Numbers 7
Luchingbashingna katkadaba potlam
1 Mosesna shonnapung shaagatpa loirabada shonnapung amadi masigi manungda leiriba potshing, phaankhong amadi maasida leiraba patrashingdu thaao noiduna shengdokpa loirabada,
2 Emung manunggi matung ennaa luchingba oikhibashingduna
3 Eeshorgi khuyaakhaada katnanaba makhoyna ngamjaba potshingdu puduna laaklammi, makhoyna mathak kuppa gari taruk puduna laaklammi. Sanlaba taraanithoi amasu purakrammi. Garida purakpa pot-shingdu luchingba ani ani punshinduna purakpa potshing oirammi. Makhoy taraanithoigi sanlaba taraanithoi amasu purakrammi. Makhoyna haayriba potshingsi shonnapunggi mamaang taanna puraklaga katlammi.
4 Matamsida Eeshorna Mosesda haaykhi,
5 Mitinshanggi seba changbada shijinnanabagidamak makhoyna katliba potshingdu latnaba leitana lousillu. Makhoyna purakliba potshingdu Levishingda makhoyna touba thabakki matung ennaa pikho.
6 Sanlaabashing duga konnana Mosesna garishingdu latnaba leitana loushinkhi. Pumnamaksi Levishingda pikhi.
7 Gershon-gi machaashingda gari anigi mapotka sanlaba mariga pikhi.
8 Gari mariga sanlaba nipaanga Aarongi machaanupa Ithamargi makhaada thabak toukhiba Merarigi machaashingda pikhi.
9 Kohatki machaashingda karisu thungkhide. Maramdi ashengba potshingdu makhoyna marengbaanda pukhi.
10 Luchingbashingna phaankhongdu thaao noiba numittumaktada shanggaarammi. Luchingbashingna phaankhongdugi mamaangda ngamjaba khudon katchakhi.
11 Maasida Eeshorna Mosesda haayrammi, phaankhongsi shanggaabagi haraaoba phongdokpa oinaa luchingbashingna nongma nongmagi oinaa khudonpot purakkadabani.
12-83 Makhoyna khudonshingdu makhaagi asumna palli naaina puraklaga katkhi:
Ahaanba numitta Judah tribeki luchingba Amminadabki machaanupa Nahshon
Ninishubada numitta Issachar tribeki luchingba Zuargi machanupa Nethaneal
Humnishuba numitta Zebulun tribeki luchingba Helongi machaanupa Eliab
Marinishuba numitta Reuben tribeki luchingba Shedeurgi machaanupa Elizur
Manganishuba numitta Simeon tribeki luchingba Zurishaddaigi machaanupa Shelumiel
Taruknishuba numitta Gad tribeki luchingba Deuelgi machaanupa Eliasaph
Taretnishuba numitta Ephraim tribeki luchingba Ammihudki machaanupa Elishama
Nipalnishuba numitta Manasseh tribeki luchingba Pedahzurgi machaanupa Gamaliel
Mapannishuba numita Benjamin tribeki luchingba Gideonigi machaanupa Abidan
Taranishuba numitta Dan tribeki luchingba Ammishaddaigi machaanupa Ahiezer
Taraamaathoyni shubaa numitta Asher tribeki luchingba Okangi machaanupa Pagiel
Taranithoi shubaa numitta Naphtali tribeki luchingba Enangi machaanupa Ahirana luchinglaga katkhi.
Makhoyna purakkhiba khudonshingdu chap mannarammi. Makhoyna purakkhiba khudonshingdi: silverna shaaba kilo 1.5 Lumba tenggot amaa, matamdugi chatnabi matung ennaa silverna shaaba khudeng grams 805 Lumba amaa, aduga haayriba anisida thaoga yaanshinnaraga ata pik thanna mahei maronggi thougi potlam oinaa katkhi. Masigi mathangda sanaana shaaba grams 115 Lumba deksi amaa, aduga maasida manam nungshiba thaao thanna haplaga katkhi. Haayribashingsiga loynanaa meida thaaduna katnanaba thougi potlam oinaa chahi amaa shuraba yaao amaa, ayon-araangi thougi potlam oinaa haameng amaa lamdaai shumdaaigi thougi potlam oinaa sanlaba ani yaao manga, haameng manga, yaao machaa chahi amaa shuraba mangaa amsu katkhi.
84-88 Israelgi tribe taraanithoigi luchingbashingna purakkhiba khudon potshingdugi apunba mashingdi asini: Silverna shaaba tenggot 12 Aduga silverna shaaba khudeng 12 punna kilo 27.6 , sanaana shaaba manam nungshiba thanna haplaga katkhiba deksi 12 punna kilo 1.32 Amaa sanlaba 12, yaao 12, yaao machaa chahi amaa shuraba 12, aduga makhoysiga loynanaa meida thaaduna touba thougi potlamda changba mahei maronggi potlamshing, ayon-araangi thougi oinaa haameng 12 Amaa, sanlaba 24, yaao 60, haameng 60, chahi shuraba yaao machaa 60 lamdaai shumdaaigi thougi potlam oinaa katkhi.
89 Mosesna ningnashangda Eeshorga waari shaage haayduna changkhiba matamda, mahaakna Eeshorna matik mayaai leiraba phambaaldudagi waa nganglakpa taakhi khonjendu karub anina leiriba maphdudagi thokrakkhi