1 Samuel 19

Saulna Davidpu awaaba taahanba

19 Saulna machaa-nupaa Jonathan amadi phamnaaiba-singda haayrammi maadudi mahaakna Davidpu haatna-naba thouraang toure. adubu Saulgi machaa-nupaa Jonathandi Davidpu yaamna nungsirammi. 2 maramsina Jonathanna haayrammi, “eigi epaana nahaakpu haatna-naba thouraang toure. Hayeng ayuk khara cheksinna leiyu adugaa aaronba mapham amada lotnanaba thouraang tou. 3 Nahaakna loubukta lotkadouriba maphamduda eigaa epaga laakkani adugaa nahaakki maramda eina epaada waa khara haaygani adugaa nahaakki maramda eina khngba waa khuding nahaakki naphamda haaygani."

         4 Jonathanna Saulgi maphamda Davidpu thaagatladuna haayrammi, "ipa ebungngo, Davidpu haattuna araanba thabak toubidaba phei. epa ebungngo-gi maphamda mahaakna thoidokpa araanba thabak amatta toukhidri. Ahoinadum mahaakna touba thabak khuding epaagi mateng oiribani. 5 Goliathpu haatpa matamda mahaakki Mathawaai yollibani amasung masida Eesor-na tengbang oibiduna Israelna kayaada chaaoraba laanpham amada maay paakhibano. epa ebungngona maasi ubada kayagi matik nungaaikhiba pumnamaksi leirabadi, karigidamak epa ebungngona maraal leitba Davidpu haatna-naba thouraang toubigadouribano?"

         6 Jonathanna haayba waasingdu Saulna munna taaraga mapukning hantharakladuna Davidpu amuk haanna haatna-naba thouraang touraroi haayduna Eesor-gi minglen panduna waasakkhi. 7 Jonathanna Davidpu kouraduna haayriba waasingsi loina tamkhi. Jonathanna Davidpu Saulgi mamaangda pusillaaktuna hannagumna Saul bu seba toujaduna leikhi.

         8 Philisti-singga makhoygi marakta Amukka haanna laanpham amaa thengnaba taakhi. David laandaba chatlammi adugaa mahaakna makhoybu laksinduna mapung phaana maaythiba pikhi amasung makhoy chenkhi.

         9 Nongmagi numitta Eesor-na thaarakpa phattaba thawaayduna Saul bu laksinkhi. Saulgi makhutta ta amaa pairaduna konungda phamduna leirammi adugaa matamsimaktada Davidvina pena khongduna leirammi. 10 Saulna Davidpu tana lengduna phaklangda yeisin-ge haayduna ningkhi adubu mahaak Sauldagi naanthokkhi. Saulgi tadu phaklangda yungkhi adugaa David chenkhiduna lotkhi.

         11 ahingdumaktada Saulna mi khara thaaduna Davidpu sennahankhi adugaa ayukta mahaakpu haatna-naba thouraang toukhi. Davidki nupi Michalna haayrammi, "ngasi ahingsida thawaay hingnanaba nahaak chelhoudrabadi hayengdi nahaak soydana siragani." 12 asumna Michalna Davidpu thongnaaoda lithanduna chelhan-khi. 13 Michalna emungda leiriba murti amaa puraklaga phamungda thamlammi. haamengi matuna kokki sam saraduna mon amaa semlaga thamlammi. adugi mathakta monkhum amaa kuplammi. 14 Saulgi misingna Davidpu kounanaba laakpa matamda Michalna makhoyda David masa ngamdaduna lei haayna khumkhi. 15 Davidki manaakta Saulna manaaising Amukka haanna thaarakkhi adugaa mahaakna makhoyda haayrammi, "mahaakna hipliba phamungduga loynanaa maphamsi taanna thanglak-u adugaa mahaakpu maphamsida eina haatkani." 16 manaaisingna changlakpa matamda murtidu phamungduda leiramba thengnakhi. haamenggi matuna sam saraduna mon amada leirambadu thengnarammi. 17 Saulna Michalda hanglammi, "nahaakna eibu minamliba karigino? eigi yeknababu nahaakna karigidamak thaadoklibano?"

Michalna khumkhi, "karigumba eina mahaakpu chenkhinabagidamak mateng pangdrabadi mahaakna eibu haatkani haay."

         18 Davidna chenkhiduna Ramahda leiriba Samuelgi manaakta chatkhi adugaa thok-khiba thoudok pumnamak mahaakki maphamda tamkhi. David amadi Samuel Naioth kouba maphamduda chatkhiduna matam khara leikhi. 19 Saulna David Naiothta leire haayba paao phangkhi. 20 Saulna manaaising thaaduna maphamdudagi Davidpu puraknaba hotnakhi. Matamduda Samuelna chingduna maichousingna waa phongdoktuna leiramba thengnakhi. Saulna thaarakpa misingdugi mathakta Eesor-gi thawaay changkhiduna jaagoi saaba amadi khongjen houna laoba houkhi. 21 waapamsi Saulna taarabada atoppa paakhon-chatpasing maphamduda thaarammi adubu makhoysu jaagoi saaba amadi khonjen houna laobaduda yaokhi. Mahaakna ahumlak haanna mi thaakhi adubu makhoysu hannagumna toukhi. 22 Mameithangda mahaak masaamak Ramah taanna chatkhi. Mahaakna Seku kouba achouba guhadu yourakpa matamda Samuel amadi David kadaayda leibage hangkhi amasung maangonda makhoydi Naioth kouba maphamda leibani haaykhi. 23 Saulna maphamdudagi Ramahgi Naioth kouba maphamdu taanna chatkhi. Eesor-gi thawaayna Saulsu waa phongdo-kpa houra klammi. mahaak waa ngangna ngangna Ramahgi Naioth youra klammi. 24 Mahaakna maphi marol louthoktuna Samuelgi mamaangda waa phodokpa houra klammi. Numidaang amaaga nungthin amaaga mahaak maphi amatta setlamde. maramsina asumna miyaamna haaynakhi, "Saulsu waa phongdokpasinggi manungda amaa oirabra?"