Job 38
Eesor-na Jobta paaoukhum pirakpa
38 Masigi matungda nonglei nungsit marakta Eesor-na waa ngaangba hourak-e.
2 Nahaakki apangba amadi artha yaaodaba waasing ngaangduna eigi mapaan naaidraba touba ngamba egundubu chingnariba nahaak kanaano?
3 nupaa amagumna lepkhattuna eina nangonda hangliba waahangsingsigi paaoukhum piyu.
4 Taaibang-paansibu semba matamda nahaak uhoubra? Karigumba nahaakna maasi masak khanglabadi haay-u tasi.
5 maasi kayaa chaaohn-gani lepkhibadu kanaano? Masigi mayaaida chelliba lichingdu kanaana semkhibage? pumnamaksigi paaoukhum khanglabra?
6 maalemsibu ngakliba ukhongdu nahaak khangbra? taaibangsigi konasingda yungliba nungsingdu kanaanano khangbra?
7 Numittugi nongallakpada thawaan-michaksingna punna esei sakhi, nongmadonda leiriba dutsingna haraaona nilkhongkhi.
8 epaaktagi eesing chaaoraktanaba kanaana so lonbage? maalemsigi leironnudagi eesing thorakpa matamda kanaana thingkhibage?
9 epaaktuda leichinna kuptuna thamkhibadu einanai, maasibu amaambana yomsinkhibadusu einani.
10 epaakki ngamkheidu eina lepkhi, maadubu eina so londuna thamkhi.
11 Eina haaykhi, "masida loiro." Masida ethaktu lepkadabani."
12 Job, nahaakki napunsina houbadagi ngasi phaaobasida nongmata nong taahanba ngamkhrabara?
13 Nonganba koubaduda maalemsi phaaoduna thamlanaba yaathang toukhrabara? Phattaba misingdu makhoyna lotliba maphamdudagi taanthokkhrabara?
14 Numit thorakpa matamda phi thupchinbagi matougumna ching amasung tampaak engan nganna ubaa phang-e.
15 Phattaba-singgidamak mangaansi leihanningde, makhoyna phattaba thabak touba matamda masina thing-e.
16 epaakki eronnungda thorakliba eephutsingdu nahaak urabra? epaakki eemaayda karigumbada nahaak chatpa ngambra?
17 Asithenda leiriba asiba-singdu thingduna thamliba thonggaldu kanaagumbana nangonda utpikhrabara?
18 taaibangsi kayaa chaaoi nahaak khanglabra? Nahaakna khanglagadi eingonda pakhum amatang piyu.
19 mangaan kadaaydagi lak-e khangbra? amaambana kadaaydagi hourakpage?
20 Kadai phaaoba makhoy ngalli nattraga mam-i haayba khangbra? Nattraga makhoybu maphamsingda hanjilhankhiba ngambra?
21 nakhoyna ahan oibagi haayrurabadi ngamba yabani, taaibangsi semba matamda nakhoy yaorambasu yaai.
22 Un amadi len peiduna thamliba pukkeidu nahaak chat-tuna yenglurabara?
23 Makhoybu eina khudongthiba matamda sijinnage thamlibani, thamli sijinnage haayduna lan thorakpa matamda.
24 Numit thorakphamduda nahaak chaatlurabara? Nongpok-lomdagi sitlakliba nungsitki maphamduda chaatlurabara?
25 taariba nongsingsigi ekhongdu kanaana toubage? Nonglei nungsitki laambelduna kanaana sembage?
26 taaibang kana leitba maphamduda kanaana nong taahanbage?
27 naapi houba ngamnaba akangba leimaayda kanaana nong taahanbage?
28 Nongna nattraga liklaasi mapaa machaa leibra?
29 Un matum amadi unkhagi mamaa leibra?
30 Haayriba-singsina epaaktu nung olhanba ngammi epaaktu phamjilhanbasu ngammi.
31 Nahaakna ningthou tarenbu pullapna punsinba ngamgadra? Nattraga sajikki thouridu thaadokpa ngamgadra?
32 thawaan-michakki makum matha leppa ngamgadra? Nattaraga thabalgi laambel takpa ngamgadra
33 Nongmadonda leiriba mahousagi niyamsingdu khngba ngamgadra? Makhoydu maalemsida chatnaba yagadra?
34 Leichinda yaathang touba ngamgadra? leichindu nong olhanbiduna nahaakpu khanjilhandaba yagadra?
35 Karigumba nongthaangdu kupnanaba yaathang touba matamda, nahaakki nanakta laaklaga, "sana yaathang " haayragadra?
36 Ibis kouba uchekta Nile turenda chaaogadoure kanaana taakpibagi? Nong tarakkadoure haaybasina hangoida kanaana taakpibagi?
37 Leichinbu kanaana masing thibaa ngambage? Nong taraknaba kanaana leichinbu thingairuba ngambage?
38 Uphulbu leitum olhanbadu kanaanano?
39 Nongsagidamak machinjaak thiba ngambra? enkhatlakliba nongsagi chinjaak nahaakna humba ngambra?
40 makhoyna karigi makonda kunduna leiribano? Karigi makhoyna lumduna leiribano?
41 Kwaaksingna charamnaduna koyna chatpa matamda adugaa makhoyna pokpaa machaasingduna eigi ephamda chinjaak pibinaba haayjarakpa matamda kanaana machinjaak pikhibage?