeknabasingdu amukka lakhanggani, aruba ironungdagi phaoba makhoibu eina pukhatlakkani.
23 Makhoigi eeduda nakhoi chathalgani, nakhoigi huina Mapuk penna esu lekkani."
24 He Mapu Ibungo, Ibungogi natiktu taibangna ure, khangle pumnamakna iningthou oiriba Mapu Ibungona khongsanbadu,
25 ishei sakpana mangda thari, jantra khongbana tungda illi, chatli marakta chanura kayana jhal paiduna.
26 "Ibungogi mi oiribasingna tinnaribasida Mapu Ibungobu thagatlasi,
Jacobki macha masusing Ishor-bu thagatlasi."
27 Khwaidagi mishing yamjadaba Benjaminna mang thahallu, mathangda Judahgi luchingbasingna magi magi kanglup chingduna chatkadabani, makhoigi tungda Zebulun amadi Naphtaligi luchingbasing illakkadabani.
28 Hey Mapu Ibungo, natik nayaidu utpiyu, eikhoigidamak sijinnakhiba napanggaldu utpiyu.
29 Utpiyu nagun Jerusalemdagi ningthousingna khudon puraklaga katlariba maphamduda.
30 Singnang marakta chariba shasinggi matougumba Egyptpu cheibiyu, shalnaoga loinana chatliba sanlupkumba jatsingbu cheibiyu.
Makhoida leiriba lupadu Ibungoda katladriba phaoba laknabiyu.
Lan touningba mishingdu choijainana tahanbiyu.
31 Egypttagi ningthougi mahut sinba tharakkani.
Sudan-gi mishingna Mapu Ibungobu khurumjagani.
32 Malem sinbathungna Ishor-gi gundu dhatatlu.
Ishor-bu thagatlu.
33 Mamangeidagi leiraklaba nongmadon-gi leichinlakta khongnetliba Ibungodubu thagatlu. Ibungogi ahouba khonjeldu taro.
34 Mapu Ibungogi matiktu phongdok-u, Ibungogi matik magundu Israelgi mathakta tari, Ibungogi panggaldu nongmadonda uba phangli.
35 Israelgi Mapu Ibungo oiriba Mapu Ibungodunaningnashangdagi lengthorakpa matamda kayagi matik magun leiba. Ibungona Ibungogi mishingda panggal amadi thouna pinabi. Maramsina Mapu Ibungobu thagatlasi.