Psalm 74
Leibak awaaba koknaba haayjaba
1 He Eeshor, nanaai eikhoybu asumna thaadokpiriba karigino? Numit thaana leiribamakhei Ebungngona ebungngogi mishingbu shaaoduna leibikhigadra?
2 Ebungngogini haayna mamaangeida khandokpikhiba mishingsi ningshingbiyu. Ebungngogi mishing oinanabagidamak minaai kokhanbikhibadu ningshingbiyu. Ebungngona ngaanthoibikhiba Zion chingdu ningshingbiyu.
3 Ningnashanggi manungda leiriba, yeknabashingna tumna maanghallamlaba potshing amadi maphamshingdu Ebungngona chatlaga yengbiyu.
4 Ebungngogi ningnashanggi manungda laan-ngam khollaaodu ebungngogi yeknabashingna laaokhi, laan-ngambagi khudamni haayduna makhoyna maphamduda phiran thetkhi.
5 Makhoyna maphamsida toukhibasi u-yaanba nupaashingna u yaanthabagi matougummi.
6 Makhoyna pairakpa shingjang amadi nungthangna ugi pheiren pumbaa yaankhaaikhre.
7 Makhoyna ebungngogi ningnashangdu thugaayraga mei thaakhi, ebungngobu khurumpham oiriba maphamdu makhoyna mangthokkhi.
8 Makhoyna eikhoybu tumna maanghange khankhi, leibaaksida leiriba ashengba mapham khuding makhoyna mei thaakhi.
9 Eikhoigi ashengba urongshingdu loikhre, maaichou leitre, maasi kayaa kuina asumna oigadage kanaanasu khangde.
10 He Eeshor, kayaa kuina yeknabashingna eikhoybu noknakhigadage? loyba naaidana ebungngogi minglendu makhoyna kali leihangadra?
11 Ebungngona eikhoybu tengbangbidriba karigino? ebungngogi khuttu tungda lottuna thambiriba karigino?
12 He Eeshor, leishemlakpadagi Ebungngona eikhoygi ningthou oiduna laaklibani, mishing khangdabamakhei Ebungngona eikhoybu kanbiraklabani.
13 Ebungngogi mapaan naaidraba paanggaldutana epaak thugaayba ngamkhi, epaaktugi manungda leiriba achouba hingchabadu hatpikhi.
14 Ebungngona epaakta leiba Leviathan kouba hingchabadugi makok kakpikhi. Lamlakta leiba shaashingda Ebungngona
madugi mashaadu pijathokkhi.
15 Ebungngona eephut amadi ekhong kayaa shembikhi, achouba turenda phaaoba Ebungngona kanghanbikhi.
16 Ebungngona ahing amadi nungthin shembikhi, numit amasung thaa maagi maagi maphamda thambikhi.
17 Malemsigi ngamkhei Ebungngona leppikhi, oihanbikhi kalen amadi ningtham thaa anisu.
18 He Eeshor adubu ebungngogi yeknabashingna oknri haaybasidi khangbiyu, makhoydi phattaba mishingni aduga ebungngobu langthoklab misini
19 Ebungngogi upai leijadraba mishingsi Makoibi tamthirba yeknabshinggi khutta hundokpiganu. Ebungngogi mi oiria awaabada taarabashingsi kaaothokpiganu.
20 Ebungngoga eikhoygi marakta leinakhiba areppa waashaktu nishingbyu, maalemsida tamthiba amadi sahing chaabana henna leire.
21 Ot neiribashingdubu ekaaihanbiganu, laairaba amadi anangbashingduna ebungngobu thaagathanbiyu.
22 He Eeshor, lengkhatpiro aduga ebungngogi natik utpiro, numit khuding phattaba mishingna ebungngobu noknadunata leiri haaybasi ningshingbiyu.
23 Ebungngogi yeknabashingna shaaoraduna laaokhiba khollaaodu kaobiganu, ningshingbiyu ebungngogi yeknabashingna areppa leitana laaokhibadu.