Judges 12

Jephthah amadi Ephraimgi mishing

1 Ephraimgi mishingna khutlai paayduna Zephonlomda laanmi thoraklaga Jephthahda haaykhi, "nahaakna Amonishinggi mathakta laandaba matamda eikhoybu kouraktraba karigino? Yumsi mei thaaduna meiridu nakokta taahangani."

2 Jephthahna makhoyda haayrammi, “eigi mishing amadi eigana Amonishingbu yaamna kanna laanthengnaba matamda karigumba eikhoyna nakhoybu kouramba taarabadi nakhoyna eibu Amonishinggi makhuttagi kanbiroi.

3 Nakhoyna eibu kanbiroi haaybasi khanglabada eigi ethawaay khubaakta haaptuna eina Amonishinggi mathakta laandakhibani. Adubu Eeshorna makhoybu eigi ekhutta taahankhi. Masina maram amaa oirabadi nakhoyna eigi ethakta laandage haayna thoraklibasi karigino?"

4 Matamduda Jephthahna Gileadki mishingdu amatta oinaa punsillaga Ephraimgi mathakta laandakhi. Gileadta leiba mishingna Ephraimgi mishingbu haatkhi. Maramdi makhoyna haayrammi, Gilead machaashing, nakhoysi Ephraim amadi Manassehgi lamda leiba yumdangbashingni."

5 Gileadki laanmishingduna Jordan laanduna chatkhinaba eranphamshingdu thattuna thamkhi. Kanaagumba Ephraimgi mi amaa laanthokpa yagadra haayna hangba matamda Gileadki mishingna hangkkhi, “nahaak Ephraimgi mira? Karigumba mahaakna "natte" haayna khumlakpa thoklabadi,

6 Makhoyna adugumba nupaaduda "Shibboleth" haayba waaheisi haayyu haayrammi. Adubu karigumba Ephraimgi mi oirabadi "Sibboleth" haayrakkani maramdi waaheisi shengna haaydokpa ngamlamde. Asumna makhoyna Jordan turenda eran-phamda adugumba midu haatkhi. Matou asumna Ephraimgi mi 42,000 Haatkhi.

7 Jephthahna Israelbu chahi taruk waayenduna paankhi. Masigi Gileadki Jephthah nonggaakhi. Gileadta mahaakpu phumbikhi.

Ibzan, Elon amadi Abdon

8 Mahaakki matungda Bethlehemdagi Ibzanna Israeldagi waayenba oikhi.

9 Mahaakki machaanupi 30, amadi machanupi 30 leirammi, Mahaakna pokpaa machaanupishingdu mahaakka shaagei nattaba mishingda thaajakhi. Machaanupashinggisu atoppa maphamdagi luhongbirammi. Israelgi mathakta chahi taret waayenduna paankhi

10 Masigi matungda Ibzan nonggaakhi. Mahaakpu Bethlehemda potloibikhi.

11 Mahaakki mathangda Jebulungi shaageigi Elonna Israelgi waayenba oinaa paankhi. Mahaak chahi taraa waayenba oirammi.

12 Chahi taraa loirakpada Zebulun-gi Elon nonggaakhi. Mahaakpu Zebulun-gi lam Aijalonda phumbikhi.

13 Mahaakki mathangda Pirathon shaageigi Hillelgi machaanupa Abdonna waayenba oikhi.

14 Mahaak machaanupa 40 pokkhi. Masutanasu 30 shurammi. Machaa amadi masushingna lolaa 70 Tongduna thoukhi. Israelgi mathakta mahaak chahi nipaan waayenduna paankhi.

15 Pirathonggi Hillelgi machaanupa Abdon nonggarammi. Ephraimda taariba Amalekshinggi chinggi lamda mahaakpu phumkhi.