Micah 3
Mikana Israelgi luchingba-singbu yaadaba
3 Eina haayrammi, Jacobki luchingbasa, Israelgi leibaak ngaakpasa, napuk-ning changna taro. nakhoy achumba haaybadu khangnaba tallaroidra?
2 Nakhoyna aphaabadu tukkachei adugaa phattabadu paammi, nakhoyna misinggi maun khoktuna saruda pakpa sadong phaaoba machet machet tahanningi.
3 Nakhoyna eigi misinggi sadong phaaoba chaathok-e. Hingna maun khok-e, makhoygi saru machet machet tana thudek-u, paatra nattraga khang-jaoda thaanggatlaba sagumna makhoybu machet machet lenthok-e.
4 Asigi matungda makhoyna Eesor-gi maphamda haayjagani, adubu mahaakna makhoyda paaoukhum pibiroi, Matamduda mahaakki maaythong makhoyda uhalloi. maramdi makhoyna touba pumnamak phattaba thabak ngaktani.
5 Eigi misingbu laambel laanna chingba waa taakthokpa singgi maramda Eesor-na asumna taakpiri. Makhoydi chaanaba khara leiraga "engthaba tam-mu" haayna misingda haay, makhoygi mayada kari amatta tahandabasinggi mayoktadi makhoyna laan toubi.
6 maramsina achumba ubaa ngambagi paanggal leiraroi. Karigino haaybada pumnamak amaamba oiragani nakhoygi naphamda, mapuna phongdokpidaba maramdagi nakhoy amaambada leiragani. waa taakthokpa singgi koklenda numit taagani. Makhoygi maphamda nungthin amaamba oigani.
7 Tungda thokkadaba waa thakthokpasingdu ekaaiba nanggani, khutlou phakpasingsu mamaay ngaanggani, makhoy pumnamak machin menduna leigani. maramdi Eesor-na makhoygi maphamda paaoukhum pibidre.
8 Adubu eigidamakti paanggal yaamna pibire, Eesor-gi thawaayna eigaa loinabire, Jacob amadi Israelgi mathakta makhoygi paapki mahei laaothoknaba eingonda achumba amadi paanggaldu pinabire.
9 Jacobki emung manung amadi Israelgi emung manunggi luchingba amadi leibaak ngaakpasa, waahei-singsi tajou. nakhoydi achumbabu tukkachei adugaa thoujansu leite.
10 Nakhoyna Zionda ee thahalli, adugaa Jerusalembuna araanba thabak touhalli,
11 Lam asigi luchingba-singna peisa chaaduna waayelli, purohit singna peisa khanba yaai haayna taakpi, waa taakthokpa singna peisaa-gi matung ennaa waa phongdok-e. adugaa Eesor-bu kijaba saraduna makhoyna haay Eesor-na eikhoyga loinabiriba nattra? maramsina phattaba amattasu thokloi.
12 maramsina nakhoygi naramdagi Zionbu sampot khoibagum khoigani. Jerusalem ningkhaairaba phattaba pot peipham oiragani, adugaa napu ningna sangdusu umang oiragani.
Micah 4
Eesor-na maalemda panba
4 Tungda laakkadaba numit singda asumna thokkani maadudi Eesor-na ngaanthoibiriba chingdu maalemsida leiriba chingsang pumnamaktagi magun leiba ehen hen-gani. Haayriba chingsina ching pumnamaktagi hen-gani. adugaa misingna maphamduda atatpa leitaana chatkani.
2 Jati kayaamarum laaktuna haaygani, Jacobki Eesor-gi ningna sang Eesor-gi chingdonda eikhoy kakhatsi, eikhoy mahaakki laambelda chatlasi maphamduda mahaakna eikhoyda maagi paaoutaak pibigani. Ziongi puyadu thokkadabani, Jerusalemdagina Eesor-gi yawaadu thokkadabani.
3 Mahaakna misinggi mathakta bichar toubigani, athaappada leiba akanba jaatisinggi maraibaksu manaa leppigadabani. Makhoygi thangdagi langgongilongkhum sagani, tadagina makhoyna lou khaonaba thaanggol semgani. Jaati amanaa Jaati amagi mathakta thaangsaang haigatlaroi, adugaa makhoyna lansu tamlaroi.
4 Mi khudingmak maagi maagi angur paambi amadi theibong paambi makhaada engna phamgani. maramdi waaphamsi nongthak nongkha anigi mapu, Eesor-na taakpikhrabani.
5 Mi khudingmak maagi maagi laaigi maming sonduna chatpa yaai adubu eikhoydi matam leiba khibikta eikhoygi mapu ebungngo Eesor-gi maming sonduna lengani.
Israelna loidagi hallakpa
6 Eesor-na taakpiri adugumba numittuda eina lammuknakhrabasingbu punsinbigani, Bandi oinaa pukhrabasing adugaa matu maman sonbasingbu mapaanggal haappigani.
7 Lambel maangkhrabasingdubu eina eremkhak oinaa lousan-gani, loi thaakhrabasingdubu akanba jaat amaa oinaa semgatkani. Matamdudagi houna Eesor-na oibigani makhoygi ningthou Zion chingthakta
8 Yao sanggugi makok, Ziongi mamomloisinggi ching nakhoygi nakhutta waasaksingdu thunggadabani, nakhoygi mamaangeigi leibaaktu amuk haanna laakkani, Jerusalemgi mamomloisinggi leibaaktu amuk haanna laaklagani.
9 Nakhoy karigidamak kaplibano? nakhoygi narakta ninghou leitrabara? Paaoutaak pibinabasu leitrabara? Chaboksangda leiribi nupi-singumna nakhoy waariba karigino?
10 He Ziongi mamomloisa, chabokpi nupina toubagumna onna thoina maalem thakta hipchou. houjikti nahaak saharsi thaadoklagadabani, ahaangba lamhaangda sang saaduna leire, adudagi Babylonda laak-u, maphamduda eina nangbu kanbigani.
11 Adubu houjikti jaat kayaamarumna nanggi mayokta haay, mahaak amaangba jaat amaa oirasanu, adu oirabadi Zionda kari thok-e haaybadu eikhoyna mit thitna yenggani.
12 Adubu Eesor-gi waakhandu makhoyna khangde, haayriba-singsidi lou yeiphamda phoubom khombagum khomjankhrabani.
13 Ziongi mamomloisa, lou yeiba houro, nakhoygi nakoktu yot oihan-gani, nakhoygi napambomduna pithraai oihan-gani, adugaa nakhoyna mi yaamna marai chaithahanba ngamgani. makhoyna namthaak touduna tanba landu Eesor-da katkadabani, makhoygi maraan-mathum pumnamak maalemsigi Eesor-da katkadabani.