Job 10
10 Eihak taibangsida leiningdre maramsina eina katliba wakatsi tabiyu.
2 Hey Ipuroi, nanaibu leikha tahanbiganu, Eigi ithakta leiriba wathoksi karino takpiyu.
3 Asukki matik tamthiba asibu achumbani haina ningbibra? Ibungo makna sembikhiba mibu langsekpasibu chumbra? Phattabasingna thouranglibadu uraga yokkhatliba karigino?
4 Eikhoina khangliba asigumna Ibungo nahak khangbibra?
5 Nahaksu eikhoigumna punsi tenbra?
6 Adu oirabadi Ibungona eigi iran thiriba karigino? Eigi asoibada thiduna karigi leiribano?
7 Eihak iran leite haiba nahakna khangbiribani, Ibungogi khuttagi nanaibu kananasu kanba ngamde haibadu khangbiribani.
8 Ibungogi khutmakna nanaibu sembikhibani, aduga Ibungogi khuttumakna nanaibu manghanbiri.
9 Ibungona nanaibu leikhomdagi sakhibani haibasi ningsingbiyu, Nanaibu uphullakta tilhanbige ningbirabra?
10 Ibungona eibu pokpa ipada eibu pokpa ngamnaba panggal pibikhi, Ibungona nanaibu imagi garbhada yokkhatpikhi.
11 Ibungona nanaigi singli tangli pumba sembikhi, nanaigi sarudu matong amadi unsa happikhi.
12 Ibungona ipunsi pinabikhi aduga nungsiba masak takpikhi. Ibungona ngakpiduna nanai ngasi phaoba leijaribani.
13 Adubu houjikti khangle houkhraba matamduda Ibungona nanaibu manghange thourangkhi.
14 Eina aranba toubadutani Ibungona yengbiriba, masina maram oiduna Ibungona eigi iran ngakpiroidouribani.
15 Eina aranba hek touba punjaduda Ibungona nanaibu cheirak pibire. Aduga amaromda eina aphaba thabak tourabasu aduga maheidi phangde. Eihak houjik upai leitre aduga ikai shanggoi hangle.
16 Karigumba eina touruba thabak ama maipakpa thoklabadi, nongsha tannabagi matougumna Ibungona eibu tannabi, eibu cheinakhon pinanabagidamak angakpa thabaksing pangthok-i.
17 Matam leibada eigi mayokta jaban pinaba mi tharammi, Ibungona nanaibu saobadu nongma nongmagi hen-gatli. Matam leibada anouba wathok thok-hanba ngammi.
18 Hey Ipuroi, asum toubigadouba oirabadi nanaibu karigi pokhanbikhibano? Taibang kanana udringeida nanai eihak sijaramgadabani.
19 Taibangsida asumna hingadoubagi sarukpudi, imagi garbhanungdagi mongphamda chatkhibana henna pharammi.
20 Nanaigi leiriba ipunsi karisu natre maramsina eibu itomta leihanbiro. Matam khara leiribasi nungngaina lelhanbiro.
21 Eihak taibangsi thadokkadouba matamdu naksinlakle aduga amuk hallaklaroi, chatlagani nanaidi amamba amadi awabana thallaba mapham amada.
22 Maphamdudi amamba, asibana ngairibaduni, lousing yaodaba maphamni.