Revelation 8
Peresingga taret khongba
8 Amahiksung Ibungona taretsuba chum adu hangdokpa matamda, sargada pung makhoi amarom tuminna leirakle. 2 Amasung Ishorgi mangda lepliba sargadut taretpu aduga makhoida peresingga taret pibiba eina ure.
3 Amasung sanagi dhup thanaba kambi pairiba atei sargadut amana laktuna latnapungda leple; aduga mahakna phambal adugi mangda leiba sanagi latnapung mathakta asengbasing pumnamakki haijaba aduga tinsinnanaba, mangonda dhup yamna pibire. 4 Aduga sargadut adugi khuttagi dhupki meikhu aduna asengbasinggi haijaba aduga loinana Ishorgi mangda kakhatle.
5 Amasung sargadut aduna dhupki kambi adu loure, aduga mahakna madu latnapunggi mei aduna thalhanduna prithibigi mathakta hunthei; aduga nongkhongba, makhol, nongthang ayamba amastingquharaha thoklakle.
6 Amahiksung peresingga taret pairiba sargadut taret adu khongnanaba masa masana thourang langle.
7 Amasung ahanba aduna khongle, aduga lel amasung mei, iga totnaduna thoklakle, amasung madusingbu prithibida hunthare; aduga prithibigi saruk ahumgi saruk ama chakthokle, upambi makheigi saruk ahumgi saruk ama, chakthokle; amasung napi asengba pumnamak chakthokle.
8 Amasung anisuba sargadut aduna khongle, aduga mein chakliba achouba chingjaogumba samudrada hunthare; amasung samudragi saruk ahumgi saruk ama ee oirakle; 9 Aduga samudrada leiriba thawai panba lenglipallibasing adugi saruk ahumgi saruk ama sire, amasung hi saruk ahumgi saruk ama manghalle.
10 Amasung ahumsuba sargadut aduna khongle, aduga meiragumna chakpa achouba thawanmichak ama atiyadagi tatharaktuna, turel makheigi saruk ahumgi saruk amagi mathakta amasung ishinggi iphut makheigi mathakta tare. 11 Aduga thawanmichak adugi maming laibakngou kowi. Amasung ishinggi saruk ahumgi saruk ama laibakngou oirakle; aduga mi ayamba ishing aduna sire, maramdi ishing adubu khahalle.
12 Amasung marisuba sargadut aduna khongle, aduga numitki saruk ahumgi saruk ama, thagi saruk ahumgi saruk ama amasung thawamnichaksinggi saruk ahumgi saruk ama mamnanaba; aduga nungthingi saruk ahumgi saruk ama, ahinggisu adugumna ngandananaba, numitki, thagi amasung thawanmichaksinggi saruk ahumgi saruk ama yeihatle.
13 Amahiksung eina ure, aduga atiyagi mayaida pairiba igal uchek amana awangba khonjelna haiba eina tare, khonggadouriba sargadut ahumgi peresinggagi atei atei makhol adugi maramna, prithibida pallibasinggi damak awabanida, awabanida, awabanida!