Revelation 18
Achouba saahar tubagi wa
1 Asigi matungda achouba matik leiba atei swargadut amanaa swargadagi kumthaarakpa eina ure; amasung mahaakki matik mangnna prithibida nganhalle.
2 Amasung mahaakna akanba khonjenna laaorak-e, ture, ture, achouba Babylon adu, aduga bhut shinggi leipham, shengdaba thawaay khudinggi amasung shengsu shengdaba, tuksu tukkachaba uchek khudinggi panpham oirakle.
3 Maramdi maagi marumbi thabakki maramda meihouna shaaobagi yu adugi maramna jaat pumnamak taare; amasung Prithibigi ningthoushingna maaga marumbi thabak touminnare aduga Prithibigi lallon bashingna maagi makherangbagi paanggaldagi yaamba enakkhulle.
4 Amasung swargadagi atei khonjen amanaa asi haayba eina taare, he eigi misa, nakhoyna maagi paapka sharuk phangminnadananaba, amasung maagi cheinakholgi sharuk phangdananaba, maangondagi thoklak-u;
5 Maramdi maagi paap swarga phaaoba peikhatle aduga Eeshorna maagi ayol-araan ningshingle.
6 Manaa pikhiba gumna maangondasu piyu, aduga maagi thabak matung ennaa maangonda sharuk ani piyu; manaa yaanakhiba tenggot aduda maagi damak sharuk ani yaannabiyu.
7 Kayaamuk manaa mashaabu thaagat chaaraba aduga makheranglamba, adupki matik maangonda awaaba amasung tengthaaba piyu. Maramdi manaa mapuknungda haayjei, eidi rani oiduna phammi, lukhraabi oide, aduga tengthaaba khak uroi.
8 Maram aduna nongmadi maagi cheinakhon mayaam, haaybadi shiba, tengthaaba amasung chaak-tangba, laakkani; aduga maabu meina pumchak chakkani; maramdi maabu waayenba Eeshor adu akanbaani.
9 Amasung maaga marumbi thabak touminnaduna makherangna panminnaba Prithibigi ningthoushing aduna maabu mei chakpagi meikhu adu ubada, makhoyna maagi damak kapkani amasung thabaak yeigani;
10 Maagi awaaba adu kibagi maramna makhoyna thaapna leptuna haaygani, awaabanida, awaabanida! achouba saahar, Babylon, akanba saahar nang! maramdi pung amagi manungda nangbu waayenba adu laakle.
11 Amasung Prithibigi lallonbashingna maagi damak kapsu kapi, tengthaasu tengthaai, maramdi mi kanaa amatana makhoygi lallonpot amuk haanna leibide;
12 Lallonpot adudi sanaa, silver, mani, mukta, anaanba leemon phi, memaanba phi, muga amasung ngangsang ngaangba phi; aduga manam naaiba u pumnamak, shaamu mayagi patra makhei, thoina mamal luba ugi, pithraaigi, yotki amasung marbal nunggi pot makhei;
13 Aduga Ushingsa, maroi maru, dhup, teinatho, kundru, angur mahi, thao, aphaba ata, gehu, aduga san, yaao, shagol, kang mayaam, aduga mishinggi hakchaang amasung thawaay, asishingni.
14 Amasung nanggi thawaayna paamba maheimarong adu nangondagi chatthokkhre, aduga atek-anou, anoiapet oiba pot pumnamak nangondagi mangkhre, amasung madushing adu amuk haanna phanglaroi.
15 Nupi asigi mpanna enakkhulhanba pot asishing lallonba mishingna maagi awaaba adu kibagi maramna thaapna leplaga, kapsu kaptana, tengthaasu tengthaaduna haaygani,
16 Awaabanida, awaabanida, anaanba leemon, memaanba amasung ngangsang ngaangba phi shetpa aduga sanaana, manina amasung muktana leitengba achouba saahar adu!
17 Maramdi pung amagi manungda asup yaamba laal adu mangtak-halle. Amasung hi mapu khudingna, karigumba mapham amaa taanna hi tongliba khudingna, hi honbashingna amasung samudragi mapaanna makhoygi hingba phangjariba makheina thaapna leplaga,
18 Maabu mei chakpagi meikhu adu yengduna laaorak-e, achouba saahar adu kariga mannarabano?
19 Aduga makhoyna makhoygi makok makokta uphun chaikhattuna, kapsu kaptuna, tengthaasu tengthaaduna laaorak-e, awaabanida, awaabanida, achouba saahar adu! samudrada hi leiba mi pumnamakna maagi mamal luba pot ayaambagi maramna maagi manungda enakkhulhanbanidako! maramdi pung amagi manungda maabu mangtak-halle,
20 He swarga, ashengbasa, paakhon-chatpasa, amasung Eeshorgi waa taakthokpasa, nakhoyna maagi maramda haraaojaro; maramdi Eeshorna maagi mathakta nakhoygi waayel adu toubire.
21 Amasung akanba swargadut amanaa achouba chakri nunggumba nungjaao amaa loukhatlaga, samudra manungda hunjinaduna haay, asumna paanggal thekna Babylon achouba saahar aduba huntharaga, amuk haanna khak phanglaroi.
22 Amasung pena khongba shinggi, esheikhulai heibashinggi, bansi khongba shinggi amasung pereshingga khongba shinggi makhol nangonda amuk haanna khak tararoi; khutnaaiba pot makheigi khutsa heiba kanaabusu amuk haanna nangonda khak phanglaroi; chakri makhol nangonda amuk haanna khak tararoi;
23 Thaaoumeigi mangaan nangonda amuk haanna khak ngallaroi; aduga amasung mou anoubigi khonjen nangonda amuk haanna khak tararoi; maramdi nanggi lallonbashingdi Prithibigi achou asang oirammi; maramdi nanggi hidam-yaaidamba jaat pumnamakpu minamle.
24 Amasung Eeshorgi waa taakthokpa shinggiashengba, shinggi amasung prithibida haatkhiba pumnamakki ee adu maangonda phangle.