Ecclesiastes 6

6 Malemsida mina puba ngamdaba yamna luba phattaba amasu eina urammi. 2 Mapu Ibungona lan thum, potchei pibiduna awat-apa leitaba pukning langtaknadaba migi maramda khanduna yengu. Karigumba Mapu Ibungona pumnamaksida nungngaijanaba saktidu pibidrabadi magi mahutta atoppa amana mahei chai. Masisu arembani. Aduga hainingngai leitana awaba amani. 3 Kanagumba nupa amagi macha chamma leiba yai, matam kuina hingba yai. Adubu mahak matam sangna punsidunasu punsigi aphaba potsingdugi apenba phangdrabadi aroibada phumpham phaoba phangloi. Karigumba masimak oirabadi eina hainingbadi sina poklakpa angangna mangondagi henna phei. 4 Arembada tanaba mana lak-i. Amambada amuk tinkhi magi maming amambada mangkhi. 5 Mana numit amadi pot amattasu ukhide. Adu oirabasu nupadugidi manggumkhibaduna henna phei. 6 Kanagumba nupa amana chahi lishing ani hingdunasu chaokhatpa naidrabadi animak mapham amattada tinkhidra?

7 Mioibana nombamakhei nomjaruraga ateida tade pukta hek matai. Adubu aram khourangbadi kokpa leite. 8 Punsisina hingnaba lanphamda asingbana apangbadagi kari henbage? 9 asa pangtou tourugadabagi sarukpudi namit mamangda uriba kharadu phanglaga penbaduna henna phei. Masisu arambani aduga nungsit phage tannabagumgani. 10 Leiraklaba pot pumnamak maming amamam lei. Makhoigi maong matou loina khangi. Khangba ngamdaba potta mina penba ngamde. 11 Wa adukki matik nganglaga aremba hen-gatlakpani. Mioibagi aphabadu kanana mi amagi punsida asina maphare haiba ngambage? Asigumba atenba punsidi urumgi matougum mangkhidra? Malemsida mathanggi mikupta kari thokkani kanana haiba ngambage?