Psalm 55
Marupna hundoklaba nupa amana haijaba
55 He ipuroi nanaina haijaribasi tabiyu, nanaina haijaribasi tabidaba toubiganu.
2 Nanaigi wasi tabiraga paokhum pinabiyu, awabatana nanaigi ngamkhei leite.
3 Nanaigi yeknabasingna akiba pokhalli, phattabasinggi sarouda nanai tare. Makhoina eigi ithakta awaba tahalli. Matam leibada makhoina eibu saohalli amasung tukkachana touri.
4 Eihak kibana mangoinare, asibagi khayatta tagani haibagi kibana loire.
5 Kibana thak thak nikle, akibana eibu kuyomgum yomsinbire.
6 Khunugumna isa pallamlabadi nungngairamgani, eina paikhiduna pottharamgani.
7 Eina athappada paikhiduna lamjao lamhangda iyum saramgadabani.
8 Meigumna shana sitliba nungsit amadi nongleidagi lotnanaba mapham ama phangba ngamgani.
9 He Ishor, eigi yeknabasingdu maron thok-hanbigani. Saharda hatnabagi mikap mirao tari.
10 Masida ahing nungthin animakta, mihat mipunna thalli.
11 Mapham khudingda amangbana thalle, Lambelda namthak amadi ot neibana loire.
12 Masi yeknaba kanagumba amana noknaba oirabadi irai laina khangba ngamgadabani, eiga lanba touriba kanagumba amana napan touba oirabadi, eina mahakna udaba mapham amada lottuna leiba yarambani.
13 Madudi natte. Pumnamaksi eigi luna tinnaba marup, chakluk amattada chaminnariba marupna thok-hanba ngaktani.
14 Eikhoi matam leibada punna leiminnaduna ningnashang amattada Mapubu khurumminakhibani
15 Eigi yeknabasingdu manung matam chadana sikhisanu, asithenda makhoi taba oisanu.
16 Ipuroi Ishor-na eibu tengbangbinaba haijari, Ibungona nanaibu ngakpi senbigani,
17 Ahing nungthin animakta, eina kapchaba amadi laojabadu tabi, eigi khonjeldu Ibungona tabigani.
18 Yeknaba kayagi mayokta thengnariba lanphamdudagi pubirakkani Ibungona eibu asoi angam leitana
19 Ngamkhei leitraba taibangsibu ngakpiriba Ibungodunaeina haijabasi tabigani aduga makhoibu maithiba pigani. Maramdi makhoina lamchat semdokpa yaningde, aduga makhoina Ibungo mahakpu thaoide,
20 Eigi hannagi marupsingna makhoina tinnariba marupsingdubu laksilli, makhoina wasak ngakna chatte.
21 Mahakki machindagi thorakpa wasingdu nalli, adubu thamoidadi hu phumbani, thorakpa waheisingdu thao thakpagumna nalli, adubu athouba thanggi matougumna machin thouwi.
22 Awanungngai animakta Ishor-da changjou, Ibungona nahakpu kanbigani. Mapukchel sengba kanabusu Ibungona ningba kaihande.
23 He ipuroi, Ibungona mihatpasing amadi oidaba ngangbasingdu asithenda kumhanbigani. Makhoigi punsi tangkhai youdringeida manghanbiyu. Nanaigidi Ibungoda changjage.