1 Samuel 14

Jonathanna mathouna utpa

14 Saulgi machaa-nupaa Jonathanna nongma mahaakki khutlai puriba nupaaduda haayrammi, "Philisti-singgi laanbangi asom-thangba nakanda chatlaga laanjangrusi." waaphamsi Jonathanna mapaa Sauldadi taklamde. 2 Migronda houriba kaphoi paambidugi makhaada Gibeahgi lamda Saul leptuna leirammi. 3 Silohda leiba Eesor-gi ningna sangda purohit oinaa leiriba Eligi machaa-nupaa Pinehaski machaa-nupaa echaa bodki mayaamba Ahitubki machaa-nupaa Ahijahsu ephod amaa setladuna maphamduda leplammi. miyaamduna Jonathan chatkhre haayba khanglamde.

         4 Jonathanna Philisti-singgi laanbanda chatkhiba matamda ching anigi karakta leiba lokchap amada chatlammi. Ching anidugi mingdi Bozez amadi Seneh kou-rammi. 5 Lokchap amadi awaangpangbada Mikmaski mamaangmakta oirammi. atoppa amaduna Gebagi kharomda leirammi.

         6 nahaa oiriba nupaaduda Jonathanna haayrammi, "un kaktaba Philisti-singgi laanban-lomda haijillasi. Eesor-na eikhoybu tengbangbigani. Kanbu kanbige haayrabadi mi yaamba nattraga yaamdabagi waa leite. 7 Nahaduna khumlammi, "nahaakna touba khudingda eihaak yaojagani."

         8 Masida Jonathanna haayrammi, "phare, eikhoy mirak phaaoduna chatsi adugaa Philisti-singda eikhoybu uhansi. 9 Karigumba eikhoygi enaakta lakke lengdana leiyu haayraklabadi eikhoy maphamsida lengdana leisi. 10 Karigumba makhoyna eikhoybu makhoygi manaakta changsinlaknaba haayraklabadi manaak taanna changsi. "Masina makhoybu Eesor-na eikhoygi khutta tahanllabani. haaybasigi khudamni."

         11 Makhoy anina asumna Philisti-singgi manaak taanna changsinduna masak utlammi. Philisti-singna makhoybu ubada haayrammi, "makhunda lotlambadagi Hebrew khara thorakle." 12 makhoyna Jonathan amadi nahaa oiriba nupaaduda haayrak-e, "maphamsida taanna laak-u. eikhoyna nakhoyda haigadouba waa amaa lei."

         Jonathanna nahaa oiriba nupaaduda haayrammi, “eigi tungillu, Eesor-na Israelda laan-ngamhanbigadouri." 13 Khurukhudak kunduna Jonathan amadi nahaa oiriba nupaaduna ching lambidu phaogatkhirammi. Jonathanna Philisti-singduda taksinkhirammi amasung mahaakki mamaangda makhoy tukhi. Tanjasida nahaa oiriba nupaaduna makhoybu haatkhi. 14 Jonathan amadi khutlai paayba nupaagana numitsida haatkhibasi mi 20muk surammi amasung asibaa masaadu loubukta sangna taaduna leirammi. maadu acre tangkhay sanglammi. 15 Khunggangda leiriba Philisti-singsu mipainarammi adugaa laanmisingsu thoidokna mapukningda akibaa amaa poklammi. maalemsi nikkhi adugaa kibana hainingai leikhide.

Philisti-singbu maaythiba piba

         16 Benjamin-gi Gibeahda leiriba lan-ngakpasingduna miyaamduna handok hanjin chellibadu yengduna leirammi. 17 Saulna mahaakka loynariba misingduda haayrammi, "eikhoigi erakta kana waatli masing thiduna yeng-u." makhoyna masing thiduna yengba matamda Jonathan amadi mahaakki khutlai paayba nupaadu waatkhi. 18 Saulna haayrammi, "maphamsida Eesor-gi phambaaldu purak-u." Matamsida Eesor-gi phambaaldu miyaamduna puduna chatlammi. 19 Saulna purohitka waari sanaringeida Philisti-singgi laanbanda nil khongba hen-gatlakkhi. Saulna Purohitta haayrammi, "Eesor-dagi laaibao tajanaba matam leitre." 20 Mapham maraang khangdana makhoy masen onsinnaduna thangna yaanaraba Philisti-singgi marakta Saul amadi mahaakka loynariba laanmisingduna laan changkhi. 21 Hebrew kharana haanna Philisti-singgi mi oiduna Saulgi mayokta laan changgani leirambaduna Philisti-singda onsinduna haatpa hourakkhi. makhoyna Saul amadi Jonathangi mateng pangkhi. 22 Ephraimgi chingda lottuna leiramba misingdunasu Philisti-sing chelli haaybasi taabada thoraktuna laandaba yaokhi. 23 Numittuda makhoyna Bethaven waangma phaaoba taksinkhi. Haayriba numitsi Eesor-na Israelbu laan-ngamhanbikhi.

Laanphamsigi matungda thok-khiba thoudok-sing

         24 Numittuda Israelgi mising Mathawaai nungaairamde maramdi Saulna waasakladuna misingda haaykhi, "numidaang youdringeida chaak chaaba midu tumna mangsanu." Yeknababu haanna maaythiba piba taay. "maramsina mi amaa phaaoba chaak chaakhide. 25 makhoyna umang amada laakpa matamda khoihi yaamna leiramba thengnakhi. adubu kanaanasu khoihi chaakhide maramdi makhoyna waasaktu yaamna kirammi. 27 adubu Jonathandi mapaana saap toukhi haaybasi khanglamde, maramsina mahaakna pairamba cheiduna khoira amada thingjinkhiduna khoihi louraga khara chaakhi. chaabamaktada mahaak masa tekhatkhi. 28 miyaamdugi maraktagi amanaa haayrammi," nahaakki napaana miyaamda saapka loynanaa haaykhi, "ngasi chaak chaaba midu tumna mangsanu. Chadabadagi misingdu patthaaduna tukhi.

         29 Masida Jonathanna haayrammi, “eigi epaana  leibaak miyaamsi waahalle. Eina khoihi khajiktang chaabadata eigi isasi kayaada tekhatlaba. 30 eikhoygi misingna makhoygi yeknaba-singbu maaythiba piba matamda phangkhiba chinjaaktu chajarabadi kayagi matik nungaairamgada bano? adu oiramlabadi Philisti-sing masing yaamna henna haatlamgadabani."

         31 Numitsida Israelgi misingna Philisti-singbu Mikmastagi Aijalon phaaoba tannaduna haatlammi. maramsina miyaamdu masa choktharammi. 32 miyaamduna Philisti-singgi maraan-mathumdusu khomkhi maramsina makhoyna yao, san amadi sannaonachingba phaaraga haatlammi. misingna saadu ee yaaonachakhi. 33 Saulda mi kharana haayrammi, "miyaamna ee yaaonasa chaaduna Eesor-gi mayokta araanba thabak toure."

         Masida Saulna haayrammi, "nakhoyna araanba thabak toure. achouba nung amaa maphamsida pusil-lak-u." 34 Saulna haayrammi, "thuna misingda paao piyu:  mi khuding maagi maagi saadu maphamsida haatkadabani. maphamsida chaabana Makhoygi damak henna phei maramdi epa yaaonachaaduna Eesor-gi mityengda araanba thabak toudabana henna phei." misingduna saasingdu maphamduda puraktuna haatlaga chaakhi. 35 Saulna maphamduda phaankhong amaa saakhi masina Saulgi matamda ehaan haanba phaankhong saaduna Eesor-gi khuyaakhaada katkhiba phaankhongduni.

         36 Mathangda Saulna haayrak-e, "ahingda Philisti-singgi laanbanda changduna makhoybu tumna hatsi. amaa phaaoba khakkanusi." Masida miyaamna haayrammi, "ebungngona  phagani haaybamakhei tousi."

         Adubu maasi taabada purohittuna haayrammi "Eesor-gi yaathang loukhisi. 37 Saulna Eesor-da haayjarammi, eina Philisti-singgi mathakta laandaba matamda maay paakhanbigadra? adubu Eesor-na haaybiba numitsida karigumba paaoukhum amatta pikhide. Masida Saulna miyaamgi luchingba oiribasingbu kourammi. Mahaakna misingda haayrammi karamna ngasi araanba thabak yaokhiduna Eesor-dagi laaibao laktribano? 39 Israelbu laan-ngamhanbiba Eesor panduna eina ngasi waasaklibasini maadudi echaa Jonathan oiraphaobada araanba touramba nupaadu sibagi dandi pigani." adubu miyaamduna maangonda paaoukhum amatta pikhide. 40 Saulna miyaamda haaykhi, "nakhoy adomda leppu, eigaa Jonathan asida lepage. "Makhoyna, "phagani haaybadu toubiyu."

         41 Saulna Israelgi Eesor-da haaykhi, "he Eesor, karigidamak paaoukhumbidribano? "he Eesor, Israelgi Eesor, asengba nungsing asina paaoukhum pibiyu. Jonathanna lanbra, eina lanbra? Urim asina taakpiyu. Nanggi mi Israelna lallabadi, thummimna taakpiyu. 42 Mahaakna miyaamduda haayrammi, "eiga echaa-nupaa Jonathan-gagi marakta nakhoyna achum aran thiba taay." Masida Jonathan mamaay makaa langsinkhi. 43 Saulna maasi ubada Jonathanda hangkhi, "nahaakna kari araanba toukhrabage?" Jonathanna khumkhi, "eina khoihi khara charure. maadugi mahei oinaa eibu sibagi dandi pibiba yajei."

         44 Saulna Jonathanda haaykhi, "nahaakpu sibagi dandi pidrabadi epuroina eibu siraap phanghan-gani."

         45 miyaamna Saulda haayrammi, "Israelbu asuk chaaoraba laangam phiran thethallamliba Jonathansi asibagi dandi phangpham thokpraa? Natte, sinaaidba Eesor-na yengduna eikhoyna waasaklibasini Jonathangi mathakta sibagi dandi pibadi laairaduna makoktagi masam amaa phaaoba kenba yaaroi. Mahaakna ngasi toukhiba thabaksingsi Eesor-na pang-bibadagi ngamkhibani." Matou asumna miyaamna Jonathanbu sibagi dandidagi kanbikhi.

         46 Thoudoksigi matungda Saulna Philisti-singgi mathakta laandaba toktuna makhoygi maramda hankhi.

Saulna ningthou oiringei amadi mahaakki emung manung

         47 Saulna ningthou oinaa paallaba matamda Israelgi yeknaba-singa mapham khudingda laanthengnakhi. Amon, Edom, Zobah, amadi Philisti-singga laanthengnaba matamda makhoybu maru phangna maaythiba piduna mapaanggal sonthahankhi. 48 Mahaakna mathouna uttuna Amaleksingbu haatkhi. adugaa Israelbu ot-neibasinggi makhuttagi kanbikhi.

         49 Saulna poklamba machaa-nupaasing: Jonathan, Isvi, MalkiSua, adugaa machaanupi anidugi mamingna: ahanna Merab adugaa atonbiduna Mical, koukhi. 50 mahaakki nupidi Ahinoam oirammi. Ahinoam Ahimaazgi machaanupi oirammi. mahaakki laanmisinggi luchinglendi makhura Nerna pokpaa Abner oirammi. Saulgi mapaa Kis amadi Abnergi mapaa Ner Abielna pokpani.

         52 Saulna hinglingeida Philisti-singga akanba laanthengnakhi. maramsina kanaagumba mathouna leiba amadi mapaanggal kanba mi amaa thengnarabadi mahaakki laanmi oihallammi.