Exodus 25
Israel thou katthokpa
(Khong 35:4-9)
1 Eeshorna Mosesda haayrammi,
2 Eibu ningshingnabagi mashak oinaa pujagi potchang shem-shaanaba Israelgi mishingda haayyu. Eigidamakni haayduna mapukning shengna katningba mishing leirabadi makhoyna purakliba potshingdu nakhoyna loushingadoubani.
3 Nakhoyna mishingdagi loushingadouba akatpotshingdu asini. Sanaa, silver amadi pithraai,
4 Higog ngaangaanba amadi ngaangleinaba phi akkuppa leemon machaa ani phaaiduna shaaba phi, haameng matu,
5 Yaao, maun, haameng maun, chinggonglei paambi,
6 Thaaoumei thannaba thao, noibada shijinnaba maru maraang, manam nungshiba dhup thannaba maru maraang,
7 Ephod amadi khubham shaanaba sangbanaba nung amadi makhal atei ateigi nungnachingba loushingadoubani.
8 Makhoygi marakta eihaak leinaba ningnashang amaa sabiyu haayyu.
9 Eina nangonda utkhiba khubaamgi mawong matung ennaa shaagadabani. maasida thamgadouba mapot machei pumnamak nakhoyna thouraang tougadabani.
Phambaal shaagatpa
(Khong 37:1-9)
10 Makhoyna chinggonglei paambina phambaal amaa shaagadabani. madu lam ani makhaay sanghangadabani. Lam aniga makhaay pak-hn-gadabani. Lam amag makhaay waanghangadabani.
11 Masigi mashaadu shinba thungna sanaa yeigadabani. Manung mapaan animakta sanaana phudonggadabani. Masigi akoybada sanaana chatcha shemduna leitenggadabani.
12 Sanaana khudop mari shaaraga makhong marida hukkadabani. Khudop anina nakan amaromda aduga atoppa khudop ani amanaa atoppa nakan amaromda hukkadabani.
13 Chinggonglei paambina yumbi shemlaga sanaana yomshin-gadabani.
14 Phambaal pugadouriba yumbidu khujida hukchingadoubani.
15 Phambaalduda paalliba khujishingduna yumbishingduda lougadabani. Yumbishingdu phambaaldagi louthokpa yaade.
16 Eina nangonda pigadouriba areppa waashakki urongdu Phambaaldugi manungda thamgadoubani.
17 Nahaakna ashengba sanaana khubham amaa shemgadoubani. Masigi asangba inches 45 Aduga apaakpana inches 27 oihangadabani.
18 Khubaamgi chidai anida khut changna saraba sanaagi Cherubim ani shemduna thamgadabani.
19 Cherub amanaa chidai amada, atoppa Cherub amanaa atoppa chidai amada leihangadabani. Khubhamgi sanaaduga Cherubki sanaaduga shamnahangadabani. Haayribasi matai mataida thamgadabani
20 Cherubimshingduna khubhamdugi mathakta mashashingdu shaandokhangadabani. Makhoygi mamaidu Khubhamlomda onshingadoubani.
21 Phambaalgi mathakta khubhamdu thamgadoubani. Phambaalduda Eina nangonda pigadouriba areppa waashaktu thamgadoubani.
22 Maphamduda Eina nahaakka unagani. Khubaamgi mathak aduga areppa waashakkisu mathak Cheru anigi maraktagi Israelgi mishinggi yaathang oinaa pigadouriba yaathangdu Eina nangonda haayrakkani.
Phaan amaa shemba
(Khong 37:10-16)
23 Chinggonglei paambina awaangba phan amaa shemmu. Masigi asangba feet 3, apaakpa inches 18 Aduga awaangbana inches 27 oigadabani.
24 Maasibu sanaana yomshin-gadabani sanaana ekoy koyna mapaan amaa chen-gadabani.
25 Masigi akoybada khubaak amaa pakna mapaan chensillu. Mapaansigi akoybada sanaana ekoy koyna mari amaa chellu.
26 Masigi makhong mariduda hukchinnaba sanaana khuji mari amaaga shemmu.
27 Awaangba phan thaanggatkadouriba yumbishingdu phajinnaba mapaanduga naknana khujishingdu thamgadoubani.
28 Yumbishingdu chinggonglei paambidagi shaagadabani. Yumbishingdu sanaana yomshin-gadabani. Phandu yumbishingsina punhangadabani.
29 Ashengba sanaana dhup thannabagidamak pukham amadi kambi aduga paap koknaba mahi heiduna touba puyada shijinnanba khujai amadi chaisen shaagadabani.
30 Eigi emangda thaariba phanduda ashengba taldu thamgadoubani.
Sanaagi thaaoumei makhong
(Khong 37:17-18)
31 Ashengba sanaana thaaoumei makhong amaa shaagadabani. Thaaoumei makhonggi phambak amadi macheidu khut changna shaagadabani. maasida hapkadouriba tenggot, makok amadi leigi leitengdu masha amatta oinaa punna shaagadabani.
32 Thaaoumei makhongsigi makhut taruk pangadabani. Nakan amada ahum aduga atoppa nakan amaromda ahum amaa palhalgadabani.
33 Thaaoumei makhongshingsigi makhut amam-mamda makok amadi leina leiteng oinaa tenggot badamgi mawong maanna shaaraga hapkadabani. Badamgi mawong maanba tenggot ahum amasu shaaraga makok amadi leina leiteng haplaga makhut atoppa amadudasu pangadabani. Asumna thaaoumei makhongsigi makhut taruktumak loina pangadabani.
34 Thaaoumei makhongsidasu badam maanba tenggot makok amadi leina leiteng oiba amaa shaaraga thamgadabani.
35 Thaaoumei makhongdugi thindorakliba makhut taruktugi ani anigi makhaada makok amam-mam leihangadabani. Makokshingdu punna heigadabani.
36 Makhoygi makok amadi makhutshingdu machet amattana shaagadabani. Thaaoumei makhongdudi ashengba sanaana yeiduna mapum oinaa shaagadabani.
37 Maasida thannaba thaaoumei taret amasu shaagadabani. Thaaoumeishingdu masigi mamaangda leiriba potshingdu unnaba thamgadabani.
38 Thaaoumei muthatnaba makhok amadi makhum apaakpadu sanaana shaagadabani.
39 Maasida changgadouba potshingdu sanaa ashengba kilo 34.5 Na shaagadabani.
40 Chingda utkhiba mawongdu kaidana shaagadabani haaybasi kaoganu.