Exodus 35
Potthaaba numitki niyamsing
(Khong 25:1-9)
35 Moses-na Israelgi miyaamdu amatta oinaa tilhallaga haayrammi, "Eesor-gi yaathang nakhoyna en-gadabani haayna taakpiraklaba waasingdu asini:2 Numit tarukni nakhoy thabak sugadabani. adubu taretni subaa numitta Eesor-bu khurumjanaba gidamak chinglemna potthaaduna leigadaban. Haayriba numitsida kanaagumbana thabak tourabadi mahaak sibagi dandi pigani. 3 nakhoyna leiru leiruba maphamduda potthabagi thaaoumei thangadabani."
Eesor-da katkadaba potsing
4 Moses-na Israelgi miyaamduda haayrammi, "Eesor-na pibirakpa yaathangdu asini:5 Thamoi thotpa kanaagumba mi nakhoygi narakta leirabadi, Eesor-gi maphamda loipot kajou. Masida katkadaba potsingdi sanaa, silver, pithraai, 6 Mureinaba, angaangba amadi ngaangleinaba potsing, anaanba leemonna saaba phi, haameng matu, 7 yaao maun, haameng maun, chiggonglei paambi, 8 Thaaoumei thannaba thao, noinaba thaao semlaba maru maraang, 9 asangba nung amadi leiteng sembada changgadouba nungsingnachingba Ephod amadi Thabaakkhang semnaba katlu.
Sonnapungda Thamgadouba Patrasing
(khong 39:32-43)
10 nakhoygi naraktagi matik chaaraba makhut masa heiraba misingdu thoraktuna Eesor-na yaathang pibirakliba potsingsi semgadoubani. Semgadouribasingdudi asini: Sonnapungduni. 11 adugaa masigi mathakna khangadaba sang adugaa mathakta kupnaba mapot, masigi kochi amadi mapaan chankhatnaba, phaairen amadi yumbinachingba, phambak, 12 Phambaal amadi maasibu punnaba machei, khubaam amadi phisang, 13 Phan amadi maasibu punnaba chei, masida thamgadouba patrasing, asengba tal hounanaba mapham, 14 mangaan pinaba thaaoumei makhong, masida hapkadouba potsing amadi thaaoumeising, thaaoumei thannanaba thao, 15 Dhup thanaba phaankhong, maasibu punnaba cheising, noinanaba thaao amadi manam nungsiba dhupki mapotsing, sonnapunggi thongjinda yaannanaba phisang, 16 Meida thaaduna katnanaba pujagi phaankhong, pithraaina kangthak amaa semba, maasibu punnaba cheising, patrasing khudeng amadi maasibu thamnaba phambak, 17 Loisang amadi masigi yumbising, masigi yumpham amadi masigi thongjinda yaannaba phisang, 18 Sonnapungda pot thamnaba mapham, loysangda pot thamnaba mapham, haayriba-singsi thamnaba thouri, 19 asengba maphamda sijinnanaba phajaraba phi. Aaronna purohit oiba matamda setnnaba phijet, machaa-nupaasingduna purohit oinaa seba changba matamda sijinnanaba phijetsing asini."
Miyaamna Eesor-da katnanaba pot purakpa
20 Masigi matungda Israelgi misingdu Mosesgi manaaktagi hankhi. masa masaana mapukning sengna Eesor-gi maphamda loipot oinaa miyaam tinnaba sang sanaba, khurumbada changgadouba potsing oinaba, adugaa asengba phijet semnaba mapot kayaamarum katnakhi, 22 asumna nupaa amadi nupi-singna Mathawaai yaaonaleitenggi yottum, nain, khudop, paambom phabi, sanaana saaba leiteng makhalmakha ayaamba, Eesor-gi maphamda loipot oinaa kakhi. 23 Kanaagumba misingna mureinaba pot, angaangba amadi ngaangleinaba leemongi anaanba phinachingba, haameng matu, yaao amadi haameng maun leibasingdunasu katchanaba pura klammi. 24 Silver amadi pithraaigi pot puraktuna katpa ngamba misingnasu Eesor-da katkhi. Kanaagumba misingna chinggonglei paambi puraktuna katnakhi. 25 Lang naaiba heiba nupi-singna naithoklaba mureinaba, angaangba, amadi ngaangleinaba adugaa leemongi amonba langnachingba purakkhi. 26 haamenggi matu kakpa heiba nupi-singduna haamenggi matu kaklaga purakkhi. 27 luchingba-singna sangbanaba nung louraga leiteng oinaa Ephod amadi Thabaakkhangda haapnaba punarakkhi. 28 Maru maraang amadi thaaoumei thannaba thao, manam nungsiba dhup thanaba maru maraangnachingba punarakkhi. 29 Israelgi misinggi marakta leiriba nupaa amadi nupi-singna Eesor-na Mosesda taakpikhiba waasingdu paangthoknabagidamak manaa manaa ngamjaba potsingdu Eesor-gi maphamda punarakkhi.
Bezalel amadi Oholiabpu Eesor-na kouba
30 Moses-na Israelgi misingda haayrammi, "yeng-u, Eesor-na ming panduna Judah-gi salaaigi manungda Hurgi machaa-nupaa Urina pokpaa Bezalelbu kouri. 31 Bezalelbu Eesor-gi thawaayna chingbirammi, maramsina mahaak pukning lousing amadi makhut heiba nupaa amaa oirammi, 32 Mahaakna sanaa, silver amadi pithraaigi pot saaba, 33 Leiteng oinaba nung hakpa, u suba, samna haayrabada khutna semba pot khuding mahaakna saaba ngamdaba leiroi, 34 mahaakka loynanaa Dan-gi salaaida pokpaa Ahisamakki machaa-nupaa Oholiabpusu khutsa heiba nupaa amaa oihanbire. 35 Makhoy anina leiteng semba, mureinaba, angaangba amadi ngaangleinaba machugi phiron saaba, leemongi phi saaba khutna saaba khudingmak makhoy anisina lamjingbiba ngamgani.