2 Thessalonians 2

Eeshor laakpagi maramda araanba waakhal

1 Amasung, echin-enaaosha, eikhoygi ebungngo Jesus Christana laakpagi amasung eikhoyna ebungngogi maphamda punna tinnabagi marida eikhoyna nakhoybu nonjari,

2 Haaybadi, thawaayna oirabasu, waaheina oirabasu, eikhoyna eba manba laairikna oirabasu, Eeshorgi numit houjik laakle haaybana nakhoybu pukning khoiraang lilanghanba nattraga tnipaihanba oidananabani.

3 Mi kanaa amatana nakhoybu karigumba matouna namthaak toudasanu; maramdi dharma thaadokpa adu haanna thokpa amasung paki mi, amaangbagi mi machaanupa aduna, phongdokpa nattanadi madu oiroi;

4 Mahaak adudi Eeshorni haay naraba nattraga khurumnaraba pot pumnamakki mathakta yeknaba amasung masha mathanta chaaojaba oibani; aduna mahaakti masha mathantabu Eeshorgum utchaaduna, Eeshorgi ashengba sanggi manungda phammi.

5 Eina nakhoyga leiminnaringeida asishing asi nakhoyda tambirammi haayba nakhoyna ningshingdra? 

6 Amasung mahaak makki matamda mahaakpu phongdoknaba houjik khamba adu nakhoyna khang-e. 7 Maramdi waayel yaathang endabagiathuppa aduna houjiksu thabak touri; houjik khamliba mahaak adubu louthoktriba phaaoba khambatani.

8 Amasung matam aduda waayel yaathang endaba mahaak adubu phongdokkani; ebungngo Jesusna ebungngogi chingi nungshaaswarna mahaakpu haattuna, ebungngo lengbirakpa uhanbana aremba oihan-gani. 

9 Mahaak laakpa adu Satan-gi thabak toubagi matung ennaa paanggal pumnamakka, khudamshingga, minamba angak anggkpa ga,

10 Amasung manglibashinggi damak dharmachendabagi minamba pumnamakka loynagani; maramdi makhoy kanbiba phangnanaba achumbagi nungshiba adubu makhoyna loude.

11 Amasung maram asina makhoyna minamba adubu thaajagadabani haayduna, araanbana makhoyda thabak tounaba Eeshorna thabi;

12 Aduna achumba adubu thaajadaduna dharmachendabada nungaaiba makhoy pumnamakpu waayennabani.

Eeshordi chekshinna leinaba haliaba

13 Touegumsung; Eeshorna chanba echin-enaaosha, nakhoygi maramda matam leiba khibikta Eeshorbu thaagatchabana eikhoygi ethouni, maramdi Eeshorna nakhoybu ahaanbadagi thawaayna shengdokpibana amasung achumbabu thaajabana araan khubam phangnanaba khanbire.

14 Asigidamak Ebungngona nakhoybu eikhoygi gi, ebungngo Jesus Christagi, matik mangaan phangnanaba, eikhoyna aphaba waapaao tambibagi mapaanna koubire.

15 Adunadi, echin-enaaosha, chetna leppu; amasung waaheina oirabasu, eikhoygi laairikna oirabasu, nakhoybu tambikhiba chatna-rakliba adu chetna paiyu.

16 Houjikti eikhoygi ebungngo Jesus Christa mashaana, amasung eikhoygi, nungshibiba, loyba naaidana themjinbiba, aduga thoujaalgi mapaanna aphaba khouraangna ningba pibiba eikhoygi epa Eeshor aduna nakhoygi pukningbu themjinbisanu;

17 Aduga aphaba thabak amasung waahei khudingda chethanbisanu.