Romans 11
Israel-shinggi maraktagi thoujaanna khakhouba
1 Adunadi eina haay; Eeshorna ebungngo mahaakki mibu hundokkhrabra? madu khak oidasanu! maramdi eisu Israelgi mi, Abrahamgi dhaara, Benjamin-gi shalaaini.
2 Eeshorna haanna khangkhraba ebungngo mahaakki mibu hundokpide. Nattraga Elijahgi maramda shaastrana kari haaybage nakhoyna khangdabara? haaybadi, mahaakna Israelgi mathakta Eeshorgi maphamda hanggatchei,
3 Eeshor, ebungngo nahaakki waa taakthokpa shingbu makhoyna hattokle, makhoyna ebungngo nahaakki laatnapung makhei toukhaaire, amasung ei ethanta leihoure, aduga makhoyna ethawaaybu thiri.
4 Touegumsung maangonda Eeshorna khumba adu kari haaybage? Balda khuru khudak kundaba mi 7,000 Eina ethantagi damak khakchahoure.
5 Adugumduna matam asidasu thoujaanna khan-gatpa matung ennaa lemhouba sharuk leiri.
6 Touegumsung maasi thoujaalgi mapaanna oirabadi, thabaktagi amuk oiraroi; nattrabadi thoujaal adu amuk thoujaal oidre.
7 Adunadi karino? Israelna thiba adu phangdre; adubu khan-gatpibashingna madu phangle, aduga leihoubashing aduna mappukning kankhre;
8 Ekhiba asigumbani, Eeshorna makhoyda uiningba thawaay, udanaba mit amasung tadanaba naakong ngasigi numit asi phaaoba pibire.
9 Aduga Davidna haay, Makhoygi achaapot adu konggoiga langga amasung khudi thinabaga matik okpa maheiga makhoygi damak oisnu;
10 Makhoyna udananaba makhoygi mit mamsnu, amasung matam leiba khibikta ebungngo nahaakna makhoygi manam polhanbiyu.
11 Adunadi eina haay, makhoyna tunanaba khudi thirabra? madu khak oidasnu! touegumsung makhoybu kallak-hannanaba makhoygi tubana atoppa Jaatshinggi damak araan khubam thok-e. 12 Amasung makhoygi tubana taaibang-paangi enaakkhunba, aduga makhoygi mangbana atoppa Jaatshinggi enaakkhunba oirabadi, makhoygi khanbadadi amuk kayaa hen-gaba!
Kolan shembaga chaangdamnaraba atoppa Jaatshinggi aran khubaam
13 Adubu eina atoppa Jaatshing oiba nakhoyda haayribani, maramdi eina atoppa Jaatshinggi paakhon-chatpa oibanina, eina toujaba thougan einai ekaai-khumnajei;
14 Ngamlabdi, eina karigumba pambei amanaa hakchaanggi marida eigi oiriba makhoy adubu kallak-handuna makhoy kharabu kanbiba yaanabani.
15 Maramdi makhoybu hundokpa aduna taaibang paanbagi tainasinbiba oirabadi, makhoybu loushinbiba aduna ashibashinggi maraktagi, hinggatpiba nattanadi kari oigadage?
16 Amasung anoyba ata matumdagi katchaba ahaanba sharuk adu shenglabadi, ata matum apumbaa sheng-e; aduga maru aduna shenglabadi, usa makheisu sheng-e.
17 Touegumsung usa kharabu thudekkhrabadi, aduga nangna lamgi chorphol, mapaambi oiduna makhoygi marakta nangbu kolam shemduna chorphon mapaambigi maragi mahaaodagi nangna makhoyga sharuk phangminnarak labadi,
18 Usashing adubu yeknaduna chaaothokchaganu; touegumsung nangna chaaothoklabadi marabu puba nang natte, adubu marana nangbu pubini.
19 Adunadi nangna haaygani eibu kolam shemnanaba usa thudekkhre.
20 Phare; makhoygi thaajadabana makhoybu thudekkhre, aduga nangdi nanggi thaajabana lepli. Pukning nawaangganu, adubu kiyu;
21 Maramdi Eeshorna mahousagi usashing adubu kanbidrabadi, ebungngo mahaakna nangbusu kanbiroi.
22 Adunadi Eeshorga aphaba amasung ayakpa adu yeng-u; tukhibashinglomda ayakpa, touegumsung nangna Eeshorgi aphabada etat-tattana leirabadi, nangollomda ebungngo mahaakki aphaba oigani; nattrabadi nangbusu kakthatkani.
23 Amasung makhoynasu makhoygi thaajadabada etat-tattana leiba nattrabadi, makhoybu kolam shembigani; maramdi Eeshorna makhoybu amuk kolam shembiba ngammi.
24 Maramdi nangbu mahousana lamgi chorphol mapaambidagi kakthattuna, aphaba chorphol mapaambida mahousaga onnateina kolam shembirabadi, mahousagi oiba usashing asibu makhoymakki chorphol mapaambida kayaa henna kolam shembigaba!
Eeshorgi khujil thouraanggi mapung phaabadi pumnamakpu thoujaanbibani
25 Maramdi, echin-enaaosha, nakhoy nashaana napan toujabana ashingbani ningjadanaba, athuppa waa asi nakhoyna khangdaba eina paamde, haaybadi, atoppa Jaatshinggi mashing shunaa changdriba phaaoba,machetta pukning kanba Israelda thoklare;
26 Amasung asigumna Israel pumnamakpu kanbigani; ekhiba asugumbani, Kanbiba mapu aduna Ziondagi laakkani, Ebungngona Jamestagi Eeshor ningdaba louthokkani;
27 Amasung eina makhoygi paap louthokpiraba matamda, Makoiga loynanaa eigi lepnaba waa asini.
28 Aphaba waapaaogi marida makhoydi nakhoygi maramgi damak yeknabashingni; adubu khan-gatpagi marida makhoygi epa epushinggi maramgidamak achaanbashingni.
29 Maramdi Eeshorna ebungngo mahaakki chanbiba khudonshing amasung koubibagi maramda pukning hongde.
30 Maramdi houkhiba matamda nakhoyna Eeshorna haayba ende, adubu joujikti makhoygi haayba endabana nakhoyna nungshibiba phangle,
31 Adugumna nakhoyda utlaba nungshibiba aduna makhoynasu houjik nungshibiba phangnanaba, makhoy asisu houjik haayba endaba oire.
32 Maramdi Eeshorna pumnamakta nungshibiba utna-naba, ebungngo mahaakna pumnamakpu haayba endaba thingjille.
33 Onthokpanida Eeshorgi loushing amasung khangba animakki laal kayaada lukhrabano! ebungngo mahaakki waayel kayaada thingamdriba, amasung ebungngo mahaakki lambi kayaada khonggul lingamdriba!
34 Maramdi Eeshorgi pukning kanaana khanglabage? Nattraga ebungngo mahaakki waattanangai angamba kanaana oiraklabage?
35 Nattraga ebungngo maangonda haanna piraga, ebungngo maangondagi amuk phanggadaba kanaano?
36 Maramdi ebungngo maangondagi, ebungngo mahaakki mapaanna amasung ebungngo mahaakki damak pot pumnamak eoi oi. loyba naaidana ebungngo maangonda thaagatpa oisnu. Amen.